James 1:25 - Holy Bible Nigerian Pidgin English

²⁵ But di pesin wey dey look God pafet law wey dey free pipol; dey do wetin di word tok and e nor dey listin and forget, God go bless am for evritin wey e dey do.

James 1:25 Jak'a apnaqawi uñst'ayäwi

Luke 11:28

Den Jesus sey, “Pipol wey hear God word and do wetin e tok, na dem God don bless!”

John 13:17

Since una know wetin I dey tok, God go bless una, if una do dem.

1 Pita 2:16

Make una live as free pipol and nor use una freedom as eskuse to do bad tins, but make una use am well as God savant.

James 2:12

Make una tok and do like pipol wey dem go judge with di law wey go free pipol.

Galatians 5:1

Make una nor dey karry load for head like slave again, but make una stand strong for groun, bikos Christ don make us free.

1 Korintians 15:58

So my friends, make una dey strong and nor let anytin shake una. Make una always dey do God work, bikos una know sey, evritin wey una do for God, get gain.

1 Timoti 4:16

Make yu wosh as yu dey live yor life and di tins wey yu dey tish. Get patient, bikos if yu dey do like dis, yu go save yorsef and doz wey dey listin to yu.

2 Korintians 13:5

Make una test unasef to know weda una still dey inside di faith; e good make una shek unasef well-well! Una nor know sey Christ dey inside una? May bi una don fail di test!

Romans 11:22

Naw, una don si how God dey good and harsh. Even doh E dey vex for doz wey fall, E still dey kind to una. And E go always dey kind to una, as long as una dey do wetin E wont. If not, E go rijet una too.

Proverbs 14:15

Doz wey nor get sense dey bilive evritin wey pipol tell dem! But wise man dey wosh en step.

Romans 8:15

Di Spirit wey God give us nor go make us fear like slave, instead, wi bi God shidren and wi dey koll am, “Awa Papa!”

Galatians 2:4

Dem diskuss dis matter, bikos of di fake brodas with dia wayo wey dem take dey spy di freedom wey Christ give us, so dat dem go fit make us dia slave.

John 8:36

So wen Man Pikin free una, una don dey free bi dat.

Psalms 106:3

Joy dey for pipol wey dey do well and always dey do wetin dey rite.

Revelashon 14:13

Den I hear one vois from heaven dey sey, “Make yu rite dis tins: “God don bless pipol wey bilive and obey Christ before dem die!” Di Spirit sey, “Blessing go really follow dis pipol and dem go rest from dia hard work, bikos of di good wey dem do.”

1 Timoti 2:15

But God go save di woman wen e won born, so-far e kontinue to get faith, love, holiness and dey kontrol ensef.

Romans 7:12

But di law dey holy, rite and good.

Acts 26:22

But God don dey help mi till today, so I stand dey tell evribody, weda dem bi small pikin or big pesin. So, wetin di profets and Moses tok sey go happen, naim I dey tell una so,

Acts 13:43

Wen di meetin for di sinagog don finish, many Jew and Gentile pipol wey dey fear God kon follow Paul and Banabas, dey enkourage dem sey, make dem kontinue for di grace wey God give dem.

Hibru 12:15

Make una make sure sey nobody turn back from God grace and make nobody get bad belle and kause trobol wey go make pipol sin.

Acts 2:42

Dem kon dey use all dia time dey learn wetin di apostles dey tish. Dem dey waka, help, chop and pray togeda.

Isaya 8:20

Den make una remember God kommand and evritin wey di profets sey go happen. True-true, all di pipol wey dey si vishon, dey tok all dis tins, bikos dia mind dey dark.

Psalms 119:45

I go dey save, bikos na only yor kommand I dey follow.

Psalms 119:32

I go run follow yor kommands, bikos Yu dey make mi undastand life well-well.

1 Samuel 12:14

If una fear God kon serve and obey am and una nor go against wetin E tok and if una and di king wey dey rule una follow di Oga una God, den evritin go dey well with una.

Revelashon 22:14

God don bless doz wey wosh dia klot klean, so dem go get authority to chop from di tree wey dey give life and dem go fit pass di gate enter di town.

1 John 2:24

As for una, wetin una don hear from di biginnin, make una let am stay inside una. If wetin una hear from di biginnin stay inside una, una go stay inside di Pikin and en Papa.

Kolossians 1:23

If true-true una get faith and una leg strong for groun, den una go get hope kon whole di gospel wey una hear. Dem don prish dis gospel give evribody for di world and mi Paul don bi di gospel savant.

Romans 2:13

Bikos yu dey hear di law nor mean sey yu good for God eye, but na wen yu do wetin di law tok.

Romans 8:2

Since di Holy Spirit don give una life wey kom from Jesus Christ, e go free una from sin and deat.

Galatians 6:2

Make una help karry each oda load and if una do like dis, una dey obey Christ.