Jeremaya 16:17 - Holy Bible Nigerian Pidgin English

¹⁷ Bikos I dey si evritin wey dem dey do; dia wikedness nor hide from mi and e nor get where dem hide dia sin put wey I nor go si am.

Jeremaya 16:17 Jak'a apnaqawi uñst'ayäwi

Proverbs 15:3

God dey wosh evriwhere, E dey wosh both good and wiked pipol.

Jeremaya 23:24

E nor get where pesin go hide put make I for nor si am. Yu nor know sey I dey evriwhere for di heavens and di eart?

Proverbs 5:21

God dey si evritin wey yu dey do and E know evriwhere wey yu dey go.

Psalms 90:8

Yu know all di sins wey wi kommit; even di sins wey wi hide do, Yu dey si all of dem.

Hibru 4:13

Nor-tin wey God kreate fit hide from am and evritin dey naked to God, bikos wi go must tell am how wi live awa life.

1 Korintians 4:5

So, make una nor judge anybody until Christ go kom back. E go espose evritin wey dey darkness and di tins wey dey inside pesin heart. Dat time, na God go praiz evribody akordin to wetin dem do.

Jeremaya 32:19

Yu dey make betta plan kon do mighty tins. Yu know evritin wey pipol dey do and Yu dey reward dem akordin to wetin dem do.

2 Kronikles 16:9

E klear sey na God dey wosh di whole world and E dey ready to give pawa to doz wey trust am. Yu nor use sense for dis matter, so from naw go, na so-so war yu go dey fight.”

Ezekiel 9:9

God ansa, “Israel and Judah pipol don sin well-well. Dem don kill pipol for di land and dem nor dey obey my law again. Dem sey mi God don leave dem and I nor dey si wetin dem dey do.

Isaya 29:15

Pipol wey dey try to hide dia plans from God, nor betta pass doz wey don die! Dem dey hide do dia work for korna, dey tink sey nobody dey si or know wetin dem dey do, bikos dem dey boast sey, “Who dey si us? Who know wetin wi dey do?”

Psalms 139:3

Yu dey si mi wen I dey travel and wen I dey rest for house. Yu know evritin wey I dey do.

Ezekiel 8:12

God kon ask mi, “Man pikin, yu si wetin Israel leaders dey hide do? All of dem dey woship for one room wey juju full. Dem dey sey, ‘God nor dey si us! E don leave dis land.’ ”

Psalms 51:9

Make Yu nor kontinue to dey look my sins, but klean mi from all di bad tins wey I don do.

Psalms 109:15

Yes! Make God always dey remember en sins and make nobody remember en name again.

Jeremaya 2:22

No amount of soap wey una go take wosh una sin, go fit make una klean, bikos I still dey si all di wiked tins wey una dey do.” Mi, wey bi God, don tok.

Jeremaya 29:23

Dis na wetin go happen to dem, bikos dem sin: dem sleep with dia neighbour wife kon lie with God name. God nor like all dis tins. E know wetin dem don do and wetin dem do dey stand against dem.” Dis na wetin God tok.

Zefanaya 1:12

I go use lantan take find all Jerusalem korna wey darkness pass, so dat I go ponish doz wey love to sin. Dem bilive sey God nor go fit do dem anytin; weda good or bad.

Zekaraya 4:10

Make una nor laf as una take start small, bikos God dey happy sey di work don start and E dey happy to si di ruler for Zerubabel hand.” (Di seven lamps na God eyes wey dey look di whole world.)

Job 10:14

Yu dey look to si weda I go sin, so dat Yu nor go forgive mi.

Job 31:4

God know evritin wey I dey do; E dey si evry step wey I dey take.

Psalms 33:15

Na-im make dia heart, so E undastand evritin wey dem dey do or tink.

Isaya 66:18

I know wetin dey dia mind and wetin dem dey do. I dey kom gada all di nashon togeda and wen dem don kom togeda, dem go si wetin my pawa fit do

Jeremaya 7:11

God sey, Una tink sey my temple na where tif dey hide put? Make una know sey I don si wetin una dey do.