Jeremaya 25:6 - Holy Bible Nigerian Pidgin English

⁶ Dem sey make una nor woship or serve oda gods and make una nor make God vex bikos una dey woship juju. So, if una obey God, E nor go ponish una.

Jeremaya 25:6 Jak'a apnaqawi uñst'ayäwi

Deutronomi 8:19

But if una forget di Oga una God for evritin kon dey follow oda gods, dey woship and bow for dem, I go tell una today sey, God go really distroy una.

Jeremaya 35:15

I send my savant, di profets kom meet una sey make una stop di bad tins wey una dey do kon do di korrect tin. Dem warn una sey make una nor woship and serve oda gods, so dat una go kontinue to stay for dis land wey I give una and una grand-grand papa, but una nor gri listin or hear dem.

Jeremaya 7:6

Make una stop to opress di strenjas among una; shidren wey nor get papa and mama and wimen wey dia husband don die. Make una stop to kill innocent pipol and woship oda gods, bikos e go distroy una.

2 Kings 17:35

God enter agriment with Israel pipol sey, “Una must nor woship anoda god. Make una nor bow, serve or offa sakrifice to dem.

Deutronomi 6:14

Una must nor woship any of una neighbour gods apart from God ensef,

Jeremaya 7:9

Una dey tif; kill; dey sleep with who una nor marry; dey lie; dey swear; dey offa sakrifice give juju and dey woship gods wey una nor know before.

1 Kings 14:22

Judah pipol sin well-well and dem kon make God vex pass as E vex for dia grand-grand papa.

Joshua 24:20

If una forget God kon go woship anoda god, E go turn against una; E go bring wahala kom meet and distroy una, even doh E trit una as pikin before.”

Deutronomi 28:14

Make una nor turn from any of dis kommand wey I dey give una today or go follow and woship oda gods.

Deutronomi 13:2

den wetin dem show una kon happen. If dem sey, “Make una kom make wi woship oda gods; gods wey una neva sey before.”

Exodus 20:23

So make una nor use silva or gold take make any oda god join mi.

Exodus 20:3

Make una nor serve any oda God apart from mi.

Jeremaya 44:8

Why una dey woship juju and sakrifice give Egypt gods? Na bikos una dey stay der? Abi una nor know sey una dey make mi vex? Una dey distroy unasef and na dis make all di nashons for di eart dey trit una anyhow kon use una name as curse!

Hosea 1:7

But I go love and sorry for Judah pipol. Mi wey bi dia Oga God, go save dem, but e nor go bi thru war, swod, bow, arrow, horse or doz wey dey ride di horse dem.”

Jeremaya 32:30

Dis tin go happen, bikos from di biginnin kon rish naw, Israel and Judah pipol don disobey and make mi vex, bikos of wetin dem do.

Jeremaya 44:7

“So, mi wey bi Israel God dey ask, ‘Wetin make una dey distroy unasef? Nobody among una wey kom here from Judah go survive: weda na man or woman, pikin or di shidren wey dem just born. Dem go distroy all of una finish.