Jeremaya 14:13 - Holy Bible Nigerian Pidgin English

¹³ Den I sey, “My Oga God, di profets tell di pipol sey, ‘Una nor go si war again and honga go vanish from una land. God go give una peace forever and una go prosper for di land.’ ”

Jeremaya 14:13 Jak'a apnaqawi uñst'ayäwi

Jeremaya 6:14

Dem dey trit my pipol wound like sey na ordinary tin. Dem sey, ‘Evritin go dey okay!’ Wen dem know sey nor bi so e bi.

2 Pita 2:1

As fake profets dey among di pipol before, na so fake tishas go dey among una too. Dis fake tishas go tish lie-lie tins wey fit distroy pesin and dem go sey dem nor know di Masta. Like dis, dem go distroy demsef.

Mikah 3:11

Una leaders nor dey judge well, bikos dem don take bribe and una priest dem dey do dia work, bikos of money. Una profets nor dey profesai unless dem first pay dem. Yet all of una sey una trust God. Una sey, “Nor-tin go happen to us, bikos God dey with us.”

Jeremaya 23:17

Pipol wey nor gri listin to wetin God tok, dem dey tell dem sey, ‘Evritin go-go well with una!’ And dem dey tell sturbon pipol sey, ‘Bad tins nor go happen to una at-all!’

Jeremaya 4:10

Den I sey, “God wey get pawa, wetin make Yu deceive Jerusalem pipol? Yu bin sey peace go dey, but naw, Yu dey ready to kill.

Jeremaya 8:11

Dem dey trit my pipol wound like sey na ordinary tin. Dem sey, ‘Evritin go dey okay!’ Even wen dem know sey nor bi so e go bi.

Ezekiel 13:22

Una dey use una lie take diskorage good pipol; pipol wey I nor like to ponish. Una nor let evil pipol shange from di bad tins wey dem dey do, so dat dem go dey save.

Jeremaya 5:31

Di profet dem dey lie; di priests dey rule as dem like and my pipol like am like dat. But di day wey wahala and distroshon go start, na where dem go run go for help?

Jeremaya 5:12

Dem deny wetin God tok kon sey, “God nor go do anytin! No bad tin go fit happen to us; wi nor go ever si war or honga till wi die.

Jeremaya 1:6

So I ansa, “My Oga God, I nor sabi tok well and I still yong too.”

Isaya 56:10

E sey, “All di leaders wey suppose warn my pipol, dey blind! Dem nor know anytin. Dem bi like dog wey nor dey bark; dem just liedan dey dream. Make una si as dem like sleep well-well!

Jeremaya 5:13

All wetin di profets tok nor mean anytin. God nor tok thru dem, so make wetin dem tok, happen to dem.”

Ezekiel 12:24

Bikos dat time, di yeye vishon or words wey Israel pipol dey tok, nor go dey again.

Jeremaya 20:6

Pashhur! Dem go karry yu with yor family go Babilon. Yu go die and yu with all yor friends wey yu lie give, dem go beri una for der.’ ”

Jeremaya 37:19

Wetin happen to yor profets wey sey Babilon king nor go attack yu or dis town?