Jeremaya 2:8 - Holy Bible Nigerian Pidgin English

⁸ Una priests nor even ask sey, ‘Where Oga God dey?’ Doz wey dey tish my law nor even know mi. Una rulers don turn from mi. Una profets dey profesai with Baal name and una leaders dey woship juju wey nor fit help or save dem.

Jeremaya 2:8 Jak'a apnaqawi uñst'ayäwi

Habakkuk 2:18

Na wetin juju dey good for? Nor bi sometin wey pesin make with en hand? Na wish good e do wey go make who make am, trust am? Na god wey nor fit tok!

Jeremaya 10:21

But I still sey, “Dat na bikos awa leaders nor get sense. Dem nor gri go meet God make E tell dem wetin dem go do. So dem kon do tins like fools and all di pipol wey dem dey lead, don skata finish.

Jeremaya 5:31

Di profet dem dey lie; di priests dey rule as dem like and my pipol like am like dat. But di day wey wahala and distroshon go start, na where dem go run go for help?

2 Korintians 4:2

But wi don stop to dey do wiked tins wey pipol dey hide dey do; wi nor dey do wayo or lie join God word, but with trut wey evribody fit si, wi dey make evribody know for dia mind sey, wetin wi dey do, dey good for God eye.

John 16:3

Dem go do all dis tins, bikos dem nor know mi and my Papa.

Hosea 4:6

My pipol don die finish bikos dem nor know mi. Since di priests don rijet mi, misef go rijet dem as my priests. Since una don forget una Oga God laws, misef go forget to bless una shidren.

John 8:55

Una nor know am, but I know am and if I sey I nor know am, I dey lie like una. I know am and I dey follow wetin e dey tok.

Luke 11:52

“Curse dey una head! Una wey know di law well-well! Una don seize di key wey dey make pipol know di trut! Since una nor gri enter, una nor wont make oda pipol enter too.”

Matiu 16:26

Wetin pesin go gain, if di whole world bi en own, but e luz en soul? Or wetin pesin go fit give take pay for en soul?

Jeremaya 16:19

Den I sey, “My God! Na Yu dey protet and give mi pawa. Yu dey help mi anytime I dey for trobol. Nashons go kom from evriwhere for di eart kon sey, ‘Di gods wey awa grand-grand papa dem get, na only to lie dem know and dem nor fit save anybody.’

Jeremaya 12:10

Naw, strenjas go distroy my vineyard; skata my farm kon turn di land wey I love to where nobody dey stay.

Jeremaya 7:8

“But make una si una life! Una dey bilive lie-lie words wey nor go save una.

Jeremaya 4:22

But God sey, “My pipol foolish well-well, dem nor know mi at-all. Dem bi shidren wey nor get sense and dem nor dey kwik undastand anytin. Na only bad-bad tins dem sabi do.”

Jeremaya 2:11

No oda nashon don ever shange dia god, even wen dem know sey dia gods nor bi god at-all. But my pipol don shange mi God wey give dem honor, with gods wey nor go fit help dem.

Jeremaya 2:6

Dem nor even ask sey, ‘Where God wey take us komot from Egypt? Di Pesin wey take us pass wildaness and desert, land wey nor good and dey dry, where pipol nor dey stay or travel pass.’

Isaya 30:5

God go disgrace Israel pipol, bikos dis pipol nor fit help dem. Dem nor go fit help dem at-all, instead na shame and disgrace dem dey bring.”

Isaya 29:10

God don make una dey do like sey una don drink, so una go sleep go. God don blind di profets eyes and doz wey dey sey future nor go fit si anytin again.

Isaya 28:7

Even di profets and di priests dey stagga bikos dem don drink well-well. Dem don drink plenty wine and e dey konfuse dem. Dem don drink sotey dem nor dey fit undastand di vishon wey God send kom or judge any kase well.

1 Kings 18:40

Profet Elijah tell dem, “Make una hold di Baal profets! Make una nor let any one eskape!” So dem hold di profets and Elijah karry dem go Kishon Valley kon kill dem for der.

1 Kings 18:29

Dem shaut and kry till aftanoon, but dem nor hear any sound, ansa or anytin.

1 Kings 18:22

Elijah kon tell dem, “Na only mi bi God profet wey remain, but Baal profet na 450.

1 Samuel 12:21

Make una nor bigin follow tins wey nor mean anytin, tins wey una nor go gain from or tins wey nor fit save una.

1 Samuel 2:12

Eli sons dey wiked and dem nor dey do wetin God kommand.

Deutronomi 33:10

Dem go tish Jakob yor law kon tish Israel pipol yor kommand: dem go offa betta incense for Yu kon burn good ofrin for yor altar.

Jeremaya 9:14

Instead, dem get strong heart kon dey woship Baal, just as dia grand-grand papa tish dem.

Jeremaya 18:18

Den di pipol sey, “Make una kom, make wi do sometin about dis Jeremaya! Wi go always get priest wey go dey to tell us wetin wi go do; wise pipol go dey wey go advise us and wi go always get profet wey go prish God word give us. So make wi lie against am kon stop to listin to anytin wey e tok.”

Ezekiel 22:26

Di priests break my law and dem nor dey respet anytin wey dey holy. Dem nor know wetin dey holy or not. Dem forget di Sabat; dem nor dey tish about wetin dey klean again. So bikos of dis, Israel pipol nor dey gri respet mi again.

Ezekiel 34:2

“Man pikin, go tok against di leaders for Israel. Tell dem sey mi wey bi God sey: ‘Una wey dey kare for Israel pipol, una own don finish! Una guide unasef kon leave Israel pipol on dia own.

Job 35:10

But dem nor dey kry to God wey kreate dem; wey dey give dem hope for darkness.