James 4:1 - Holy Bible Nigerian Pidgin English

¹ Wetin dey make una kworel and fight? Nor bi di tins wey dey hongry una to do?

James 4:1 Jak'a apnaqawi uñst'ayäwi

1 Pita 2:11

My friends, I dey beg una, since una bi strenjas for dis world, make una nor follow di tins wey pipol like to do, bikos dem dey distroy pesin soul.

Galatians 5:17

Bikos di tins wey di body like, difren from wetin di Spirit like and wetin di Spirit wont, nor dey gri with wetin di flesh wont.

Romans 7:23

but inside mi, I kon undastand sey sometin dey fight against my mind and e dey make mi bi sin savant, bikos e dey kontrol my body.

Romans 8:7

Pipol wey dey sin, na God enemy dem bi, bikos dem nor obey en law, since dem nor fit obey am.

James 1:14

But temptashon dey kom meet pesin wey get bad tins for mind.

Jeremaya 17:9

Na wikedness full human being mind and e bad well-well. Na who go fit undastand am?

1 Pita 1:14

Like shidren wey dey obey, make una stop di bad tins wey una dey do wen una neva know di trut.

Kolossians 3:5

So make una kill evry bad karata wey dis world dey bring: Like to dey sleep with pesin wey una nor marry; dey bihave anyhow; follow dis world tins; dey do bad tins; long-trot and to serve juju.

2 Pita 3:3

Afta dis, make una undastand sey: for di last days, yeye pipol go kom and dem go dey do bad tins wey dey hongry dem.

James 4:3

Wen yu ask for sometin, yu nor receive am, bikos yu nor ask well and yu won take am do wetin yu like.

2 Pita 2:18

Dem dey use dia big-big grammar wey nor mean anytin, take deceive pipol wey just dey won komot hand for bad tins.

Titus 3:3

Before naw, wi dey bihave like fool; wi nor dey obey; wi dey deceive pipol; wi bi savant to tins wey dey sweet us; wi dey do bad tins and dey jealous odas; pipol hate us and wi hate dem too.

Titus 3:9

Nor put mout for word wey nor dey good: like matter wey koncern who born who and kworel or fight about Jew pipol law. All dis tin dey yuzles and dem nor mean anytin.

Romans 7:5

Wen wi still dey di world, di law dey make us do bad tins wey awa body wont and all dis tins dey bring deat.

Matiu 15:19

Na from pesin heart bad-bad tins dey kom out and na dis tins dey make dem kill; sleep with who dem nor marry; tif; lie and judge pesin for en back.

John 8:44

Na devil bi una papa and na di tin wey una papa wont, naim una dey do. E dey kill pipol from di biginnin and e nor dey support wetin good, as e nor get any good tin inside am. Anytime e dey tok, na di lie wey dey inside am, na-im e dey tok, e bi lie-lie pesin, bikos naim bi lie-lie papa.

2 Timoti 2:23

I dey tell yu again sey, make yu nor put mout for yeye word, bikos yu know sey dis kind tin dey kause kworel.