Jeremaya 10:10 - Holy Bible Nigerian Pidgin English

¹⁰ But na only Yu Oga, bi di true God. Di God wey dey alive and Yu go rule forever. Anytime Yu dey vex, di world dey shake and nobody fit stand wen Yu dey vex.

Jeremaya 10:10 Jak'a apnaqawi uñst'ayäwi

Deutronomi 32:4

Na-im bi di Rock; evritin wey E dey do dey korrect, bikos wayo nor dey en tins. En na God wey pesin fit bilive, bikos E nor just dey judge pipol anyhow.

Isaya 57:15

Na mi bi di high and holy God, di Pesin wey go live forever. Where I dey stay, dey high and holy, but I still dey stay with pipol wey dey honbol and ready to turn from sin kom meet mi, so dat I go give dem mind and hope again.

Psalms 76:7

No wonder dem dey fear Yu well-well! Na who fit stand for yor front wen Yu dey vex?

Nahum 1:6

Na who fit stand wen God dey vex? Who fit survive en vexnashon wey bi like hot fire? En vexnashon dey burn like fire and mountins dey skata to pieces for en present.

Psalms 42:2

I dey hongry to know God! Di God wey dey alive. So na wen I go take stand for en front?

Psalms 100:5

Bikos God dey good, en love wey nor dey fail dey forever and E dey good from one generashon go rish anoda.

Revelashon 20:11

Den I si one big white throne and di Pesin wey sidan put. Eart and heaven run komot from en present and dem nor si where to hide put.

Psalms 31:5

I don put my life for yor hand. So Oga God, make Yu diliver mi, bikos Yu bi God wey dey faithful.

Psalms 10:16

Na God bi king forever and ever! Di pipol wey nor dey fear God, go vanish komot from dis world.

Psalms 18:7

Fear kon make di pipol for di eart dey shake. Di mountins foundashon kon dey shake too; dem dey shake bikos God dey vex.

1 John 5:20

Wi know sey God Pikin don kom and e don give us sense to know di trut about God. And wi dey inside en Pikin Jesus Christ. Na-im bi di real God and na-im bi di life wey nor go end.

Hibru 10:31

Na big wahala if pesin fall enter God ponishment!

1 Timoti 1:17

Make all di honor and glory bi God own forever and ever! Na-im bi di King wey nor dey die, di One wey nobody dey si and na only en bi God. Amen!

1 Tesalonians 1:9

Pipol dey tok about how una welkom us and leave di juju wey una dey serve before kon follow di true God wey get life.

Acts 14:15

“Why una won do dis kind tin? Wi too na human being like una! Wi kon tell una di Good News, wey go make una turn from sin kom meet God, wey make heaven, eart, sea and all di tins wey dey inside dem.

Malakai 3:2

But who go fit bear di day wen E go kom? Who go fit survive wen E go appear? Bikos E go bi like strong soap wey dey spoil klot and like fire wey dey melt iron.

Habakkuk 3:6

Wen E stop, di eart go start to shake and wen E look, di nashons go bigin fear. All di mountins go skata; di hills wey dey since go sink and E go dey forever and ever.

Mikah 1:4

Den di mountins go melt under en leg like kandol wey melt for fire kon rush enter di valley like wota wey dey rush kom from hill.

Psalms 146:6

Na God make heaven and eart, di sea and evritin wey dey inside dem. E dey keep all di promise wey E make.

Psalms 145:13

bikos yor kingdom go dey forever and ever. Yu dey rule from one generashon go rish anoda.

Psalms 114:7

Yu, eart make yu shake with fear, bikos of di Oga wey bi Jakob God,

Psalms 104:32

E look di eart and di eart shake; E tosh di mountin and dem start to bring smoke.

Psalms 97:4

En tonda lite dey shine round di eart, so wen di eart si am, e kon dey shake.

Psalms 93:2

My God, yor throne don dey even before Yu kreate di world. Yu yorsef, don dey forever and ever.

Psalms 90:11

So na who go fit know as Yu dey vex rish? Yor vexnashon strong well-well and e dey make us fear Yu.

Psalms 84:2

I really love to dey di kourt wey dey God temple. My heart and my whole body dey shaut for joy, bikos of God wey dey alive.

Psalms 77:18

Dem hear yor vois like tonda from di strong wind, di lite make di world dey shine and di world kon dey shake with fear.

Job 9:6

God wey shake di eart komot from where e dey! E shake di pilas wey support di eart.

2 Kronikles 15:3

For sometaim naw, Israel pipol nor get di true God or priest wey go tell dem di law or wetin to do.

1 Kings 18:39

Wen di pipol si dis tin, dem fall face groun kon dey sey, “Na God bi di true God! Na God bi di true God!”

1 Samuel 17:36

Yor savant don kill both lion and bear. Dis Filistia man wey dem nor sekonsaiz go bi like one of dem. Bikos e don shalenge God wey dey alive sojas!”

1 Samuel 17:26

David ask di men wey stand near am, “Na wetin dem go do for di man wey go kill dis Filistia man kon free Israel from shame? Bikos who bi dis Filistia man wey nor sekonsaiz, wey dey shalenge God wey dey alive, sojas?”

Judges 5:4

My God, wen Yu komot from Seir go Edom, di eart shake and rain start to fall from di sky;

Deutronomi 5:26

E get anybody for dis whole world wey hear God vois from inside fire as wi hear am kon still dey alive like us?

