Jeremaya 22:15 - Holy Bible Nigerian Pidgin English

¹⁵ If yu take cedar wood build house and e fine pass oda pipol own, na dat one make yu bi betta king? Yor papa enjoy life well-well, bikos e always dey good and kind, so e prosper for evritin wey e do.

Jeremaya 22:15 Jak'a apnaqawi uñst'ayäwi

2 Kings 23:25

E nor get any king before or afta wey turn kom meet God like King Josaya wey use en whole heart take serve God, just as Moses Law tok.

Isaya 3:10

So make una tell innocent pipol sey e go betta for dem, bikos God go reward dem for wetin dem don do.

Ekklesiastes 10:17

Kountry wey en king get betta karata, wey en leaders dey chop for di rite time, so dat dem go get pawa and nor dey drink anyhow, na blessing go follow dem.

Proverbs 25:5

Nor let bad advisers near di king, so dat pipol go know am bikos e dey judge well.

Proverbs 29:4

With betta judgement, king dey make en kingdom strong, but king wey like money well-well, dey skata en throne.

2 Kings 22:2

E do wetin God kommand kon dey work like David, en grand-grand papa. E nor do bad tins at-all.

Jeremaya 42:6

Weda wi like wetin God tok or not, wi go obey di Oga awa God wey wi sey make yu help us pray to. Bikos wi know sey, if wi obey am, evritin go dey well for us.”

Jeremaya 21:12

“Make una listin to wetin mi wey bi God dey tok. Make una make sure sey dem dey always give korrect judgement for kourt. Make una protet pesin wey dem dey opress from who dey opress am and bikos of di bad tins wey una dey do, my vexnashon go burn una like fire wey nor dey kwensh.

Proverbs 21:3

Instead of sakrifice, make pesin do wetin good and korrect; tins wey go make belle sweet God.

1 Kings 10:9

Make wi praiz di Oga wey bi yor God! E don show how E dey happy with yu, bikos E make yu king for Israel and di love wey E get for Israel pipol, go last forever. E don make yu dia king, so dat yu go fit keep di law and dey judge well.”

2 Samuel 8:15

David rule evriwhere for Israel and e make sure sey dem trit evribody well with betta mind.

1 Korintians 10:31

But anytin wey una dey do, weda una dey chop or drink, make una do am to honor God.

Acts 2:46

Dem dey stay togeda evriday like one big family. Dem dey gada go di temple togeda and dem dey go from house to house, dey chop togeda with happiness.

Luke 11:41

But make una from una heart give to pipol wey nor get, so dat evritin go dey klean for una.

Jeremaya 23:5

God sey, “Di time dey kom wen I go choose betta king from among David shidren-shidren. E go rule di land with wisdom kon do wetin dey korrect and good.

Jeremaya 22:18

So, dis na wetin God tok about Josaya pikin, King Jehoiakim for Judah: ‘Nobody go mourn wen e die or tell en neighbour, “My friend, di king deat dey vex and pain mi!” Nobody go kry for am sey, “My oga and my king don die!” ’

Jeremaya 22:3

Dis na wetin God tok: “Make una do wetin dey good and korrect. Make una protet pesin wey dem dey opress from who dey opress am. Make una nor trit or opress strenjas; doz wey nor get papa and mama or wimen wey dia husband don die and make una nor kill innocent pipol for dis land.

Isaya 33:16

na-im go dey save like kountry wey dem protet well-well. E go get food and wota to chop and drink.

Isaya 9:7

En royal pawa go kontinue to grow. En kingdom go get peace forever. E go rule well like King David kon do betta tins with en pawa; e nor go opress pipol and E go rule from naw go rish wen di world go end. God Almighty go do all dis tins.

Ekklesiastes 2:24

So I kon sey, nor-tin dey good dan for pesin to chop, drink and enjoy di work wey e dey do, bikos all dis enjoyment kom from God.

Proverbs 31:9

Yes! Tok well for doz wey dem dey opress and for poor pipol, den make sure sey dem give dem korrect judgement.

Proverbs 20:28

Love wey nor dey fail and goodness dey protet di king and na dis love dey make en throne dey forever.

2 Kronikles 34:2

E do wetin God wont kon follow David wey bi en grand-grand papa footstep, e nor turn go left or rite.

1 Kronikles 3:15

Josaya sons na: Johanan, Jehoiakim, Zedekaya and Shallum.

Deutronomi 4:40

If una obey all di laws and kommand wey I dey give una today, e go betta for una and una shidren. I dey give una dis kommand, so dat una go get long life for di land wey di Oga una God dey give una forever.

Jeremaya 7:5

Make una shange from di kind life wey una dey live kon dey do di rite tin. Make una respet each oda too.

2 Kronikles 35:22

But King Josaya nor hear word, bikos e don ready ensef for war. E nor listin to wetin King Neko tok at-all, so e kon go fight am for Megiddo Hill.

2 Kronikles 35:26

Di remainin good tins wey King Josaya do as dem rite am for God law book,