Hosea 7:5 - Holy Bible Nigerian Pidgin English

⁵ Wen di king dey do party, en and en ofisas dey drink well-well and dem go dey make plans with yeye pipol.

Hosea 7:5 Jak'a apnaqawi uñst'ayäwi

Isaya 28:1

Efraim pipol, una own don finish! Una glory dey fade like flower wey breeze blow trowey, bikos una leaders don drink well-well and even with all di perfume wey dem spray, dem still sleep for dirty, bikos di drink don katch dem well-well.

Efesians 5:18

Make una nor dey drink strong drink, bikos e go distroy una. But make una allow God Spirit fill una mind.

Mark 6:21

But one day wen Herod dey do en birtday, en ofisas, en sojas oga dem and di leaders for Galilee, dey der with am.

Matiu 14:6

So, for Herod birtday, Herodias dota dance well-well kon make Herod happy.

Daniel 5:23

Instead, yu dey against God wey get heaven and eart. Yu bring all di tins from di temple, den yu and yor men, plus yor wife and yor girl-friends kon use dem dey drink wine. Yu dey praiz di gods wey dem make with gold, silva, bronze, iron, wood and stone; gods wey nor even fit si, hear or undastand! But yu neva ever praiz God wey dey kontrol yor life and ways!

Proverbs 20:1

Too mush drink dey make pesin tok and bihave anyhow and pesin wey dey drink too mush, nor get sense.

Proverbs 13:20

Follow who get sense waka, so dat yu go get sense too; but if yu waka with foolish pipol, na trobol go follow yu.

Psalms 69:12

Doz wey dey sidan for di town gate dey tok about mi and pipol wey don drink, dey sing and laf mi with dia song.

Psalms 1:1

God go bless di pesin wey nor dey follow wiked pipol advise, dey waka with sinnas or sidan with aproko pipol!

1 Kings 13:4

Wen King Jeroboam hear dis tin, e point kon sey, “Make una hold dat man!” At wons, di king hand paralaiz and e nor fit strait am again.

Jenesis 40:20

So e happen sey for di third day, wey bi Fero birtday, e kon do party for all en savants and e sey make dem release both di man wey dey serve am wine and di one wey dey bake.

Isaya 28:14

So, all di sturbon and wiked rulers for Jerusalem, make una listin to wetin God dey tok.

Hosea 7:3

Di pipol dey deceive di king and en ofisas with all dia evil plans and di prince dem dey make di king happy with dia lie-lie words.