James 4:4 - Holy Bible Nigerian Pidgin English

⁴ Una wey dey do bad tins for dis world, una nor know sey to bi dis world friend, mean sey una bi God enemy? So anybody wey gri sey en and dis world na friend, don make ensef God enemy.

James 4:4 Jak'a apnaqawi uñst'ayäwi

Romans 8:7

Pipol wey dey sin, na God enemy dem bi, bikos dem nor obey en law, since dem nor fit obey am.

Galatians 1:10

Una tink sey, I dey try to do tins make pipol for like mi? Abi I dey do wetin God wont? Or I dey try to make belle sweet pipol? If I dey try to make belle sweet pipol, den I nor bi Christ savant again!

John 15:19

If una bi friend with di pipol for dis world, dem go love una as dia own pipol. But una nor bi dia friend, bikos I don choose una from di world, naim make dem nor like una.

Matiu 6:24

“Nobody go fit serve two oga, e go hate one kon love di oda one, or e go serve one with all en heart and nor respet di oda one. Nobody go fit serve God and money for di same time.

John 17:14

I don give dem yor word and bikos of dat, di pipol for world hate dem, since dem nor bilong to di world, as misef nor bilong to di world.

James 1:27

But betta relijon wey nor get stain for God eye, naim bi dis: to kare for shidren wey nor get papa and mama and wimen wey dey sofa bikos dia husband don die. So, make una keep unasef, so dat dis world nor go stain una.

Romans 5:10

Wi bi God enemies before, but E don make us en friends thru en Pikin deat. Naw, since wi don bi God friends, E go save us thru di life wey en pikin get.

Matiu 16:4

Wiked and evil pipol for dis time dey ask for sign, but dem nor go get any one, escept Jonah sign.” Den Jesus kon waka leave dem.

Hosea 3:1

God tell mi, “Make yu go love yor wife again, even doh e love anoda man and dey sleep with difren pipol. Na so too God love Israel pipol, even doh dem turn kon dey serve oda gods and dey give dia rice as ofrin to juju.”

John 7:7

Pipol like una, but dem nor like mi, bikos I dey tell dem sey wetin dem dey do nor good.

Psalms 73:27

So doz wey nor dey fear am go die, bikos E dey distroy doz wey turn from am.

Luke 19:27

But doz my enemy wey nor wont make I bi dia king, make una go bring and kill dem for my front!’ ”

Matiu 12:39

Jesus ansa, “Si dis bad and wiked pipol for dis time wey dey ask for sign, I nor go show una any sign, escept Profet Jonah own.

Psalms 21:8

Di king go katch all en enemies. E go seize evribody wey hate am with en strong rite hand.

Jeremaya 9:2

I wish sey I get where I fit go stay for desert; I for go, so dat my pipol nor go fit si mi, bikos dem nor dey faithful to God.

Isaya 57:3

But una wey bi sinnas! Make una kom here make dem judge una! Na pipol wey dey do majik and ashawo born una.

Psalms 50:18

Wen una si tifs, una go hail and klap for dem and una dey spend una time with pesin wey dey sleep with who e nor marry.

Jeremaya 2:2

“Go tell evribody for Jerusalem sey: ‘God sey, “I remember as una dey faithful wen una dey yong. Una bin love mi well-well like woman wey just marry; una follow mi waka for wildaness and for dry land.

Jenesis 3:15

I go make yu hate woman and yor pikin go still hate pikin wey woman born. Pikin wey woman born go mash yor head and yu go bite dia leg.”

Ezekiel 16:32

“Yu bi like wife wey nor love en husband, instead e dey sleep with strenjas anyhow.

1 Korintians 1:20

Wetin happen to di wise pipol? Wetin happen to doz wey know Moses Law well-well? Wetin happen to doz wey tink sey dem get all di ansa? Abi God nor sey dis world wisdom, nor mean anytin?

1 Korintians 1:21

God wise well-well, so E nor let pipol for dis world know am with di wisdom wey dem get. Instead, E save only di pipol wey bilive di foolish message wey wi dey prish.