Jenesis 3:6 - Holy Bible Nigerian Pidgin English

⁶ Wen di woman si sey di fruit wey di tree dey produce fine well-well and e good to chop; and e go make pesin get sense well-well, e kon take some of di fruit chop. Di woman still give some to en husband wey dey with am and e kon chop too.

Jenesis 3:6 Jak'a apnaqawi uñst'ayäwi

1 John 2:16

bikos evritin wey dey inside di world (tins wey human being body wont; tins wey dey hongry pesin to get and to dey karry body up), nor kom from di Papa, but na dis world dem from kom.

1 Timoti 2:14

And nor bi Adam, Satan deceive. Satan deceive di woman and na so sin take kom dis world.

2 Samuel 11:2

One day, David wake-up from sleep for aftanoon kon waka go di roof. As e dey waka round for der, e si one woman wey dey baf for en house and e fine well-well.

Joshua 7:21

From di tins wey wi karry from Jeriko, I si one fine klot from Babilon, with two silva koin and one gold wey heavy rish fifty fit. I like dem, so I take dem. I hide dem under di groun for my tent centre.”

Hosea 6:7

But just like Adam, my pipol sef break di kovenant wey I make with dem.

Jenesis 6:2

some among God sons kon si as woman fine rish. So dem kon dey marry dem as wife.

Ezekiel 24:25

God kon sey, “Man pikin, I go remove di strong temple wey bi dia joy and pride. Di temple wey dem dey like to look and visit. I go still take dia shidren komot dia hand.

Ezekiel 24:16

“Man pikin, na one blow I go take kill di pesin wey yu love pass. Make yu nor tok or kry.

Matiu 5:28

But I dey tell una naw sey, ‘Anybody wey look woman kon get di mind to sleep with am, don already kommit sin for en heart.’

Ezekiel 24:21

I tell Israel pipol dis message: ‘Una dey happy, bikos of una temple. Una like to dey look and go der, but I go distroy am and di small-small pipol wey una get for Jerusalem go die for war.’

Jenesis 39:7

Afta sometaim, en oga wife kon dey like am, den di woman tell am, “Make yu kom sleep with mi.”

Jenesis 3:17

God tell Adam, “Yu obey yor wife kon chop from di tree wey I kommand yu sey, ‘Make yu nor chop from.’ “Bikos yu do dis, I curse di groun. Yu go work hard to make di groun bring food till yu die.

Jenesis 3:12

Di man ansa, “Di woman wey Yu give mi bring some fruits from di tree and I kon chop am.”

Job 31:1

“I don swear with my eye sey I nor go ever look wimen kon sey I won sleep with dem.

Judges 14:17

Thru-out di seven days wey dem do di party, di woman dey always kry for Samson. But for di sevent day, Samson kon tell am di ansa, bikos e dey always disturb am. Den di woman go tell di pipol.

1 Kings 13:19

So di profet wey kom from Judah follow di old profet go en house go chop.