James 2:5 - Holy Bible Nigerian Pidgin English

⁵ My brodas and sistas, make una listin! God nor choose poor pipol for dis world sey, make dem rish for faith and inherit di kingdom wey E promise sey E go give doz wey love am?

James 2:5 Jak'a apnaqawi uñst'ayäwi

Matiu 5:3

“God go bless una wey dey poor for spirit, na una go get heaven.

Luke 6:20

Den Jesus look en disciples, tell dem, “Make una happy, una wey dey poor, bikos na una get God Kingdom.

Revelashon 2:9

I know di sofa wey yu sofa and how yu nor get money, but yu get enough money. I still know di bad tins wey dem tok about yu. Dem sey dem bi Jew pipol, but dem nor bi Jew, bikos dia sinagog, na Satan own.

2 Korintians 8:9

Una know di grace wey awa Oga God Jesus Christ get; even doh e dey rish, e kon turn poor man bikos of una, so dat thru en poverty, una go dey rish.

Luke 12:21

“Na so e go bi with pesin wey dey gada money keep for ensef, but en heart nor dey with God.”

1 Pita 1:4

Dem born us put for inheritance wey nor dey spoil, dirty or fade. God keep di inheritance for heaven for us

James 1:12

Di pesin wey fit bear wen problem kom meet am, make e happy, bikos e don show sey en faith strong and e go get di crown wey get life, wey God don promise sey E go give pipol wey love am.

Hibru 11:26

E feel sey e betta make dem laf am, bikos of di Mezaya wey dey kom, instead make e dey enjoy di fine-fine tins for Egypt. E do like dis, bikos e put en eye for God reward.

Luke 12:32

“Make una nor fear, una wey bi small sheep, bikos una Papa go happy to give una di kingdom.

1 Korintians 2:9

But God word sey, “No eye don ever si; no ear don hear, even pesin mind nor fit tink about di tins wey God don prepare for pipol wey love am.”

Matiu 25:34

“Den di king go tell di pipol wey dey en rite hand, ‘Make una kom, una wey my Papa don bless and make una inherit di kingdom wey God prepare for una before di world start.

Revelashon 21:7

Di pesin wey win, go inherit dis tins. I go bi en God and e go bi my pikin.

James 1:9

Any biliver wey poor, make e happy, bikos God don lift am up.

2 Timoti 4:8

Naw, di prize for raitiousness dey wait mi and na God wey dey judge rite go give mi dis prize for di day wen Christ go kom. Di prize nor bi for mi alone, but na for evribody wey dey wait for Christ to kom back.

2 Korintians 6:10

wi dey like sey wi dey vex, but wi dey always happy; wi bi like poor pipol, but wi dey make many pipol rish; wi bi like who nor get anytin, but wi get evritin.

Revelashon 3:18

So I advise yu sey make yu buy gold; gold wey dem don polish with fire. Den yu go get plenty money. Make yu still buy white klot from mi kon wear am, so dat dem nor go si yor nakednes again, den buy medicine put for yor eye, so dat yu go fit si.

1 Timoti 6:18

Tell dem sey, make dem use dia money take do good. Make dem dey do plenty good works kon dey give doz wey nor get and make dem always dey ready to share with odas.

Luke 16:25

“But Abraham ansa, ‘My pikin, remember sey wen yu dey alive, yu dey enjoy good tins, but Lazarus nor enjoy at-all. But naw, e dey enjoy for here and yu dey sofa for der.

Matiu 11:5

Blind pipol dey si, pipol wey nor fit waka dey waka, God dey cure leper, deaf pipol dey hear, pipol wey don die, dey wake-up and poor pipol dey hear di Good News.

1 Samuel 2:30

“So, di Oga wey bi Israel God sey, ‘Aldo I tok sey yor house and yor grand-grand papa house go serve mi forever, but e nor go happen again! Bikos I go honor doz wey honor mi, but doz wey nor gri do wetin I tok, I go curse dem!

2 Pita 1:11

Di door to enter awa Oga God and Savior Jesus Christ kingdom, wey nor go ever end, go open wide for una.

2 Timoti 4:18

And Christ go still save mi from evry evil plan until e take mi enter en kingdom. Make glory bi en own forever and ever. Amen!

