Jeremaya 17:10 - Holy Bible Nigerian Pidgin English

¹⁰ Na mi wey bi God dey si and test human being heart. I dey trit each pesin akordin to how e dey live en life and wetin e dey do.

Jeremaya 17:10 Jak'a apnaqawi uñst'ayäwi

1 Samuel 16:7

But God tell Samuel, “Make yu nor happy, bikos of how en face look, bikos nor bi en I choose. God nor dey si tins di way una dey si am. Pipol dey look pipol from how dem bi for outside, but God dey look pipol from how dem bi for dia heart.”

Romans 8:27

And God wey dey si evritin inside awa belle, know wetin dey di Spirit mind, bikos di Spirit dey pray for all God pipol, as God wont.

Revelashon 2:23

I go kill all en shidren, den all di church pipol go know sey, I know wetin dey for pipol mind and heart. I go reward evribody akordin to wetin e do.

Jeremaya 11:20

So I pray to God: “My Oga God wey dey rule all of us; yor judgement na true and Yu dey si wetin pipol dey tink for dia heart. Make Yu fight dis pipol for mi, bikos my life dey yor hand.”

Jeremaya 32:19

Yu dey make betta plan kon do mighty tins. Yu know evritin wey pipol dey do and Yu dey reward dem akordin to wetin dem do.

Jeremaya 20:12

My God wey dey mighty; Yu dey give korrect judgement to pipol and Yu know wetin dey dia heart and mind. So, make I si how Yu won take revensh my enemies, bikos I don put my problem for yor hand.

1 Kronikles 28:9

Den e tell Solomon, “My pikin, I kommand yu sey make yu know yor papa God and make yu use all yor mind and heart take serve am. E know all wetin wi dey tink and wetin wi wont. If yu go meet am, E go take yu, but if yu turn from am, E go abandon yu forever.

Revelashon 22:12

(Si! I go soon kom and my reward dey with mi. I go pay evribody akordin to wetin dem don do!

Matiu 16:27

God Pikin and en angels go kom inside en Papa glory, den e go reward evribody akordin to dia work.

Psalms 62:12

and my love nor dey fail.” True-true, God go pay evribody akordin to wetin dem do.

Proverbs 17:3

Na fire dem take dey test gold and silva, but na God dey test pesin heart.

Revelashon 20:12

And I si di pipol wey don die, both big and small, as dem stand for di throne front. Dem open plenty books and den kon open anoda book wey bi di Life Book. And dem judge doz wey don die akordin to wetin dem rite for di books sey dem do.

2 Kronikles 6:30

make Yu listin to dem from heaven; forgive dia sin kon ansa each pesin akordin to wetin Yu tink sey dey en mind. (True-true, na only Yu fit really know wetin pesin dey tink.)

John 2:25

E nor nid anybody to tok about am, bikos e know wetin dey inside pipol belle, so e nor fit trust dem.

Jeremaya 21:14

But I go ponish yu for wetin yu don do. I go lite fire put for yor palis and di fire go burn evritin finish. Mi, wey bi God, don tok.”

Psalms 7:9

Make Yu stop di bad tins wey wiked pipol dey do kon defend doz wey dey good, bikos my God wey dey good, know wetin dey pipol mind and heart.

Romans 6:21

So wetin una gain from all doz bad tins wey una do? Na shame and deat doz tins dey bring.

1 Kronikles 29:17

I know sey Yu dey test evribody heart and Yu dey like doz wey dey respet diasef. I put my body for groun kon use all my heart take give Yu all dis tins and I don si how all yor pipol dey happy as dem dey give Yu dia gifts.

Mikah 7:13

But di land go still dey empty and dirty go full am, bikos of di wiked tins wey doz wey dey stay der before, don do.

Matiu 6:4

So dat una gift, go dey sekret and una Papa wey dey si for sekret, go reward una.”

Acts 1:24

Den dem kon pray, “Oga God Jesus Christ, na yu know wetin dey inside evribody mind. Make yu show us di pesin wey yu wont among dis two pipol,

1 Kings 8:39

make Yu hear dia prayer and listin to dem from where Yu dey for heaven. Make Yu forgive and help dem. Na only Yu know wetin human being dey tink. Make Yu ponish or bless anybody as e fit am,

Psalms 44:21

E go know, bikos E know wetin dey evribody mind.

Ekklesiastes 9:3

Dis na di bad part about evritin wey dey happen for dis world: na di same tin go happen to evribody. Plus dis sef, na wikedness full human being mind and na wetin dem like dem dey do, den one day, dem go die.

Isaya 59:18

E go ponish en enemies akordin to wetin dem do; even doh dem dey stay for far place.

Jeremaya 12:13

My pipol go plant korn, but na grass dem go gada. Even doh dem work hard, nor-tin go show sey dem work, bikos I dey vex for dem, so dia food wey dem plant, nor go grow.”

Ezekiel 11:5

God Spirit kon dey kontrol mi and E give mi message make I go tell Israel pipol sey: “I know wetin una dey tok and wetin una dey plan to do.

Ezekiel 14:5

All dis juju don make Israel pipol turn from mi, but afta I don ansa dem, I bilive sey dem go turn back kom meet mi.

Job 34:11

E dey reward pipol for wetin dem do and dey trit dem as dem deserve.

Psalms 7:10

Na God bi my guide! E dey save doz wey get klean and true heart.

Psalms 44:22

Yet bikos of am, dem dey kill us evriday; dey trit us like sheep wey dem won kill.

Proverbs 12:14

Wise word get gain and hard work dey bring reward.

Jeremaya 23:2

Dis na wetin di Oga wey bi Israel God tok about di rulers wey suppose kare for en pipol: Bikos una nor kare for my pipol and una skata and drive dem komot, I go ponish una for di wiked tins wey una do.