Filippians 2:1 - Holy Bible Nigerian Pidgin English

¹ Gain dey to serve Christ? Konfort dey for en love? Fellowship dey between pipol and God Spirit? Una heart good rish to show pipol mesi?

Filippians 2:1 Jak'a apnaqawi uñst'ayäwi

Kolossians 3:12

So, as pipol wey God don choose, wey holy and wey E love well-well, make una kwik dey sorry for pipol; dey gentol; nor dey karry body up and wear patient like klot for body.

1 John 4:12

Nobody don ever si God before. If wi love each oda, God dey inside us and en love dey pafet inside us.

2 Korintians 13:14

Make di grace wey awa Oga God Jesus Christ give us and di love wey God get for us, plus di Holy Spirit fellowship, dey with una.

Kolossians 2:2

Wetin I wont bi sey, wen una don really undastand God sekret wey dey inside Jesus Christ, make una heart dey strong with love, so dat una go get evritin wey una wont.

1 Korintians 12:13

Some pipol among us na Jew and odas na Gentile. Some na slave and odas dey free. But God Spirit baptize us kon make us part for Jesus Christ body. Naw, all of us dey drink from dat same Spirit.

Psalms 133:1

Make una si as e dey good and wonderful wen God pipol dey stay togeda for peace!

Galatians 5:22

But di fruit wey di Holy Spirit dey bear inside us; na love, joy, peace, patient, kindness, goodness, faithfulnes,

Galatians 4:6

Since wi bi God shidren, E put en Holy Spirit inside us and naim make us dey fit koll am, “Abba! Fada!”

Acts 4:32

All di pipol wey bilive Jesus Christ kon dey do tins togeda with one mind and nobody sey e go use wetin e get for ensef alone, so dem kon dey share dia propaty togeda.

1 John 3:24

So anybody wey do all wetin God tok, dey inside am and God dey inside dat pesin too. Wi know sey E dey inside us, bikos di Spirit wey E give us, dey stay inside us.

John 17:13

Since I dey kom meet yu, I dey tok all dis tins for di world, so dat dia joy go full well-well.

1 John 4:16

Wi know and bilive sey, God love us and en love dey inside us.

Filippians 3:3

Na wi bi di really sekonsishon; di pipol wey dey woship God thru en Spirit; pipol wey dey happy inside Christ and wi nor dey put awa hope for wetin pipol dey do.

1 Korintians 3:16

Una nor know sey una bi God Temple and en Spirit dey inside una?

Romans 8:26

Na so too di Holy Spirit dey help us bikos wi dey weak. Bikos wi nor know wetin wi suppose to pray for, di Spirit by ensef dey kry beg God, for di way awa word nor go fit esplain.

Romans 5:5

Dis hope nor dey disappoint pesin at-all, bikos God pour en love like river wey dey flow inside awa heart, thru di Holy Spirit wey E give us.

Acts 2:46

Dem dey stay togeda evriday like one big family. Dem dey gada go di temple togeda and dem dey go from house to house, dey chop togeda with happiness.

1 Pita 1:2

make dem dey holy thru en Spirit. Make una dey obey Christ for evritin and en blood go klean una. Make grace and peace bi una own!

Hibru 6:18

God nor dey lie! So di promise wey E make and ensef wey E take swear, na two tins wey nor go shange. Since wi don run go meet God make E guide us, e good make awa mind strong, so dat wi nor go fear as wi bilive en promise.

Filippians 1:8

God know sey, bikos of Christ love wey dey my heart, I dey miss una well-well.

Efesians 4:4

Na one body and Spirit dey, bikos just as all of una get one hope from God wen E koll una,

2 Korintians 2:14

But make wi tank God wey make us winners inside Christ. Bikos thru us, many pipol don know tins about Christ, like betta perfume wey dey smell for evriwhere.

1 Korintians 15:31

kon dey face deat evriday? Na di pride wey I get for una, bikos of awa Oga God Jesus Christ, naim make mi dey tok all dis tins.

John 14:27

Make una mind rest, bikos na my peace I give una. My peace difren from di one wey di world dey give. Make una nor fear or allow anytin worry una mind.

John 14:18

I nor go leave una like pikin wey nor get papa and mama, bikos I go kom meet una again.

Luke 2:25

One man dey Jerusalem wey en name bi Simeon and di Holy Spirit dey inside am. Di man dey fear God and dey do wetin God like and e dey wait for di time wen God go free Israel.

Isaya 16:11

My heart dey kry for Moab and Kir-Hareset pipol.