Jeremaya 31:3 - Holy Bible Nigerian Pidgin English

³ I go kom help dem, bikos I love Israel pipol well-well and na dis make mi still dey show dem my love wey nor dey end.

Jeremaya 31:3 Jak'a apnaqawi uñst'ayäwi

Psalms 103:17

But God love go dey forever for pipol wey dey fear am. En salvashon go dey for dia shidren-shidren;

Hosea 11:4

I draw dem near body with love and kindness. I remove dia heavy load from dia head kon bend down feed dem by mysef.

Deutronomi 33:3

Yes! God really love en pipol; all doz wey dey holy dey en hand. Dem waka as E dey waka kon do di tins wey E tish dem.

1 John 4:19

Bikos God first love us, naim make us dey fit love each oda.

2 Timoti 1:9

Bikos God save and koll us to live holy life. E do like dis, nor bi sey wi deserve am bikos of wetin wi do, but na so E plan am even before di world start, so dat wey go know en grace thru Jesus Christ.

Romans 8:30

Doz wey God don asept, na dem E koll; doz wey E koll, na dem E make raitious and E kon share en glory with dem.

Isaya 45:17

But God go save Israel and dia viktory go bi forever. Nobody go ever disgrace God pipol again.

Malakai 1:2

God sey, “I don show how I love una.” But una dey ask, “How Yu take show us love?” God kon ansa dem, “Esau and Jakob na brodas, but I choose una grand-papa, Jakob

Deutronomi 10:15

Yet God show en love to una grand-grand papa dem. And E choose una wey bi dia grand-shidren above evry oda pipol, as all of us dey si am today.

1 Pita 1:3

Wi tank God wey bi awa Oga God Jesus Christ Papa, for di mesi wey E dey show us. God give us new life thru Jesus Christ wey E wake from deat and naim bi di Pesin wey give us hope.

Song of Songs 1:4

Draw mi follow yu! Make wi kwik komot here! Make di king take mi go en room. Awa king, wi dey happy well-well, bikos of yu and wi like yor love pass wine. Yes, di yong wimen dey honor yu and dat na di rite tin to do.

Hosea 11:1

“Na since wen Israel bi small pikin I love am and I kon koll am komot from Egypt.

Deutronomi 33:26

Israel pipol, no god bi like una God. E dey kom help una from heaven and di sky with en wonderful pawa.

Deutronomi 4:37

Bikos E love una grand-grand papa, E kon choose to bless dia shidren-shidren and na en own hand E take komot una from Egypt with all di wonders wey E do.

James 1:18

As God wont am, E kon born us with di true message, so dat wi go bi first among all wetin E kreate.

Romans 9:13

Just as God word sey, “I love Jakob, but I hate Esau.”

Psalms 25:6

My God, remember yor kindness and love wey nor dey fail, wey Yu dey show us, since awa grand-grand papa time.

1 Kings 10:9

Make wi praiz di Oga wey bi yor God! E don show how E dey happy with yu, bikos E make yu king for Israel and di love wey E get for Israel pipol, go last forever. E don make yu dia king, so dat yu go fit keep di law and dey judge well.”

Isaya 43:4

I go give out many nashons, so dat una go dey save. I value una well-well and I love and honor una.

Isaya 49:14

But Jerusalem pipol sey, “God don abandon us! Di Oga awa God don forget us.”