Jeremaya 46:10 - Holy Bible Nigerian Pidgin English

¹⁰ Na God wey dey mighty get today. Today, E go take revensh kon ponish all en enemies. En swod go kill all of dem. God wey dey mighty don sakrifice doz wey fall for en trap for di nort side for Eufrates River.

Jeremaya 46:10 Jak'a apnaqawi uñst'ayäwi

Deutronomi 32:42

I go make my arrow full with blood and my swod go distroy pipol flesh, doz pipol wey I katch and kill and even di enemies oga blood!’ ”

Joel 1:15

God day don near, di day wen di Almighty go distroy evriwhere. Dat day go bad well-well!

Jeremaya 46:2

Dis na wetin E tok about Egypt and King Neko sojas for Egypt, wey King Nebukadnezzar for Babilon win for Karkemish near Eufrates River for di fourt year wen Jehoiakim bi king for Judah.

Jeremaya 46:6

Even di sojas wey sabi run well-well, nor fit eskape. Wen dem run rish di nort side for Eufrates River, dem stagga kon fall.

Luke 21:22

bikos na dat time God go judge di world, since evritin wey dem rite for God word, must happen.

Joel 2:1

Make yu blow di trumpet, so dat dem go hear am for Zion wey bi God holy hill. Make evribody fear well-well, bikos God day dey kom.

Jeremaya 51:6

So, make una run komot Babilon town! Make una run for una dear life! Make una nor die for nor-tin, bikos of Babilon pipol sin. I dey take my revensh and I go ponish dem well-well.

Jeremaya 50:15

Make una shaut for war for evriwhere for di town! Den, Babilon pipol go surenda. Dem go skata di town wall, bikos mi wey bi God, dey take revensh. So make una trit am, just as e trit odas.

Isaya 63:4

I just feel sey di time to save my pipol don rish and na di rite time to ponish dia enemies bi dis.

Isaya 13:6

So make una kry with pain, bikos di day wen God go judge una don near; di day wen God wey get pawa won take distroy evritin.

2 Kings 24:7

Egypt king with en men nor komot from dia land again go fight, bikos Babilon king don konker evriwhere wey Egypt king bin get before from Egypt wotaside go rish Eufrates River.

Isaya 61:2

E send mi kom tell pipol sey di time for God to save en pipol and defeat dia enemies, don rish! Yes, E go konfort doz wey dey mourn.

Job 24:1

“Why God nor set di time wen E go take judge pipol; di day wey E go judge di pipol wey dey woship am?

Isaya 31:8

“Dem go kill Assyria pipol with swod for war and nor bi swod wey human being make. Assyria pipol go run from di swod and dem go turn dia yong men to slaves.

Jeremaya 12:12

Pipol don tif all di tins wey dey di land. I send sojas go distroy di land and nobody for der go get peace.

Jeremaya 46:14

“Make yu shaut am for Egypt, Migdol, Memfis and Tahpanhes sey, ‘Make una ready to defend unasef, bikos dem go kom fight and distroy evritin where una get!’

Jeremaya 50:18

Bikos of dis, just as I ponish Assyria king, na so mi wey bi Israel God go ponish King Nebukadnezzar and en pipol.

Ezekiel 21:28

“Man pikin, make yu profesai. Tell dem wetin mi God wey get pawa dey tell Ammon pipol wey dey curse Israel. Tell dem sey: “ ‘One swod dey ready to skata; swod wey dem polish to kill and e dey shine like tonda lite.

Zekaraya 6:6

Di shariot wey di black horse dey drag, dey go nort; di white horse dey go west and di horse wey get spots dey go di kountries for sout.

Isaya 2:12

True-true, God wey dey lead di sojas for heaven don plan di day wey E go judge evritin, bikos E go disgrace di pipol wey feel sey dem get pawa and dey make mout.