Jenesis 21:2 - Holy Bible Nigerian Pidgin English

² So Sarah get belle and e born boy for Abraham for en old age for di real time wey God don tell am.

Jenesis 21:2 Jak'a apnaqawi uñst'ayäwi

Hibru 11:11

Na faith make Abraham born, even doh Sarah don too old to get belle and Abraham don old too, but e know sey di Pesin wey promise am pikin, na Pesin wey e fit trust.

Galatians 4:22

Dem rite am sey, Abraham get two boys, one wey di savant woman born and di oda pikin, na di really wife born am.

Acts 7:8

So God make kovenant with Abraham thru sekonsishon. Abraham kon born Isaak and sekonsaiz am afta eight days. Isaak born Jakob and Jakob born di twelf brodas, wey bi awa grand-grand papa dem.

Luke 1:36

Si, yor kousin Elizabet don get belle for six monts naw and e go born boy for en old age, even doh dem tok sey e nor go fit get belle.

Jenesis 18:14

E get anytin wey too hard for God to do? As I tok before, nine monts from naw I go kom back and Sarah go born boy.”

Jenesis 18:10

One of dem kon sey, “Nine mont from naw, I go kom back and yor wife Sarah go born boy pikin.” Sarah dey di house back door dey listin.

Jenesis 17:19

But God sey, “No! Yor wife Sarah go get belle kon born boy for yu and yu go koll am, Isaak. I go keep my kovenant with am and en shidren-shidren forever. Di kovenant na forever and ever.

Jenesis 17:21

But I go keep my kovenant with yor pikin Isaak, wey Sarah go born for dis time next year.”

Romans 9:9

Bikos na so God tok for en promise, “Wen di time don rish, I go kom back and Sarah go born boy.”

Joshua 24:3

but I take una papa Abraham cross di river kon bring am kom Kanaan land. I make en shidren-shidren many and dem nor fit kount dem; I gi-am Isaak