James 4:3 - Holy Bible Nigerian Pidgin English

³ Wen yu ask for sometin, yu nor receive am, bikos yu nor ask well and yu won take am do wetin yu like.

James 4:3 Jak'a apnaqawi uñst'ayäwi

1 John 5:14

Na dis tins dey make awa mind strong anytime wey wi kom meet God: bikos if wi ask am for anytin wey dey good for en eye, E go give us.

1 John 3:22

and anytin wey wi ask from am, E go give us, bikos wi dey do wetin E wont and na dis tins dey make belle sweet am.

James 4:1

Wetin dey make una kworel and fight? Nor bi di tins wey dey hongry una to do?

Mikah 3:4

But wen una dey trobol, una go kom beg God make E help una! Una dey espect sey God go ansa una? Afta all di wiked tins wey una don do, God nor go even look una face!”

Proverbs 15:8

God hate wiked pipol sakrifice, but E dey enjoy good pipol prayers.

Proverbs 21:13

If yu nor gri listin to poor pipol kry, dem nor go hear yor own kry for help.

Job 35:12

Dem dey kry for help, but God nor dey ansa dem, bikos dem too proud and dem dey do bad tins.

Zekaraya 7:13

“Bikos dem nor gri listin wen I tok to dem, na so too I nor go listin anytime wey dem pray to mi.

Luke 15:13

“Afta sometaim, di yong boy karry evritin wey e get travel go one far kountry kon waste all en money for yeye life.

Mark 10:38

Jesus ask dem, “Una know wetin una dey ask for so? Una go fit drink from di cup wey I go drink from? Abi una go fit bear di baptizim wey dem go baptize mi?”

Matiu 20:22

Jesus ask dem again, “Una know wetin una dey ask for so? Una go fit drink from di cup wey I won drink from?” Dem ansa, “Yes! Wi go fit.”

Jeremaya 11:14

So, Jeremaya my profet! Make yu nor pray or beg mi bikos of dis pipol. Wen dem dey trobol, make dem nor koll mi for help, bikos I nor go listin to dem.”

Proverbs 21:27

God nor like wen wiked pipol dey offa sakrifice gi-am, bikos dem dey do am with bad belle.

Proverbs 1:28

Dat time, una go koll mi wey bi wisdom, but I nor go ansa. Una fit go find mi for evriwhere, but una nor go si mi.

Jeremaya 14:12

Even if dem fast, I nor go listin to dia kry for help and if dem offa burnt and korn ofrin, I nor go asept am. Instead I go kill dem for war and with diziz and honga.”

Psalms 18:41

Wen dem koll pipol to help dem, nobody gri kom. Dem even kry to God, but E nor gri ansa dem.

Jeremaya 11:11

So, mi wey bi God sey: ‘I go soon distroy dem and dem nor go fit eskape. I nor go listin to dem wen dem kry kom meet mi for help.’

Luke 15:30

But wen dis yor pikin kom back afta e don waste all yor money with ashawo, yu kon kill di melu wey fat pass for am!’

1 Kings 3:11

so E tell am, “Bikos yu don ask for wisdom to rule well, instead of long life, propaty or make yor enemies die,

Luke 11:10

Bikos pesin wey ask, go get, pesin wey find, go si wetin e dey find and di pesin wey nok, di door go open for am.