Jeremaya 27:5 - Holy Bible Nigerian Pidgin English

⁵ “Na with my mighty pawa and great strent I take kreate di eart, di pipol and di animals wey dey inside and I don give dis pawa to pipol wey I like gi-am to.

Jeremaya 27:5 Jak'a apnaqawi uñst'ayäwi

Jeremaya 51:15

God make di eart with en pawa; na en wisdom E take kreate di world kon spread di heavens with en sense.

Jeremaya 32:17

‘My Oga God! Na Yu kreate heaven and eart with yor mighty pawa and great strent. Nor-tin dey hard for Yu to do!

Daniel 4:17

Dis na di decision wey di angel make. So, make evribody wey dey di world know sey di Most High God get pawa ova evry kingdom and E dey gi-am to anybody wey E choose! Even to di pipol wey small pass!’

Isaya 45:12

Na mi bi di Pesin wey kreate di eart and na mi kreate di pipol wey dey stay inside. Na my pawa I take stresh di heavens out kon kontrol di sun, moon and di stars.

Kolossians 1:16

Bikos God kreate evritin for heaven and eart thru en pikin; both Fisical and spiritual tins; weda dem get pawa or dey rule for difren-difren place; God kreate dem thru am and E kreate dem for am.

Isaya 42:5

God wey kreate heaven kon stresh am out, wey make di eart and evribody wey dey inside, di Pesin wey give life to di pipol wey dey di eart and spirit to doz wey dey waka inside sey,

Revelashon 4:11

“Awa Oga and God! Yu dey worthy to receive glory, honor and pawa, bikos na yu kreate evritin as yu wont.”

Hibru 1:2

but naw, E dey tok to us thru en pikin wey get evritin and na thru am, E kreate di world.

Acts 17:24

God wey make di world and evritin wey dey inside, wey bi di Oga God for heaven and eart, nor dey stay inside house wey human being build

Acts 14:15

“Why una won do dis kind tin? Wi too na human being like una! Wi kon tell una di Good News, wey go make una turn from sin kom meet God, wey make heaven, eart, sea and all di tins wey dey inside dem.

Isaya 51:13

Una don forget God wey make una; di Pesin wey stresh heaven kon make di eart foundashon? Why una dey always fear pipol wey dey opress una; doz wey ready to distroy una? But naw, una nor go fear dem again.

Isaya 48:13

Na my own hand I take make di eart foundashon kon spread di heavens with my rite hand and wen I koll dem, all of dem dey stand kom togeda.

Isaya 44:24

Dis na wetin God wey save una, di Pesin wey form una for una mama belle dey tok: “Na mi bi God wey kreate evritin. Na only mi stresh di heavens kom out kon design di eart as I wont.

Ezra 1:2

Dis na wetin King Cyrus for Persia tok, Di Oga God for heaven don make mi rule di whole world and E sey make I build temple for am for Jerusalem wey dey Judah.

Deutronomi 2:7

“ ‘Di Oga wey bi una God don bless una for evritin wey una dey do. Evry step wey una take for di great wildaness, I dey with una. For dis forty years wey una dey dis wildaness, God dey with una and una get evritin.’ ”

Psalms 102:25

Na wen di world just start, Yu build di foundashon for di eart kon make di heavens with yor hand.

Deutronomi 32:8

Wen di God of all ogas give di nashons dia propaty; wen E divide evry human being, E give di pipol where dem go stay rish, akordin to di nomba wey dey for heaven.

Deutronomi 9:29

Dem bi yor pipol, yor betta propaty wey Yu take komot Egypt with yor great strent and pawa.”

Deutronomi 5:16

Make una honor una papa and mama, just as di Oga una God don kommand una, so dat una go get long life and e go dey well with una for di land wey E won give una.

Deutronomi 4:35

E show una dis tins, so dat una go know sey na di Oga God bi God and no oda pesin or tin, big rish am.

Deutronomi 4:32

True-true, make una look as e bi before, from di time wey God kreate pipol for dis eart kon rish naw and una look from where di heaven start go rish di end, anytin wey dey great like dis don ever happen or sey pipol si am before?

Deutronomi 4:25

Afta una don born shidren and grand-shidren and una don tey for di land well-well, if una spoil unasef kon make juju and do yeye tins wey go make una Oga God vex,

Deutronomi 4:17

any animal, bird wey dey fly,

Deutronomi 2:21

Dem strong; many well-well and dem tall like Anak pipol. But God distroy Refah pipol, bikos of Ammon pipol, so dat dem go fit stay for der.

Deutronomi 2:19

But wen una don near Ammon pipol, make una nor let dem vex won kon fight una, bikos I nor go give una any of dia land; bikos I don already gi-am to Lot shidren-shidren.

Deutronomi 2:9

Den God tell mi, “Make una nor let Moab pipol wey bi Lot shidren-shidren vex. Make una nor kause wetin go make dem won fight una, bikos I nor go give una any of dia land, bikos I don give Ar to Lot shidren-shidren.

Exodus 20:11

Bikos na six days God take make heaven, eart and all di tins wey dey inside dem and E rest for di sevent day. So God bless di Sabat Day kon make am holy.

Jenesis 9:6

“Na as God bi, dem make man, so anybody wey kill pesin, na so too anoda pesin go kill-am.

Acts 17:26

Na thru one man E make all di tribes wey dey di world and E tok di time and place where dem go find God rish,

Jenesis 1:25

God make wild animals, kattle and evritin wey dey creep for groun akordin to dia kind. God kon si sey dem dey good.

Psalms 96:5

Oda nashons god, na just juju dem bi, but na awa God make di heavens!

Jeremaya 27:4

Tell dem make dem tell dia kings sey: ‘Israel God wey dey rule ova evritin sey:

Daniel 4:25

Dem go drive yu komot from where human being dey stay and yu go stay with animals. Na seven years yu go take chop grass like melu and yu go sleep for open field where dew go fall for yor body, until yu go know sey na di Most High God get pawa ova evry kingdom and E dey gi-am to anybody wey E like.

Daniel 5:18

Di Most High God make yor papa Nebukadnezzar get kingdom wey strong well-well and E give yor papa respet, honor and majesty.

Exodus 6:6

“So tell Israel pipol sey, ‘Na mi bi Oga God and I go remove di load wey Egypt pipol put for dia head and dem nor go bi slave again. Na my pawa I go take save una and I go ponish Egypt pipol.

1 Kings 8:42

dem go kon woship and pray to Yu for dis temple.

Nehemaya 9:22

Yu make dem win nashons, kingdoms and lands wey dey near dia own. Dem win Heshbon land, wey Sihon dey rule and Bashan land wey Og for bi king.

Daniel 2:38

E don make yu ruler ova human being, animals and birds for dis eart. Na yu bi di head among all gold.

Daniel 4:14

E shaut kon sey, ‘Make una kut di tree kon distroy en branches; remove en leaf and skata en fruits. Make una drive di animal komot from under am and di birds wey dey en branches!

Daniel 4:22

na yu, my king! Yu don dey big and strong; yu don big sotey yu dey rish di heaven and yor pawa rish di end for di world.