Jeremaya 30:10 - Holy Bible Nigerian Pidgin English

¹⁰ My pipol, make una nor fear; make Israel pipol nor fear at-all. I go save una from di far land where una dey as prisonas. Una go kom back to una house kon stay for peace and nobody go make una fear again.

Jeremaya 30:10 Jak'a apnaqawi uñst'ayäwi

Hosea 2:18

For dat time, I go make kovenant with all di wild animals and birds, so dat dem nor go wound my pipol. I go still take di tins wey dem take dey fight war komot from di land kon let my pipol stay for peace.

Jeremaya 29:14

Yes! I sey, una go find mi and I go bring una kom back to una land. I go gada una from evry kountry and place wey I skata una go and I go bring una kom back to di land wey I from send una go Babilon. Mi, wey bi God, don tok.’

Isaya 43:5

Make una nor fear, bikos I dey with una! I go bring una pipol from east and west kom house back.

Isaya 44:2

Dis na wetin God tok, “Na mi kreate and form una for una mama belle kon help una, so make una nor fear, bikos una bi my savant; di pipol wey I choose and love.

Isaya 35:9

No lion go dey der and wild animals nor go pass dat place. Na di pipol wey God don save, go pass dat road.

John 12:15

“Pipol wey dey Zion, make una nor fear; make una si una king sidan on-top donkey dey kom!”

Jeremaya 33:16

As e dey rule, Judah pipol go dey save, while Jerusalem pipol go stay for peace. For dat time, dem go koll Jerusalem town, ‘God Don Save Us.’

Jeremaya 23:8

Instead dem go sey, ‘Yu bi di God wey dey alive wey bring Israel pipol kom back from di land for nort and from di oda kountries wey Yu skata dem go.’ For dat time, dem go dey dia own land.”

Jeremaya 23:3

I go gada my pipol wey remain from di kountry where I skata dem put kon bring dem kom back to dia land. Dem go get many shidren kon prosper for evritin and for evry side.

Jeremaya 3:18

For dat time, Israel pipol go join Judah pipol kom back from di land wey dey nort and dem go kom back to di land wey I give dia grand-grand papa as dia own propaty.”

Zekaraya 3:10

And for dat day, una go invite una neighbours make dem kom sidan with una under una vine and fig tree, bikos una go get peace.” Dis na wetin Oga God tok.

Ezekiel 38:11

Yu go skata Israel kountry wey nor get who dey protet dem; place where di pipol nor get pawa and dey stay for peace.

Ezekiel 16:52

So naw, make yu bear di shame wey dey kom. Yor sins bad pass yor sistas own, sotey if dem look yu, dem go sey, ‘Wi nor even do anytin.’ Naw, make yu bear yor shame and pain, bikos yu don make yor sistas bi like good pesin.”

Jeremaya 30:3

bikos time dey kom wen I go bring my pipol, Israel and Judah kom back to di land wey I give dia grand-grand papa and e go bi dia own again. Mi, wey bi God, don tok.”

Jeremaya 23:6

Wen e bikom king, Judah pipol go dey save and Israel pipol go stay for peace. Dem go koll am, ‘Na God bi awa raitiousness.’ ”

Isaya 54:4

Make una nor fear, dem nor go disgrace una again. Make una nor fear at-all, bikos una nor go face shame again. Una go forget una shame wey happen wen una dey small and una nor go remember di sofa wey una sofa wen una nor get shidren.

Isaya 46:13

I dey kom judge and diliver my pipol. E nor go tey again and di time to save dem don near. I go save Jerusalem kon honor Israel pipol.”

Isaya 46:11

I koll one eagle kom from east; from one far land, di one wey dey kom do wetin I plan. Just as I tok, na so e go bi and wetin I plan, must happen.

Jenesis 15:1

Afta all dis tins, God tok to Abram for vishon: “Abram! Make yu nor fear! Na mi dey guide yu and yor reward go big well-well.”

Isaya 49:25

But dis na wetin God tok: “True-true, dem go release doz wey dey prison and dem go seize wetin strong men karry kom from war. I go fight with anybody wey fight with una kon save una shidren.

Isaya 14:3

Wen God don free Israel pipol from dia pain, sofa and di hard work wey dem force dem to do,

Isaya 44:1

God sey, “Make una listin, Israel pipol wey bi my savant and Jakob shidren-shidren wey I choose.”

Jeremaya 23:4

I go choose rulers wey go kare for dem. My pipol nor go fear at-all and I nor go ponish dem again. Mi, wey bi God, don tok.”

Jeremaya 29:11

Bikos I know wetin I plan for una; my plan na to make una prosper, nor bi to give una wahala and na to give una di kind future wey una dey hope to get.

Jeremaya 30:7

Di day wen una go face sirious wahala dey kom and dem nor go fit kompare am with any oda day. Even doh di wahala go too mush for my pipol, dem go survive am.”

Joel 2:21

So, make di land nor fear, instead make una happy well-well, bikos of wetin God don do for una.

Isaya 49:12

Si, my pipol go kom from far; some from nort, west and from Egypt wey dey sout.”

Daniel 12:1

“Den Mikael; di great prince wey dey guide yor pipol, go appear. Dat na wahala time and dis kind wahala neva happen for anywhere kom rish naw. But yor own pipol wey dia name dey di book wey get life, go eskape.

Hosea 2:20

I go keep my promise kon make yu my own, den yu go know sey na mi bi yor God.

Hosea 6:11

As for una Judah pipol, I don set time wen I go take ponish una bikos of una sins, even doh sey I go make my pipol prosper again.”

Mikah 4:9

But naw, wetin make una dey shaut and kry? Una nor get king to lead una? Abi dem don kill una wise men finish? So wetin make una dey feel pain like woman wey won born?