Jeremaya 48:26 - Holy Bible Nigerian Pidgin English

²⁶ God sey, “Make Moab stagga kon fall like pesin wey don drink, bikos dem go against mi. Moab go roll on-top en vomit and pipol go laf am.

Jeremaya 48:26 Jak'a apnaqawi uñst'ayäwi

Jeremaya 51:39

As dem dey hongry, I go prepare food, so dat dem go chop and drink kon happy. Den dem go sleep kon die go like dat.

Jeremaya 48:42

Moab go skata and nobody go know am again, bikos God don curse am.

Isaya 29:9

Make una kontinue to dey fool unasef! Make una dey bihave like pesin wey nor dey si! Make una dey stagga fall even wen una nor drink wine. Yes! Make una dey stagga waka, even doh una nor drink!

Isaya 19:14

God don konfuse dem; dem dey give wrong advise and evritin wey Egypt pipol dey do, nor dey rite at-all and naw, di pipol dey stagga like drunkard man wey sleep on-top en vomit.

Daniel 5:23

Instead, yu dey against God wey get heaven and eart. Yu bring all di tins from di temple, den yu and yor men, plus yor wife and yor girl-friends kon use dem dey drink wine. Yu dey praiz di gods wey dem make with gold, silva, bronze, iron, wood and stone; gods wey nor even fit si, hear or undastand! But yu neva ever praiz God wey dey kontrol yor life and ways!

Lamentashons 4:21

Edom pipol wey dey stay for Uz land, make una dey laf naw. Make una know sey dis judgement cup go rish where una dey too; una go drink from am until di drink don shark una and una go kon naked.

Jeremaya 51:7

Babilon pipol bi like gold cup for my hand a nd di wine for inside dey shark di whole world. Di nashons drink from am and dem kon start to bihave anyhow.

Jeremaya 48:39

Moab don skata! Make una kry well-well, bikos dem don disgrace Moab. Di town don skata and all di nashon wey dey round am, dey laf am. Mi, wey bi God, don tok.”

Exodus 5:2

But Fero ask dem, “Who bi dis God wey go make mi fear am kon let Israel pipol go? I nor know am, so I nor go let Israel pipol go.”

Revelashon 16:19

Den di big town divide into three and di nashons kon fall rish groun. So God remember Babilon wey big well-well and E gi-am di cup wey full with en vexnashon wine.

2 Tesalonians 2:4

E go oppoz and karry ensef pass God and oda tins wey pipol dey woship. E go even sidan for God Temple dey tok sey e bi God.

Habakkuk 2:16

Instead make dem honor una, na disgrace go follow una and na una by unasef go drink kon stagga fall. God go make una drink from una own ponishment cup and una honor go turn to disgrace.

Nahum 3:11

Naw, Nineveh, yorsef go stagga fall like who don drink. Yu go run go hide from yor enemies, den yu go kom dey beg for help.

Daniel 11:36

“Den di king go do wetin e like. E go dey make mout and karry body up sey, ‘I get pawa pass any oda god. I even high pass God wey dey heaven.’ E go dey susid until di time wey God won ponish am, don rish. God go do wetin E don plan.

Lamentashons 3:15

Na bitterness and sofa bi di food and drink wey God dey give mi.

Lamentashons 1:21

Even doh dem hear sey I dey sofa, nobody gri kom konfort mi. My enemies know sey I dey trobol and dem dey happy to si as God ponish mi. Make di Judgement Day wey Yu promise kom, so dat dem go sofa, just as I don sofa so.

Jeremaya 51:57

I go make en ofisas, wise men, leaders and sojas drink anyhow. Dem go sleep and dem nor go wake-up again. Mi, wey bi God, don tok. I bi di Oga God wey dey mighty.

Isaya 63:6

I mash di nashons as I dey vex kon skata dem. Den I pour dia blood for groun.”

Isaya 51:17

Jerusalem, make una wake-up! Make una karry unasef up! Una don drink from di ponishment cup wey God give una, bikos E dey vex. Una drink am and e dey make una stagga.

Isaya 10:15

But God sey, “Axe go fit sey e big pass di man wey dey use am? Abi cutlass dey important pass pesin wey dey use am kut sometin? Nor bi gun dey karry pesin wey hold am, but na di pesin dey karry am.”

Psalms 75:8

One cup wey full with wine wey dem mix with spice, dey for God hand and E pour am for di world. True-true, all di wiked pipol for di world go drink from am till e finish.

Psalms 60:3

Yu dey trit us with strong hand kon make us drink wine wey dey katch us naw.

Psalms 59:8

But Oga God, dey laf dem. Yu dey laf all dis wiked nashons.

Psalms 2:4

But di King wey dey heaven dey laf dem anyhow. Yes! God dey laf dem well-well.

Job 9:4

God too get sense and en pawa dey mighty; nobody fit stand against am.

Exodus 9:17

Yu still dey karry body up and yu nor gri free my pipol.

Isaya 28:8

Dem don kover dia tabol with vomit and evriwhere dey smell.

Daniel 8:10

E strong rish to attack God sojas for heaven; e even remove and trow some stars for groun kon stand on-top dem.

Job 15:25

bikos dem dey tok to God anyhow, dey make mout for di Oga wey dey mighty.

Jeremaya 50:29

Tell di sojas make dem attack Babilon. Make evribody wey sabi shot bow, surround di town so dat nobody go eskape. Una must pay dem back kon trit dem, just as dem trit odas, bikos dem dey karry body for mi wey bi di Holy One for Israel.