James 3:2 - Holy Bible Nigerian Pidgin English

² bikos wi dey make many mistake. If pesin nor dey make mistake for wetin e dey tok, dat mean sey e dey pafet and e go fit kontrol en body.

James 3:2 Jak'a apnaqawi uñst'ayäwi

James 1:26

If anybody tink sey en dey follow wetin wi dey tish and e nor fit kontrol en mout, dat pesin dey deceive ensef and en relijon nor mean anytin.

Proverbs 13:3

Doz wey dey kontrol dia tongue go get long life, bikos anyhow word dey distroy tins.

1 Pita 3:10

God word sey: Anybody wey won enjoy good life, must kontrol en mout; make e nor dey tok bad-bad tins or lie.

Matiu 12:37

Na di word wey yu dey tok, naim go fit free or kondemn yu for God present.”

Psalms 34:13

Den make yu nor use yor mout take tok bad tin and make yor lips nor dey lie!

Proverbs 20:9

E get anybody wey fit sey en mind klean well-well and e nor dey sin?

Ekklesiastes 7:20

bikos e nor get anybody for dis world wey dey good well-well and nor dey sin.

Romans 3:10

Just as God word sey, “Nobody dey raitious.

James 1:4

And make una let patient do en work, so dat una go dey pafet and komplete, den una go gain evritin.

1 Kings 8:46

Wen yor pipol sin against Yu (bikos e nor get who nor dey sin) and Yu vex kon let dia enemies defeat and karry dem like prisonas go anoda land. Even if di land far well-well,

James 2:10

Di pesin wey dey do evritin wey dey di law and e break one, don break all of dem bi dat.

Isaya 64:6

All of us nor dey klean and dirty full awa life. Bikos of awa sins, wi bi like leaf wey don fade wey breeze dey blow trowey.

1 Korintians 9:27

Instead, I dey kontrol my body kon make am my slave, so dat afta I don prish di Good News give odas, God nor go rijet mi.

Hibru 13:21

make E give una evritin wey una nid to do wetin E wont. Anytin wey good for en eye, make E do am inside us thru Jesus Christ. Make all glory bi Jesus Christ own forever and ever. Amen!

Kolossians 4:12

Epafras, wey bi one among una and Christ savant, dey greet una. E dey pray well-well for una, so dat una leg go strong for groun and una go grow as una dey learn di tins wey God wont.

Kolossians 1:28

As wi dey tell evribody wetin dem go do, wi dey prish Christ and tish with wisdom, so dat wen wi go show una to Christ, una go don dey pafet.

Galatians 3:22

But God word kondemn evritin and evribody under sin, so dat wi; di pipol wey bilive, go get God promise thru Jesus Christ.

Romans 7:21

So I si sey dis law dey work, bikos wen I won do good, na only bad tins dey enter my mind.

2 Kronikles 6:36

Di time dey kom wen yor pipol go sin against Yu (bikos e nor get who nor dey sin!) and Yu go dey vex for dem kon give dem to dia enemies wey go take dem go as prisonas for anoda land, weda e far or near.

1 Pita 5:10

Afta una don sofa small, God wey koll una with en grace enter en glory for Christ, go make una komplete, una leg go strong and una go get pawa.

Galatians 5:17

Bikos di tins wey di body like, difren from wetin di Spirit like and wetin di Spirit wont, nor dey gri with wetin di flesh wont.

Psalms 39:1

I tell mysef sey, “I go dey kareful for wetin I dey do and I nor go sin with wetin I dey tok. I go hold my tongue wen sinnas dey near mi.”

Proverbs 10:19

Too mush tok dey make pesin sin, but wise pesin nor dey tok anyhow.

Proverbs 21:23

If yu nor won enter trobol, make yu tink before yu tok.

Matiu 12:34

Una, snake shidren! How una won take tok good word since una dey wiked? Na wetin full pesin heart, naim en mout dey tok.

Levitikus 13:39

di priest go look di pesin. If di white spot wey dem get for body na white wey don fade, den na rashes from di pesin skin and e dey klean.

Job 15:13

sotey yu dey tok all dis kind words, bikos yu dey vex for God?