Efesians 2:3 - Holy Bible Nigerian Pidgin English

³ All of us dey live dis kind life before. Wi dey do difren tins wey awa body and mind wont. Dat time, wi bi shidren wey God won ponish like oda sinnas.

Efesians 2:3 Jak'a apnaqawi uñst'ayäwi

Titus 3:3

Before naw, wi dey bihave like fool; wi nor dey obey; wi dey deceive pipol; wi bi savant to tins wey dey sweet us; wi dey do bad tins and dey jealous odas; pipol hate us and wi hate dem too.

1 Pita 1:14

Like shidren wey dey obey, make una stop di bad tins wey una dey do wen una neva know di trut.

Efesians 4:22

Koncerning di kind life wey una dey live before, wi sey make una trowey dat bad spirit wey dey make una do bad-bad tins

Romans 13:14

Instead, make una wear Jesus Christ like klot for body. Den wi nor go do di tins wey awa body wont.

Romans 6:12

Derfor, make una nor allow sin kontrol una body again, so dat una nor go dey do bad tins.

Psalms 51:5

Si, na for inside sin, dem born mi; Yes! Na rite from di time wey my mama get my belle.

1 John 2:16

bikos evritin wey dey inside di world (tins wey human being body wont; tins wey dey hongry pesin to get and to dey karry body up), nor kom from di Papa, but na dis world dem from kom.

Efesians 2:2

bikos una dey do wetin di world wont. Una dey obey wiked pawas wey dey rule di air and kontrol sturbon shidren.

John 8:44

Na devil bi una papa and na di tin wey una papa wont, naim una dey do. E dey kill pipol from di biginnin and e nor dey support wetin good, as e nor get any good tin inside am. Anytime e dey tok, na di lie wey dey inside am, na-im e dey tok, e bi lie-lie pesin, bikos naim bi lie-lie papa.

2 Korintians 7:1

So, as God don promise us all dis tins, make wi wosh awasef komot from evritin wey go fit make awa body or awa soul dirty, so dat wi go dey holy as wi dey respet God.

1 Korintians 4:7

Wetin make una tink sey, una betta pass anoda pesin? Nor bi God give una evritin? So wetin make una dey boast wen e bi sey evritin wey una get, na God give una?

Romans 7:18

I know sey wetin dey inside mi nor go let mi do good. Even wen I won do good, I nor dey fit.

Mark 4:19

but trobol for life, big eye for money and di way dem dey run follow oda tins, go kon block di word and e nor go bear anytin for dia life.

Jenesis 6:5

But di Oga God si as human being wikedness don strong for di eart. Evritin wey dem dey tink for dia mind, na how to do evil tins.

Romans 11:30

As for una wey bi Gentile pipol, una don disobey God before, but naw, God don sorry for una, bikos Jew pipol nor gri obey am.

Romans 9:22

But God won show sey E dey vex, so E kon use en pawa against doz wey E won ponish.

John 1:13

Dem go bi God shidren, nor bi as dia papa and mama take born dem from belle, or bikos somebody make dem so, but bikos God ensef make dem en own shidren.

Isaya 53:6

All of us bi like sheep wey don lost and wi dey waka go awa own way. But God gi-am di ponishment wey suppose bi awa own.

Job 25:4

Anybody fit dey klean before God? How yu wey woman born won take dey pure?

Job 14:4

No klean tin fit kom from wetin nor klean like human being.

Jenesis 8:21

Di ofrin smell kon make belle sweet God, so E tell ensef, “I nor go ever curse di eart again, bikos of wetin human being do; even doh I know sey since wen I kreate dem, na only bad tins dem dey tink. I nor go ever distroy evritin wey get life as I don do so.

2 Pita 2:18

Dem dey use dia big-big grammar wey nor mean anytin, take deceive pipol wey just dey won komot hand for bad tins.

2 Pita 2:14

Wetin dem like pass, na to sleep with who dem nor marry; dem nor dey taya to sin and dem dey draw doz wey dia faith nor strong, follow body. Dem don train dia mind to get long-trot and God don curse dem.

1 Timoti 6:9

Pipol wey won get money by force, dey fall enter temptashon and dem dey get troat for yeye tins wey go distroy and put dem for wahala.

Galatians 3:22

But God word kondemn evritin and evribody under sin, so dat wi; di pipol wey bilive, go get God promise thru Jesus Christ.

Romans 1:24

So God don leave wiked pipol make dem dey do di bad tins wey dia mind, wey bi sey man dey sleep with man and woman dey sleep with woman.

1 John 2:8

But dis new kommandment wey I dey rite give una so, naim bi di trut wey dey show inside Christ and inside una, bikos darkness don pass and di real lite don dey shine.

Acts 14:16

Before-before, E let difren tribes dey do as dem like,

Jenesis 5:3

Wen Adam don old rish hundred and thirty years, e kon get one pikin wey bi like am and en name na Seth.

Romans 2:14

Gentile pipol nor get di law, but dem dey use dia sense do wetin di law tok and dat one don turn law for dem, even doh dem nor know Moses Law.

Romans 5:9

Naw, wi dey rite bikos of Christ blood and na dis blood go save us from God vexnashon.

Romans 5:10

Wi bi God enemies before, but E don make us en friends thru en Pikin deat. Naw, since wi don bi God friends, E go save us thru di life wey en pikin get.

Kolossians 1:21

Before-before, bikos of di wiked tins wey una dey do and tink, una dey far from God and una bi en enemy.

1 Tesalonians 4:13

Awa brodas and sistas, wi wont make una know di trut about doz pipol wey don die, so dat una nor go dey sad like pipol wey nor get hope.

1 Tesalonians 5:6

so make wi nor dey sleep as odas dey do, but make wi shine awa eye well-well.