Jeremaya 18:20 - Holy Bible Nigerian Pidgin English

²⁰ Na evil dem dey take pay good? Naw, dem don dig pit for mi make I fall inside. Wen Yu dey vex dat time, make Yu remember as I beg Yu bikos of dem, so dat Yu nor go ponish dem.

Jeremaya 18:20 Jak'a apnaqawi uñst'ayäwi

Psalms 57:6

My enemies don set trap for mi and I don taya bikos of dia wahala. Dem dig deep pit for where I dey waka pass, but na dem go fall enter by demsef.

Psalms 35:7

bikos I nor do dem any bad tin, but dem dey set trap and dig pit to katch mi.

Psalms 106:23

So God kon sey E go distroy dem. But Moses, wey E choose kon stand between God and di pipol. E beg make God nor vex distroy dem.

Psalms 35:12

Dem dey pay mi bad for di good wey I do and dia wahala dey make mi sick.

Jeremaya 18:22

Make tif karry evritin wey dem get for dia house, so dat dem go kry well-well. Bikos dem don dig whole make I fall put kon set trap make e katch mi.

Ekklesiastes 10:8

Anybody wey dig pit for odas, go fall enter by ensef and pesin wey break wall pass, snake go bite am.

Proverbs 26:27

So, anybody wey dig pit for pesin go fall inside my ensef and pesin wey roll stone to wound odas, na di stone go fall kill-am.

Psalms 119:95

Even doh wiked pipol dey hide for road to kill mi, I kwayet as I keep yor laws for my mind.

John 15:25

All dis tins happen, so dat wetin God law tok, go bi true sey, ‘Dem nor get rizin to take hate mi.’

John 10:32

So Jesus tell dem, “I don do many good tins wey una si from my Papa, wish one make una won stone mi so?”

Jeremaya 14:20

Wi don sin against Yu wey bi God; so wi dey konfess awa sins and di ones wey awa grand-grand papa dem kommit.

Jeremaya 11:14

So, Jeremaya my profet! Make yu nor pray or beg mi bikos of dis pipol. Wen dem dey trobol, make dem nor koll mi for help, bikos I nor go listin to dem.”

Jeremaya 7:16

Den God tell mi, “Jeremaya! Make yu nor pray for dis pipol. Make yu nor kry or pray give mi bikos of dem! Nor beg make I save dem, bikos I nor go listin to yu.

Proverbs 17:13

If yu use bad take pay good, den bad tin nor go ever komot from yor house.

Psalms 38:20

Dem dey pay mi bad for good kon dey oppoz mi for di good tins wey I do.

Psalms 7:15

E dey dig deep pit for odas, but na en ensef dey fall enter

Job 6:27

Yu go gambol for di pipol wey nor get papa again. Bikos of money, yu go sell yor friends wey like yu well-well.

1 Samuel 19:4

So Jonatan tok to en papa about David, “Make di king nor sin against en savant David, bikos e neva sin against di king. To tink am sef, David don really help di king.

Jeremaya 5:26

Wiked men dey stay among my pipol, dem dey wait like pipol wey dey spread net to katch bird or set trap to katch pipol.

Jeremaya 15:1

Den God tell mi, “Even if Moses and Samuel stand here dey beg for dis pipol, I nor go listin or sorry for dem. So make yu take dem komot for my front kon tell dem make dem dey go!

Jeremaya 18:19

So, I kon pray: “My God, make Yu hear and listin to wetin my enemies dey tok about mi.

Jeremaya 27:18

If dem really bi profet or get my message, make dem pray give mi, di God wey dey mighty sey, “Make Yu nor allow dem karry all di betta-betta tins wey remain for di temple and palis, go Babilon.

Lamentashons 3:59

Yu don si di bad-bad tins wey dem do mi. So my God, make Yu judge my kase, so dat pipol go know sey I dey rite.

Jeremaya 17:18

Pipol wey dey tok bad against mi, make Yu disgrace dem kon save mi. Make fear katch dem, but nor make mi dey fear. Distroy and break dem into pieces.