1 Timoti 6:17

Make yu give dis kommand to rish pipol. Tell dem sey, make dem nor dey karry body up kon dey trust dia money wey nor get value and make dem dey trust God wey dey give us evritin wey wi nid to take enjoy dis life.

John 17:3

Life wey nor dey end, dis na wetin e mean, ‘Na make pipol know yu wey bi di only true God and Jesus Christ, wey yu send.’

Matiu 26:63

But Jesus kwayet. Den di High Priest kon tell am, “I take God name kommand yu to tell us if yu bi Christ, wey bi God Pikin.”

Matiu 16:16

Simon Pita ansa, “Yu bi di Mezaya, God Pikin wey dey alive.”

Habakkuk 3:10

Mountins dey fear as dem si Yu; rain dey fall from di kloud and waves for sea dey raiz and make nois bikos of Yu.

Joel 2:11

God vois bi like tonda as E dey lead en sojas wey nobody fit kount. And doz wey dey obey en kommand, many and strong well-well. Di day wey God choose go great well-well, so na who go fit survive am?

Daniel 7:14

Dem gi-am authority, honor and pawa to rule. Evribody, nashon and pipol from difren tribe, go serve am. En pawa go last forever and nobody go fit distroy en kingdom.

Daniel 6:26

I dey kommand sey, ‘Make evribody wey dey dis kingdom, fear and respet only Daniel God.’ “E go rule forever, bikos E nor dey die. Dem nor go fit distroy en kingdom and en pawa nor get end.

Daniel 4:34

But wen di seven years don pass, mi, Nebukadnezzar kon look heaven and my sense kom back to mi. I praiz di Most High God kon give honor and glory to di Pesin wey dey live forever and en kingdom go last forever.

Daniel 4:3

“Di sign dem wey E show us dey great well-well! Even en wonders dey mighty! God kingdom go dey forever and en pawa go last from awa generashon go rish di next one.”

Jeremaya 23:36

So make una nor sey God message na wahala, bikos if anybody tok like dat, den di message go bi wahala to am. Di pipol don shange dia God; di Almighty God wey dey alive, dem don shange en word.

Isaya 37:17

Naw, my Oga God, make Yu hear and si wetin dey happen to us. Make Yu listin to all di tins wey King Sennakerib dey use take curse Yu wey bi God.

Isaya 37:4

Assyria king don send en offisa oga kon curse God. Make God wey bi yor God hear dis curse, so dat E go ponish di pipol wey curse am. So make una pray to God for all awa pipol wey remain.”

Psalms 68:11

God tok di word; many wimen spread di good news sey:

Jenesis 21:33

Den Abraham plant tamarisk tree for Beersheba and e woship di Oga God wey bi di God forever for der.

1 Kings 8:60

so dat all di nashons go know sey na only God bi God and e nor get anoda god.

Psalms 29:10

Na God dey rule ova wota and E go bi king forever.

Psalms 68:8

di eart dey shake. Yes! Rain dey fall from heaven before di Oga wey bi Sinai God; di Oga wey bi Israel pipol God.

Psalms 90:2

Yu bi God wey nor dey die! Even before Yu kreate di mountins and di whole world, Yu don dey.

Isaya 40:15

Si, di nashons nor mean anytin to God, dem bi like one drop of wota. Di island wey dey for far nor heavy rish dust for God hand.

Isaya 65:16

Anybody for di land wey ask for blessing, God wey dey faithful go bless am. Anybody wey won swear, go use God name wey bi trut take swear and dis na bikos di trobol wey dey before, don pass and I go forget dem forever.”

Jeremaya 4:2

den, na only my name una go take swear sey, ‘As long as God dey alive, wi go do wetin wi promise’, den all di nashons go praiz mi and I go bless dem bikos of una.”

Jeremaya 4:24

As I look di mountins, dem dey shake like man wey dey fear and all di hills dey go back and front.

Jeremaya 50:46

Wen Babilon fall, di eart go shake and oda nashon go hear as Babilon pipol dey kry with pain.”

Jeremaya 51:29

Di eart dey fear and shake, bikos God dey do wetin E plan wen E sey E go turn Babilon to desert where pipol nor dey stay.

Joshua 3:10

Joshua sey, “Na like dis una go take know sey, God wey nor dey die dey with una and E go really porshu Kanaan, Hit, Hiv, Periz, Girgash, Amor and Jebus pipol komot for una.

1 Kronikles 29:11

Yu dey great and get pawa; Yu get glory, honor and respet. Evritin for heaven and eart, na yor own and dis na yor kingdom. Wi dey praiz Yu pass evritin for dis world.

Psalms 9:8

E go judge di world well kon rule di pipol with betta mind.

Psalms 74:12

But Yu God don bi my King since my grand-grand papa dem time and Yu dey save us for dis world.

Psalms 76:8

Na from heaven Yu dey judge yor enemies; di eart dey shake and dem dey kwayet for yor present.

Psalms 100:3

Make una know sey na di Oga God bi God! Na-im make us and wi bi en pipol. Wi bi en pipol, di sheep wey dey en field.

Isaya 40:28

Una nor know? Una neva hear? God go dey forever. Na-im kreate di whole world. E nor dey taya or weak. Nobody fit undastand wetin E dey tink.

Daniel 6:27

E dey perform mirakle and wonders for heaven and for dis eart, E dey diliver and save pipol well-well. E don save Daniel from lions mout.”

Nahum 1:5

For God present, mountins dey shake and hills dey melt trowey. Wons God appear, di eart go shake and evribody for di world, go fear.