James 2:9 - Holy Bible Nigerian Pidgin English

⁹ If una do parsha, una dey kommit sin and di law don kondemn una as pipol wey nor dey do wetin dey di law.

James 2:9 Jak'a apnaqawi uñst'ayäwi

Levitikus 19:15

“ ‘Make una dey honest and pure wen ever una dey judge any matter. And make una nor dey trit poor pipol matter anyhow kon dey show good face to pipol wey get money.

John 8:9

Wen dem hear wetin e tok, dem kon dey komot for der one-by-one. Na di old pipol first start to komot, till e remain only Jesus and di woman wey stand for en front.

1 John 3:4

Evribody wey dey like to sin, nor dey obey God law and to sin, na to disobey God law.

Romans 3:20

Nobody dey good for God eye, bikos e dey obey di law. But na thru di law, wi take know wetin sin mean.

John 16:8

Wen e kom, e go show pipol for dis world wetin sin, God raitiousness and God judgement, bi.

John 8:46

Who among una go fit show sey I kommit sin? Since I dey tell una true word, why una nor won bilive mi?

Jude 1:15

e dey kom judge evribody, so dat pipol go know di bad tins wey dem dey do and di wiked words wey sinnas don tok against God.”

Galatians 2:19

As for di law, I don die to am, so dat I go fit dey alive with God.

1 Korintians 14:24

But if evribody dey profesai and unbilivers or pipol wi nor undastand enter di church, dem go know sey dem bi sinnas and dem go won turn from dia sin kom meet God, bikos of wetin una dey tok.

Deutronomi 1:17

Make una nor favor anybody and na as una take listin to rish man kase, na so too una go take listin to poor man own. Make una nor fear anybody, bikos na God dey judge evribody. Any kase wey una nor fit judge, make una bring am kom meet mi.’ ”

Acts 10:34

Den Pita tell dem, “Naw, I don undastand sey God nor dey opress anybody,