Jeremaya 5:27 - Holy Bible Nigerian Pidgin English

²⁷ Just as hunta pak bird full kage, na so dem pak money wey dem get thru wayo full dia house and na dis make dem rish well-well kon get pawa.

Jeremaya 5:27 Jak'a apnaqawi uñst'ayäwi

Revelashon 18:2

E shaut with loud vois sey: “E don fall! E don fall! Babilon wey big well-well don fall! E don bikom di place where demons, evil spirits, bird and animal wey pipol hate, dey stay.

Mikah 1:12

True-true Marot pipol dey wait for who go save dem, but God don bring wahala kom Jerusalem.

Jeremaya 9:6

Just as dem dey do one wiked tin finish, na so dem dey start anoda one. Dis pipol nor gri listin to mi wey bi God.”

Jeremaya 8:5

Den, wen dis pipol turn from mi, why dem nor turn back kom meet mi? Instead, dem whole dia juju tight and nor gri turn kom meet mi.

Jeremaya 12:1

My God, Yu dey always trit mi well anytime wey I komplain give Yu. But I ask Yu one kweshon about good judgement: “Why e bi sey wiked pipol dey prosper and pipol wey nor dey honest, dey susid?

Zefanaya 1:9

For dat day, I go ponish di pipol wey dey serve juju and wey turn dia oga house to where dem dey kworel and play pipol wayo.”

Job 12:6

But tif and pipol wey nor dey fear God dey live for peace, even doh na God hand dem dey.

Isaya 3:14

God won judge doz wey dey lead en pipol. E sey, “Na una skata di vineyard kon pak poor pipol tins full una house.

Hosea 12:9

“But na mi bi di Oga una God wey take una komot from Egypt; I go make una stay for tent again, just as e bi wen una dey do Shelta Feast.