Jeremaya 43:12 - Holy Bible Nigerian Pidgin English

¹² I go set fire for Egypt gods temple and Babilon pipol go burn dia gods or karry dem go. Just as shepad dey kill and remove all di lice wey dey en klot, na so too Babilon king go kill and remove Egypt pipol from dia land.

Jeremaya 43:12 Jak'a apnaqawi uñst'ayäwi

Ezekiel 30:13

God wey get pawa sey, “I go distroy and skata di juju wey dey Memfis. Nobody go ever rule Egypt again and I go make all di pipol fear.

Isaya 49:18

Make una look round kon si wetin dey happen! Make all una sons gada kom meet una! Naw God dey sey, as long as una shidren dey alive, dem go bi like pomade for una body; una go wear dem like di gown wey woman wey won marry dey wear.

Isaya 19:1

Dis message na about Egypt: Si, God dey ride on-top di kloud kom Egypt. Egypt juju fear wen dem si am and di pipol heart kon fail dem.

Jeremaya 48:7

Moab! Yu trust yor pawa and di many money wey yu get, but naw, yu go die and strenjas go karry Kemosh wey bi yor god, en prince and priests, go anoda land.

Jeremaya 46:25

Israel God still sey, “I go ponish Amon; Tebes god; Egypt with en gods and kings. I go karry Egypt king with doz wey trust am

Psalms 104:2

Yor dress dey shine like lite and Yu stresh di sky like curtain for heaven;

Job 40:10

If na so, stand up make yu ansa mi; dress like king make yu hail yorsef.

Estha 6:9

Den make one of di king men dress di pesin kon dey lead am thru di town as e dey on-top di horse. Make di king offisa dey shaut as dem dey go sey: ‘Make una si how di king dey reward di pesin wey e choose to honor!’ ”

2 Samuel 5:21

Wen Filistia pipol dey run, dem run leave dia juju and David and en men kon karry dem komot.

Exodus 12:12

Dat same nite, I go pass thru Egypt kon kill all di first-born son inside Egypt, both human being and animals, den I go judge all di gods for Egypt. Na mi bi di Oga una God.

Kolossians 3:14

With all dis good tins, make una love one anoda, bikos na love bi di best tin wey fit whole una togeda.

Kolossians 3:12

So, as pipol wey God don choose, wey holy and wey E love well-well, make una kwik dey sorry for pipol; dey gentol; nor dey karry body up and wear patient like klot for body.

Efesians 6:11

Make una wear komplete soja uniform wey God dey give, so dat una go fit stand fight di wayo wey devil dey use.

Efesians 4:24

Den, true raitiousness and holiness wey di trut dey bring, make una wear di new man wey God don kreate like ensef.

Romans 13:12

Nite don nearly finish and day go soon break. So make wi stop to bihave like pipol wey dey darkness and make wi ready to waka for lite.

Zefanaya 2:11

God go make dem fear as E dey distroy all di gods for di land.

Jeremaya 51:44

I go ponish Bel wey bi Babilon god and make am drop all di tins wey e tif and di nashons nor go woship am again. Naw, Babilon wall don fall.

Jeremaya 50:2

“Make yu go tell di nashons di good news! Tell di pipol make dem listin well-well! Nor keep di news as sekret! Tell dem sey, ‘Dem go seize Babilon kon disgrace Bel and skata Marduk wey bi dia gods, den distroy all dia juju.

Isaya 61:10

Jerusalem pipol dey happy, bikos of wetin God don do. E bi like yong woman wey dem dress ready for marriage. God don wear salvashon and viktory klot for en body.

Isaya 61:5

My pipol, strenjas go serve una. Dem go kare for una animals; farm for una land and kare for una vineyards.

Isaya 59:17

E go wear good judgement for body like war koat kon wear viktory like priest kap for en head. E go wear klot wey go make am do good tins kon ponish doz wey dey sofa pipol.

Isaya 52:1

Jerusalem pipol, make una dey great and strong again! God holy town, make una wear pride like klot! Pipol wey nor know God nor go enter una gate again.

Isaya 46:1

“Bel and Nebo town don fall. Dem pak dia juju on-top donkey and naw, di juju too heavy for di donkey to karry.

Isaya 21:9

Si, men wey dey ride horse dey kom. Den di guide sey, “Babilon don fall! All di juju wey dem dey woship, skata for groun!”

Psalms 132:18

I go disgrace en enemies and David kingdom go rule forever.”

Psalms 132:16

I go protet en priests and joy go full di heart of doz wey dey fear God.

Isaya 46:2

Di juju wey stand before don fall; dem nor fit save diasef and dem don karry di juju dem go as slave!

Jeremaya 43:13

E go distroy dia juju pila wey dey di Sun Temple with all di gods for Egypt; den e go burn dia temple rish groun.’ ”

Jeremaya 49:27

I go set fire for Damaskus wall and e go burn King Ben-Hadad palis rish groun. Mi, wey bi God wey dey mighty, don tok.”

Ezekiel 29:11

human being or animal nor go waka pass der again and for forty years, nor-tin go stay for der.

Daniel 11:8

E go karry dia juju and all dia betta tins with silva and gold go back to Egypt. Afta many years wey peace don dey,

Jeremaya 10:11

So Israel pipol make una tell di oda nashons sey: ‘Nor bi doz gods make di heavens and di eart. So dem go disappear komot from di eart and heavens.’

Jeremaya 10:15

Di juju dey yuzles, so make dem distroy dem trowey and time dey kom wen God go ponish and distroy all of dem.

Jeremaya 25:19

Dis na di oda pipol wey drink from di cup: King Fero for Egypt; doz wey dey serve am; en ofisas, en pipol;

Ezekiel 29:19

So, dis na wetin mi God wey get pawa dey tok: I dey give Egypt land to King Nebukadnezzar. E go skata Egypt kon karry all di money wey Egypt take dey pay en sojas, go.