Jenesis 3:16 - Holy Bible Nigerian Pidgin English

¹⁶ God kon tell di woman, “Wen yu dey labor, I go make am pain yu well-well. Na inside pain yu go take born shidren. Yu go won kontrol yor husband, but na-im go bi yor head.”

Jenesis 3:16 Jak'a apnaqawi uñst'ayäwi

Titus 2:5

to dey kontrol diasef; get pure mind; dey do dia house work well; dey kare for pipol; dey do as dia husband wont, so dat pipol nor go tok anyhow about God word wey wi dey prish so.

Kolossians 3:18

Una wey bi wife, make una dey do wetin una husband wont, as Christ pipol suppose do.

1 Korintians 11:3

but I wont make una undastand sey as Christ bi evribody head, na so too husband bi head for en house and na God bi Christ head.

1 Timoti 2:15

But God go save di woman wen e won born, so-far e kontinue to get faith, love, holiness and dey kontrol ensef.

1 Korintians 14:34

make wimen nor dey tok. Make dem kwayet dey listin, just as Moses Law tish.

1 Korintians 7:4

Nor bi di wife get en own body, but na di husband get am and na so too di wife get en husband body.

John 16:21

Wen woman won born pikin, e dey sofa strong pain, bikos en time to born don rish, but wen e don born, e go happy and e nor go remember di pain again, bikos e go si sey e don born pikin.

Jenesis 4:7

“Nor bi true sey if yu do wetin dey write, body go sweet yu? But if yu nor do wetin dey write, dat mean sey sin dey knock for yor door, bikos e won rule yu, but make yu nor allow am.”

Jeremaya 6:24

I kry kon sey, “Wi don hear di news and fear dey katch us. So naw, wi dey pass thru pain like woman wey won born.

Nombas 30:13

So en husband get di rite to gri or nor gri make e do wetin e vow or promise.

1 Tesalonians 5:3

Wen pipol dey sey, “Evritin dey okay and peaceful,” na dat time wahala wey go skata evriwhere go kom and e go bi like di pain wey woman dey face wen e won born and nobody go eskape from am.

Estha 1:20

Wen di whole kingdom don know wetin yu do, evry woman go trit en husband with respet, weda e get money or e nor get.”

Jeremaya 22:23

Una fit tink sey una dey save like bird wey dey rest for Lebanon cedar. But wen di wahala kom, una go kry with pain like woman wey won born.

Jeremaya 13:21

Wetin una go tok wen di pipol wey una bin tink sey bi una friends katch, distroy and kon dey rule una? E go pain una like woman wey won born?

Isaya 21:3

So bikos of all dis tins wey I hear, my belle kon dey pain mi and e dey make mi fear. E dey pain mi like woman wey won born.

Isaya 13:8

Fear go katch all of dem with pain like woman wey won born. Dem go dey look each oda with fear and shame go full dia face.

Jeremaya 49:24

Damaskus pipol don weak and dem kon run, bikos dem dey fear. Dem dey feel pain like woman wey won born.

Jeremaya 4:31

I hear kry, like woman wey won born; shaut like woman wey dey born en first pikin. Jerusalem pipol dey find as dem go take breath and naw, dem dey kry sey, “Make una help us! Bikos na die wi dey so o-o!”

Isaya 53:11

But wen e si all di good tins wey en sofa bring, belle go sweet am. My savant wey I like well-well, go bear plenty pipol ponishment and I go forgive dem bikos of am.

Psalms 48:6

Fear katch dem well-well and dem kon dey kry with pain like woman wey won born.

1 Timoti 2:13

bikos na Adam God first kreate, nor bi Eve.

1 Kronikles 4:9

E get one man wey dem dey respet well-well among en brodas and en name na Jabez. En mama koll am Jabez (wey mean pain) bikos e sey, “I sofa well-well wen I won born yu.”