Jeremaya 4:22 - Holy Bible Nigerian Pidgin English

²² But God sey, “My pipol foolish well-well, dem nor know mi at-all. Dem bi shidren wey nor get sense and dem nor dey kwik undastand anytin. Na only bad-bad tins dem sabi do.”

Jeremaya 4:22 Jak'a apnaqawi uñst'ayäwi

1 Korintians 14:20

My brodas and sistas, make una stop to tink like small shidren. Instead make una dey tink like mature pipol and dey innocent like pikin wey dem just born.

Romans 16:19

I dey happy, bikos evribody don know how una dey obey God. But I wont make una dey wise wen e rish matter wey koncern wetin dey good or bad. Make una nor do any bad tin.

Jeremaya 5:21

Make una listin, ‘Una bi fool and una nor get sense. Una get eye, but una nor dey si; una get ear, but una nor dey hear.’ ”

Romans 3:11

Nobody dey wey wise or undastand God.

Hosea 4:6

My pipol don die finish bikos dem nor know mi. Since di priests don rijet mi, misef go rijet dem as my priests. Since una don forget una Oga God laws, misef go forget to bless una shidren.

Romans 1:22

Even doh dem tink sey dem wise, dem bi fools;

Hosea 5:4

“Dia wikedness nor allow dem turn kom meet mi wey bi dia God, bikos di juju wey dem dey serve, dey shark dem and dem nor won know mi at-all.

John 16:3

Dem go do all dis tins, bikos dem nor know mi and my Papa.

Mikah 2:1

E go bad for doz wey nor dey sleep for nite, bikos of di bad tins wey dem dey tink and plan to do. For early morning, dem go rush go do wetin dem plan, bikos dem get pawa to do am.

Deutronomi 32:28

Dem bi pipol wey nor get sense and dem nor fit undastand at-all.

Romans 1:28

Since dem nor gri put God for mind and serve am, E kon leave dem make dem use dia bad mind dey do tins wey dem nor suppose do.

Jeremaya 13:23

Black man fit shange en skin kolour, abi leopard fit komot di mark wey dey en body? If dem nor fit, den e go hard for wiked pesin to do good, bikos na only to do bad tins, e sabi.

Isaya 27:11

Di pipol bi like trees branches wey don dry and skata for groun; wey wimen dey gada take do firewood. So, bikos di pipol nor undastand anytin, God wey kreate dem nor go sorry or pity for dem.

Jeremaya 10:8

Evribody for dis world na fool and dem nor get sense. Wetin dem fit learn from juju wey dem make from wood?

Isaya 1:3

Melu know en owner, donkey sef know who dey gi-am food, but Israel wey bi my pipol nor know or undastand mi at-all.”

Jeremaya 5:4

So I kon sey, “Na only poor and foolish pipol dey bihave like dis. Dem dey bihave like fools, bikos dem nor know wetin God wont. Dem nor know wetin dia God wont make dem do.

Luke 16:8

“Di oga praiz di wayo manaja, bikos of di wayo sense wey e use. Bikos dis world pipol sabi use dia wayo sense for business pass pipol wey dey for lite.

Hosea 4:1

Israel pipol, make una hear wetin God dey tok! God dey akuiz evribody for Israel sey: “For dis land, nobody love mi, dey faithful or si mi as en God.

Deutronomi 32:6

Dis pipol wey nor get sense at-all, na like dis una won take pay God? Nor bi en bi una papa wey kreate una? Na-im kreate and make una strong.

2 Samuel 13:3

Amnon get one wayo friend and en name na Jonadab and na David broda, Shimei born am.

Psalms 36:3

Evritin wey dem tok na lie and dem dey deceive pipol. Dem nor dey ever gri do good tins.

Psalms 53:4

Pipol wey dey do wiked tins nor get sense at-all? Dem dey chop my pipol like bread and dem nor ever dey tink sey e good make dem pray to God.

Psalms 82:5

But doz wey dey opress oda pipol, nor know anytin at-all. Dem bi fools! Dem dey waka anyhow for darkness, while all di foundashon for di eart dey skata.

Jeremaya 2:8

Una priests nor even ask sey, ‘Where Oga God dey?’ Doz wey dey tish my law nor even know mi. Una rulers don turn from mi. Una profets dey profesai with Baal name and una leaders dey woship juju wey nor fit help or save dem.

Jeremaya 4:21

Na how long I go dey si awa enemies war flag and hear dia trumpet sound?”

Jeremaya 9:3

God sey, “Dis pipol bi like sojas wey don ready dia bows. Dem always dey ready to lie, bikos of dis, dem don get pawa for di land, but na wayo dem take get am. Dem don do many bad tins and dem nor dey tink of mi wey bi dia God.

Ezekiel 16:30

So dis na wetin God wey get pawa dey tok: “Yu don do all dis tins like ashawo wey nor get shame for eye.

Amos 3:10

God sey, “Propaty wey dis pipol use wahala and wayo get, na-im dem pak full dia house and dem nor even dey tok trut or do wetin dey rite.”

Jenesis 39:16

So di woman keep di klot until en husband kom,

Psalms 36:4

Instead of dem to dey sleep for nite, na bad tins dem dey plan. Wetin dem dey do nor dey good. Dem nor even dey try to turn from dia wiked ways.

Proverbs 28:5

Evil pipol nor know wetin korrect judgement mean, but doz wey dey woship God, undastand am well-well.

Jeremaya 9:2

I wish sey I get where I fit go stay for desert; I for go, so dat my pipol nor go fit si mi, bikos dem nor dey faithful to God.

Jeremaya 9:5

Friends dey deceive friends and nobody dey tok trut. Dem don train demsef to dey lie and do bad tins. Dem nor gri turn from sin kom meet God.

Mikah 7:3

Dia hand dey only like to do bad tins! Doz wey bi ofisas and judge, na only bribe dem wont. Doz wey get pawa, dey use am get wetin dem wont.