Jeremaya 3:25 - Holy Bible Nigerian Pidgin English

²⁵ So make wi liedan with shame! Make awa disgrace kover us. Wi and awa grand-grand papa don sin against di Oga awa God. Since wi dey yong kon rish naw, wi nor gri obey di Oga awa God.”

Jeremaya 3:25 Jak'a apnaqawi uñst'ayäwi

Jeremaya 22:21

Wen una dey prosper and enjoy, God tok to una, but una nor gri listin. Na so una dey bihave since and una nor gri obey God.

Jeremaya 2:26

So God sey, “Just as dem dey disgrace tif wen dem katch am, na so too I go disgrace Israel pipol, dia kings, ofisas, priests and profets, bikos of wetin dem do.

Romans 6:21

So wetin una gain from all doz bad tins wey una do? Na shame and deat doz tins dey bring.

Daniel 12:2

Many pipol wey don die go raiz; doz wey dey holy go get life wey nor dey end, while odas go sofa forever.

Ezekiel 36:32

Israel pipol, I wont make una know sey I nor dey do all dis tins bikos of una. So make una shame and hide una face bikos of all di bad tins wey una don do. Mi, wey bi God wey get pawa, don tok.”

Ezekiel 7:18

Dem go wear sak as klot for body and dem go dey fall as dem dey waka. Dem go skrape dia head and na shame go follow dem.

Lamentashons 5:16

Awa crown don fall komot from awa head, bikos wi don sin and naw, wi dey sofa.

Lamentashons 5:7

Na awa grand-grand papa dem sin and dem don die, but naw, wi dey sofa dia ponishment.

Jeremaya 6:26

I still sey, “My pipol! Make una wear sak klot and roll for groun. Make una kry well-well and mourn like sey una only pikin just die. Bikos very soon, doz wiked sojas go kom distroy all of us.”

Jeremaya 2:19

Na di wiked tins wey una do go ponish and kondemn una, bikos una turn from mi. So, una go learn as e betta and wiked rish nor to dey fear mi or forget mi wey bi di Oga una God.” Mi, wey bi God, don tok.

Jeremaya 2:17

But na Israel pipol kause all dis tins, bikos dem leave di Oga wey bi dia God, even wen E dey show dem di korrect road.

Jeremaya 2:2

“Go tell evribody for Jerusalem sey: ‘God sey, “I remember as una dey faithful wen una dey yong. Una bin love mi well-well like woman wey just marry; una follow mi waka for wildaness and for dry land.

Isaya 50:11

All of una wey dey plan to distroy oda pipol, na una own plan go distroy una. God ensef go make dis tins happen and una go sofa well-well.

Isaya 48:8

Una nor dey hear or undastand; na since dem born una, una ear block. Yes, I really know how una wiked and sturbon rish and na wiked pikin dem dey koll una since dem born una.

Proverbs 5:13

Why I nor obey my tishas! Why I nor do wetin dem tok?

Psalms 109:29

Make disgrace follow pipol wey dey akuiz mi; make shame kover dem like klot.

Psalms 106:7

Awa grand-grand papa dem nor tank Yu for all wetin Yu do for dem for Egypt. Dem kwik forget all di good-good tins wey God do for dem. True-true, dem go against God kommand, afta dem cross di Red Sea.

Judges 2:2

I sey make una nor make kovenant with di pipol wey dey dis land and make una distroy dia altar, but una nor do wetin I tell una. ‘Wetin make una do like dis?’

Psalms 106:6

Wi don sin like awa grand-grand papa. Wi don do plenty bad tins! Wi don do wiked tins well-well!

Jeremaya 3:13

But make una first gri sey una don sin against mi wey bi di Oga una God. Make una konfess sey una nor dey obey my kommand and una don show una love to oda gods for under evry green tree.” Mi, wey bi God, don tok.

Jeremaya 8:14

Di pipol kon ask demsef, “Wetin make us just sidan for here? Make wi run go di strong towns, so dat even if wi go die, den wi go fight die for der. Since di Oga awa God don sey wi go die; E don give us poizin drink, bikos wi sin against am.

Jeremaya 14:7

Den I ansa, “My God, even doh awa sins dey tok against us, make Yu kom save us bikos of di honor for yor name. True-true, wi don turn from Yu many times and sin against Yu.

Jeremaya 14:20

Wi don sin against Yu wey bi God; so wi dey konfess awa sins and di ones wey awa grand-grand papa dem kommit.

Jeremaya 20:18

Why dem born misef? Na make I for si trobol and always dey kry, so dat my life go end with shame.

Jeremaya 31:19

Before, wi sin against Yu, but naw, wi wons turn from sin kom meet Yu. Afta Yu ponish us, shame nor let us karry awa head up again. Di sin wey wi sin wen wi dey yong, dey make us dey shame.”

Ezekiel 2:3

E sey, “Man pikin, I dey send yu go meet Israel pipol, bikos dem don turn from mi and still dey do bad tins, just as dia grand-grand papa do.

Proverbs 13:18

If yu vex sey pipol dey korrect yu, na poverty and disgrace go end yor life; but dem go honor yu, if yu asept korreshon.

Jeremaya 7:19

Na mi, dem tink sey dem dey do? ‘No!’ Na demsef dem dey bring wahala and shame kom meet.”

Jeremaya 9:18

So I sey, “Yes! Make dem kwik kom sing beri song for us, so dat wi go kry and mourn well-well.

Jeremaya 11:13

Judah pipol gods plenty, just as di towns wey dem get. And as Jerusalem street plenty rish, na so too di altar wey dem build for Baal juju, plenty too.

Jeremaya 12:13

My pipol go plant korn, but na grass dem go gada. Even doh dem work hard, nor-tin go show sey dem work, bikos I dey vex for dem, so dia food wey dem plant, nor go grow.”

Ezekiel 44:13

Dem nor go serve as priest or go near anytin wey dey holy to mi or enter my Most holy place. Dis ponishment na for di yeye tins wey dem don do.

Hosea 9:10

God sey, “Wen I first si Israel, e bi like wen yu si grape wey dey grow for desert. Wen I first si una grand-grand papa dem, e bi like wen yu first si ripe fig for en sizin. But dem go meet Baal for Peor kon dey woship am and dem kon bi like di juju wey dem love.

Zefanaya 1:17

Bikos una don sin against God, I go make una waka dey find road like blind man. Dem go pour una blood for san-san and una body go rotin for groun.”