Hosea 4:1 - Holy Bible Nigerian Pidgin English

¹ Israel pipol, make una hear wetin God dey tok! God dey akuiz evribody for Israel sey: “For dis land, nobody love mi, dey faithful or si mi as en God.

Hosea 4:1 Jak'a apnaqawi uñst'ayäwi

Jeremaya 4:22

But God sey, “My pipol foolish well-well, dem nor know mi at-all. Dem bi shidren wey nor get sense and dem nor dey kwik undastand anytin. Na only bad-bad tins dem sabi do.”

Mikah 6:2

Naw, make di mountins listin to God! E get kase against en pipol. E go tok wetin Israel pipol do.

1 Korintians 15:34

Make una get sense and stop to dey kommit sin. I still dey sopraiz sey some pipol among una nor know God.

Romans 1:28

Since dem nor gri put God for mind and serve am, E kon leave dem make dem use dia bad mind dey do tins wey dem nor suppose do.

Hosea 12:2

Naw, God get wetin E go tok against Judah pipol. E go ponish Jakob shidren bikos of di way dem dey bihave. E go pay dem back for wetin dem don do.

Jeremaya 25:31

Di nois go loud rish evriwhere for di eart. Bikos God get wetin E one tok against di nashon. E go judge evribody kon kill wiked pipol. Mi, wey bi God, don tok.”

Jeremaya 5:4

So I kon sey, “Na only poor and foolish pipol dey bihave like dis. Dem dey bihave like fools, bikos dem nor know wetin God wont. Dem nor know wetin dia God wont make dem do.

Isaya 34:1

Pipol from evry nashon, make una kom! Make una gada kon listin. Make evribody for di world listin.

Isaya 1:18

Afta una don do like dat, den God go sey, “Make una kom make wi setol di matter naw. Even doh una don stain unasef with blood bikos of una sin, I go wosh una white like snow. Even doh una stain red well-well, una go kon dey white like wool.

Revelashon 2:29

Pesin wey get ear, make e hear wetin di Spirit dey tell di pipol for di church.’ ”

Revelashon 2:11

Pesin wey get ear, make e hear wetin di Spirit dey tell di pipol for di church. Anybody wey fit bear rish di end, di sekond deat nor go kill-am.’ ”

John 8:55

Una nor know am, but I know am and if I sey I nor know am, I dey lie like una. I know am and I dey follow wetin e dey tok.

Amos 7:16

So naw, make yu listin to wetin God tok. Yu sey make I stop to profesai and warn Israel pipol; make I nor prish against Isaak family, abi?

Hosea 5:1

“Una wey bi priest, make una listin! Israel pipol, make una listin well-well! Una wey kom from royal family, make una listin well-well too bikos I dey kom judge una. Una lead di pipol enter trap bikos all of una dey woship juju for Mizpa and for Mount Tabor.

Jeremaya 34:4

Zedekaya, make yu listin to wetin I dey tok about yu. Dem nor go kill yu for war and

Jeremaya 19:3

“God sey, ‘Judah king and Jerusalem pipol, make una listin to wetin mi, Israel God wey dey mighty, dey tok: I go bring wahala kom dis place and anybody wey hear about am, go fear!

Jeremaya 9:20

I still sey, “Naw, wimen! Make una listin and hear wetin God dey tok. Make una tish una dotas and friends how to kry and sing beri song.

Jeremaya 7:28

So tell dem sey: “Dis na nashon wey nor gri obey di Oga dia God or learn from dia wahala. Nobody for der dey good and di pipol nor dey even tok about good tins again.

Jeremaya 6:13

Bikos both rish and poor pipol dey make money with wayo. Even profets and priests join dem dey deceive pipol too.

Jeremaya 4:28

Bikos of dis, di eart go kry and di sky go black, bikos God don tok sey na so e go bi and E nor go shange en mind.”

Jeremaya 2:4

Naw, Jakob shidren-shidren and Israel family, make una listin to God word.

Isaya 66:5

Make una listin to wetin God tok, “Una own pipol hate and porshu una bikos una dey obey my name. Dem dey laf una sey ‘Oya! Make una honor God name na! Make belle sweet una na!’ ” But make una nor worry, bikos na dem go shame.

Isaya 34:8

God don plan di day wey E go revensh Edom pipol for all di bad tins wey dem do en pipol, Israel.

Isaya 28:14

So, all di sturbon and wiked rulers for Jerusalem, make una listin to wetin God dey tok.

Isaya 5:3

So, my love sey, “Jerusalem and Judah pipol, make una judge between mi and my vineyard.

Isaya 1:10

So Sodom leaders, make una listin to wetin God dey tell una. Gomorrah pipol, make una put ear for wetin God dey tish una.

1 Kings 22:19

Mikah still sey, “Naw, make yu listin to wetin God tok! I si God wey sidan for en throne for heaven with all en angels as dem stand near am.

Isaya 59:4

Una dey go kourt and dey lie for each oda head. Una dey put hope for lie, so dat una go win una kase. Una dey make plans to take hurt oda pipol.

Isaya 59:8

and nobody dey save around una. Evritin wey una dey do nor get betta judgement. Una dey follow di wrong road. And nobody wey dey pass dat road, dey save.

Jeremaya 9:3

God sey, “Dis pipol bi like sojas wey don ready dia bows. Dem always dey ready to lie, bikos of dis, dem don get pawa for di land, but na wayo dem take get am. Dem don do many bad tins and dem nor dey tink of mi wey bi dia God.

Jeremaya 51:5

Mi, God wey dey mighty, neva forget Israel and Judah pipol, even doh dem sin against mi wey bi di holy God for Israel.

Joel 1:2

Una wey bi leaders, make una listin! Evribody wey dey stay dis land, make una listin well-well. Anytin like dis don ever happen for una time or for una grand-grand papa dem time?

Psalms 81:9

Una must nor serve anoda god; una must nor bow before any oda god.

Jeremaya 2:9

“Bikos of dis, mi God go tell una wetin I get against una and una shidren-shidren.

Jeremaya 9:7

So God wey dey rule evritin kon sey, “Like iron, na so too I go melt and test my pipol for fire, bikos dem don do wiked tins well-well. Abi na how I won do dem pass?

Jeremaya 11:7

Bikos, since I take una grand-grand papa komot from Egypt, I warn dem by mysef sey make dem obey mi and naw, I still dey warn una.

Ezekiel 16:35

So, Jerusalem, make yu hear mi naw! Hear wetin God dey tok.

Hosea 5:4

“Dia wikedness nor allow dem turn kom meet mi wey bi dia God, bikos di juju wey dem dey serve, dey shark dem and dem nor won know mi at-all.

Hosea 12:3

Even for dia mama belle, Jakob struggol with en broda Esau and wen Jakob grow, e still struggol with God.

Amos 3:1

Israel and Judah pipol wey God take komot from Egypt, make una listin to wetin E tok against una.