James 3:9 - Holy Bible Nigerian Pidgin English

⁹ Na di tongue wi take dey praiz awa Papa and Oga God Jesus Christ and naim wi still dey use take curse pipol wey God kreate like ensef.

James 3:9 Jak'a apnaqawi uñst'ayäwi

Psalms 10:7

Na curse, lie and to treaten pipol, full dia mout. Na trobol and evil dey dia tongue.

Psalms 62:4

Dem dey spend all dia time dey plan how dem go take finish mi. Dem dey happy to lie about mi. Dem dey praiz mi for my present, but for dia heart, dem dey curse mi.

Psalms 59:12

Bikos of di bad-bad tins wey dem dey tok, bikos of di evil wey dey dia lips, make dia own pride, bad mout and lie-lie, trap dem.

Jenesis 9:6

“Na as God bi, dem make man, so anybody wey kill pesin, na so too anoda pesin go kill-am.

Acts 2:26

Bikos of dis, belle sweet mi and my mout kon dey tok betta-betta tins and I kon get hope sey tins go really good for mi,

2 Samuel 19:21

Abishai wey bi Zeruaya pikin kon sey, “Make dem kill Shimei, bikos e curse di pesin wey God choose to bi king.”

Jenesis 5:1

Dis na di rekord of Adam family. Wen God kreate human being, E make dem just as E bi.

1 Korintians 11:7

Man nor nid to kover en head, bikos e dey show as God glory bi. But woman dey show as man glory bi;

Romans 3:14

Bad belle dey dia mind and na so-so swear dem dey swear.

Matiu 26:74

As e hear dis one, Pita kon dey swear, “I nor know di man!” Dat same time, fawol kon make, “Kukuruku.”

Matiu 5:44

But I tell una naw sey, ‘Make una love una enemies and pray for pipol wey dey sofa una’,

Isaya 29:13

God sey, “Dis pipol sey dem dey obey mi, dem dey tok good-good tins about mi, but dem nor really dey respet mi and evritin wey dem tok nor rish dia heart. Dia relijon na law and tradishon wey human being make with dia own hand.

Ekklesiastes 7:22

bikos yu know for yor own heart too, how many times yusef don curse oda pipol.

Psalms 108:1

My God, I don make up my mind! I go sing and praiz Yu with all my heart!

Psalms 71:24

and till I die, I go always dey tell pipol about yor good works, bikos evribody wey dey try to kill mi, Yu don disgrace and make shame katch dem.

Psalms 63:4

I go praiz Yu as long as I dey dis life and I go raiz my hand kon pray give Yu.

Psalms 57:8

So, make my heart wake-up! Trumpet and jita, make una wake-up too! Mi mysef go wake-up for morning with song for my mout.

Psalms 51:14

My God wey dey save pesin, make Yu forgive mi, bikos I don kill pesin; den I go sing about yor forgivenes with joy.

Psalms 35:28

Den I go tok about yor korrect judgement and I go praiz Yu forever.

Psalms 34:1

I go always dey praiz God. I go always dey tok about all di good tins wey E dey do.

Psalms 30:12

so dat I go sing praiz Yu and I nor go kwayet. So, I go tank Yu wey bi my Oga and God forever!

Psalms 16:9

No wonder happiness full my heart, bikos I dey rest well and fear nor dey my life.

1 Kronikles 29:20

Den David kommand en pipol, “Make una praiz di Oga wey bi una God!” And all di pipol praiz di Oga wey bi dia papa God kon bow honor en and di king.

1 Kronikles 29:10

For der wey all di pipol gada put, David praiz God kon sey, “God wey awa papa Jakob serve, wi praiz yor name forever!

2 Samuel 16:5

Wen David rish Bahurim, one Saul relashon wey dem dey koll Shimei wey bi Gera pikin kom out bigin curse David.

Judges 9:27

All of dem go dia vineyard go pick grape kon make wine take do party. Dem go dia god temple dey drink, chop and curse Abimelek.

Efesians 1:3

I bless God wey bi awa Oga God Jesus Christ Papa; wey don bless us with difren spiritual blessing from heaven, bikos of Christ.

Psalms 145:21

So, I go praiz God and make evribody for eart bless en holy name forever and ever.

Psalms 145:1

I go honor Yu wey bi my God and King kon praiz yor name forever and ever.

1 Pita 1:3

Wi tank God wey bi awa Oga God Jesus Christ Papa, for di mesi wey E dey show us. God give us new life thru Jesus Christ wey E wake from deat and naim bi di Pesin wey give us hope.

James 1:27

But betta relijon wey nor get stain for God eye, naim bi dis: to kare for shidren wey nor get papa and mama and wimen wey dey sofa bikos dia husband don die. So, make una keep unasef, so dat dis world nor go stain una.

James 3:10

My brodas and sistas, na di same tongue wi dey use take praiz and curse pipol. But e nor suppose bi like dat.