Jeremaya 31:21 - Holy Bible Nigerian Pidgin English

²¹ So make una mark di road, so dat una go know where una pass wen dem dey karry una go Babilon. Israel pipol, make una kom back to di town wey una run leave.

Jeremaya 31:21 Jak'a apnaqawi uñst'ayäwi

Jeremaya 50:5

Dem go ask kon follow di road wey dem dey pass go Zion. Dem go make kovenant wey nor dey end with mi and dem nor go break am.

Isaya 62:10

Jerusalem pipol, make una go outside di town go build road for una pipol wey dey kom back! Make una do betta road kon remove all di stones for der! Make una put one sign, so dat all di nashons go know

Isaya 48:20

So naw, make una komot from Babilon, make una run komot from der! Make una shaut with joy as una dey tok about am. Make una tell evribody for di world sey, ‘God don save Jakob en savant.’

Haggai 1:5

Naw dis na wetin Oga God wey get pawa dey tok: “Make una tink about wetin dey happen to una!

Ezekiel 40:4

E kon tell mi, “Man pikin! Listin well-well and look evritin wey I dey show yu, bikos dis na di rizin why dem bring yu kom der, so dat yu go tell Israel pipol evritin wey yu si.”

Jeremaya 51:50

God tell en pipol wey dey Babilon, “Una don eskape deat! So make una dey go and nor wait! Even doh una dey far from una land, make una tink about mi wey bi una Oga God and una go remember Jerusalem.”

Jeremaya 31:4

I go build una again and una go take una sheke-sheke kon dance and dey happy again.

Jeremaya 3:14

“Pipol wey nor dey faithful, make una kom back kom meet mi, bikos na mi get una. Among una, I go choose one pesin from each town and two pesin from each family, den bring una kom back to Mount Zion.

Isaya 57:14

God sey, “Klear di road! Klear di road! Make una remove di tins wey fit stop my pipol to turn back kom meet mi!

Psalms 84:5

Pipol wey get pawa thru Yu, si as dia blessing big rish too. Dem like to always go yor temple!

Zekaraya 10:9

Even doh I skata dem go oda nashons, dem go remember mi for anywhere wey dem dey. Dem with dia shidren wey survive, go kom back to Israel land.

Jeremaya 51:6

So, make una run komot Babilon town! Make una run for una dear life! Make una nor die for nor-tin, bikos of Babilon pipol sin. I dey take my revensh and I go ponish dem well-well.

Proverbs 24:32

I look kon tink and I kon learn lesin from am sey:

Psalms 62:10

So, make yu nor trust wetin yu get thru opreshon! Nor put hope for wetin yu tif! If yor money many, make yu nor too happy.

2 Kronikles 20:3

Jehoshafat kon dey fear, so e go meet God. E kommand evribody for Judah sey make dem fast.

2 Kronikles 11:16

All di pipol for Israel wey won woship Israel God follow dem go Jerusalem go sakrifice give dia grand-grand papa God.

1 Kronikles 29:3

Even with all dis tins wey I don gada, I still give my silva and gold, bikos of di love wey I get for God Temple.

Deutronomi 32:46

e kon tell dem, “All dis words wey I dey tell una today, make una keep am for una mind; una must kommand una shidren to obey all dis law and kommand.

Jeremaya 6:16

God tell en pipol, “Make una stop and look round. Mi, wey bi God, don tok. Ask for di old way wey bi God own and make una follow am.” But dem ansa, “Dat nor bi di way wey wi like to follow!”

Jeremaya 46:11

Egypt pipol! Make una go Gilead go find medicine, but all una medicine nor go work and nor-tin go fit heal una.

Jeremaya 3:12

God sey make I go tell Israel pipol for nort sey, “Una wey nor dey faithful, make una kom back kom meet mi. I go sorry for una and I nor go vex again! I nor go vex for una forever.