2 Tesalonians 1:5

Dis na sign sey God dey give korrect judgement. E wont make una dey good to inherit en kingdom and na bikos of dis kingdom, una dey sofa so.

Efesians 3:8

Na mi small pass for all God pipol, but God don give mi grace to prish di Good News give Gentile pipol and dis grace wey Christ give mi, nor dey finish.

Romans 8:17

And if wi bi God shidren, den wi go inherit God propaty. Yes, wi go follow Christ inherit God propaty, bikos if really wi sofa with am, wi go follow am enjoy.

Luke 16:22

“Di poor man kon die and angels karry am go where Abraham dey. Di rish man still die too and dem beri am.

Zekaraya 11:7

Na pipol wey dey buy and sell di sheep, hire mi and I kon turn shepad wey dem won go kill en sheep. I take two stik kon koll one, “Favor” and di oda one na, “Unity.” So I kon dey kare for di sheep dem.

Isaya 29:19

Poor pipol and doz wey honbol diasef go si di happiness wey di Oga wey bi Israel pipol God, dey give.

Isaya 14:32

How una go take ansa di messenjas wey dey kom meet una from Filistia land? True-true, God don make Zion great and en pipol wey dey sofa, go dey save for der.

Job 34:19

E nor dey support rulers or rish pipol against poor pipol, bikos na-im kreate all of dem.

Job 34:10

“Men wey dey undastand, make una listin to mi! God Almighty go fit do wetin dey wrong?

Exodus 20:6

But I go show my love to many generashon, bikos dem love and keep my kommand.

James 1:16

My brodas and sistas, make nor-tin deceive una,

1 Tesalonians 2:12

Wi dey advise, beg and tok to una sey, una must live una life as God wont, bikos na-im koll una enter en own kingdom and glory.

Efesians 1:18

Una eye don open to undastand di grace wey God koll una kom enter and una don si how di blessing wey E promise en pipol, plenty rish.

2 Korintians 4:15

All dis tins na for una good, so dat God grace wey dey rish many pipol evriday, go make pipol dey tank God more-more and all di glory go bi en own.

John 7:48

Abi any of us wey bi Farisee pipol or priests don bilive Jesus?

Luke 22:29

So, I give una pawa to rule, just as my Papa don give mi.

Mark 7:14

Den Jesus koll di pipol again sey, “Evribody, listin to mi make una for undastand wetin I dey tok.

Zekaraya 11:11

I kansol di kovenant dat same day. Di pipol wey dey buy and sell di sheep dey look mi and dem know sey God gri with evritin wey I dey do.

Zefanaya 3:12

Pipol wey dey honbol and good, na dem go stay with una and dem go dey save for God present.

Proverbs 8:32

So, make yong pipol listin to mi naw kon do wetin I tok and dem go dey happy.

Proverbs 7:24

So naw, my pikin, make yu listin and hear wetin I dey tok.

Job 38:14

Na day lite make di hill and valley stand like klot wey dem fold and evritin klear like wetin dem rite for groun.

1 Kings 22:28

Mikaya ansa, “If yu kom back alive, den God nor tok thru mi!” E still sey, “Make all of una hear wetin I tok so o-o!”

Acts 7:2

Stefen ansa, “My brodas and fada, make una listin to wetin I won tok so. Na wen Abraham, awa grand-grand papa dey for Mesopotamia, before e go stay for Haran, naim God wey get pawa, appear to am

Judges 9:7

Wen Jotam hear wetin happen, e go stand on-top Mount Gerizim kon shaut tell di pipol wey dey groun sey, “Shekem leaders, make una hear mi, so dat God go hear una!

1 Samuel 2:8

E dey karry weak pipol komot from san-san and dey make poor pipol sidan with prince and princess kon put dem for where pipol go honor dem. Di foundashon wey di eart sidan put, na God get am; na on-top am E build di world.

Proverbs 13:7

Poor pipol dey bihave like sey dem get money, but doz wey get money dey pritend sey dem poor.

James 1:19

My brodas and sistas, make una undastand dis tins: Make una dey listin well-well and nor dey kwik tok or vex.