Daniel 2:22 - Holy Bible Nigerian Pidgin English

²² All di sekret tins wey dem hide, E dey bring am out; E know wetin dem hide for darkness and na lite E take kover ensef.

Daniel 2:22 Jak'a apnaqawi uñst'ayäwi

Job 12:22

E open all di sekret tins wey dem hide for darkness kon put lite for where deep pass.

1 John 1:5

Na di message wey wi hear from am, naim wi dey tell una so: Na God bi lite and darkness nor dey inside am at-all.

James 1:17

bikos evry betta and pafet gift dey kom from God. E dey kom down from di Papa wey kreate lite and E nor dey shange.

Hibru 4:13

Nor-tin wey God kreate fit hide from am and evritin dey naked to God, bikos wi go must tell am how wi live awa life.

Jeremaya 23:24

E nor get where pesin go hide put make I for nor si am. Yu nor know sey I dey evriwhere for di heavens and di eart?

Psalms 25:14

God na friend to doz wey dey fear am and E dey tish dem en kovenant.

1 Timoti 6:16

Dis God nor fit die and E dey stay for lite wey nobody fit waka near. Lite wey human being neva fit si. Make all honor and pawa bi en own forever and ever. Amen!

Daniel 5:11

E get one man for dis yor kingdom wey get di holy gods spirit inside am. Di time wey yor papa, Nebukadnezzar bi king, naim dey kommand all di wise men for Babilon.

Psalms 36:9

bikos na Yu bi di wota wey dey give life; di lite wey make us dey si.

Daniel 2:11

Wetin di king dey ask for, nor dey eazy. Nobody for dis world fit tok di king dream escept di gods, but gods nor dey stay with human being!”

Isaya 45:7

Na mi kreate both lite and darkness; di Pesin wey dey bring blessing and wahala and na mi wey bi God, dey do all dis tins.

Efesians 3:5

Di pipol wey dey before nor know dis sekret as God don show en holy apostles and profets wey dey naw, thru di Holy Spirit.

1 Korintians 4:5

So, make una nor judge anybody until Christ go kom back. E go espose evritin wey dey darkness and di tins wey dey inside pesin heart. Dat time, na God go praiz evribody akordin to wetin dem do.

John 21:17

Jesus ask am di third time, “Simon, John pikin, yu sure sey yu love mi so?” Pita kon dey vex, bikos e pain am well-well, as Jesus ask am di same kweshon three times, “Yu sure sey yu love mi so?” Den Pita sey, “Oga God, yu know evritin, yu know sey I really love yu.” So, Jesus tell am, “Make yu feed my sheep.

Isaya 41:22

Make una tell us wetin go happen, so dat wi go know before e happen. Make una tell us di tins wey una don tok before, so dat wi go shek dem kon si as dem go take happen. Abi una go tell us about wetin go happen for future?

Psalms 104:2

Yor dress dey shine like lite and Yu stresh di sky like curtain for heaven;

Job 26:6

Where dead body dey stay just dey open before God; nor-tin fit kover am from en eye.

John 8:12

Den Jesus sey, “Na mi bi di lite wey dey di world, anybody wey follow mi, nor go waka for darkness lie-lie, but e go get di lite wey go gi-am life.”

John 1:9

Na Jesus bi di true lite wey go shine for evribody for dis world.

Matiu 13:13

Naim make I dey tok with parabol sey: “ ‘Dis pipol get eye, but dem nor dey si, dem get ear, but dem nor dey hear or undastand.’

Daniel 5:14

I don hear about yu; how di holy gods spirit dey inside yu and yor knowledge, wisdom and undastandin.

Isaya 42:9

“True-true, di tins wey I bin tok, don happen naw. So, I go tell una new tins naw, even before dem go start to happen.”

Isaya 41:26

Make wi know who tok am before e happen, so dat wi go know sey di pesin dey rite? True-true, nobody among una tok am! True-true nobody among una sey na so e go bi! True-true, nobody even hear wen una dey tok!

Jenesis 41:16

Josef kon ansa Fero, “I nor get dat kind pawa, but God go tok thru mi, so dat yu awa king go dey okay.”

Daniel 2:19

For nite, God show and tell Daniel evritin thru dream. Den Daniel praiz God wey dey heaven

Daniel 2:47

Di king sey, “Na yor God big pass among all gods! Na-im bi God of all kings and E dey show pipol wetin dey sekret and na-im make yu fit tok all dis tins so!”

Deutronomi 29:28

So God don vex remove dem from dia land kon karry dem go anoda land and evribody dey si as e bi today.’ ”

Ekklesiastes 8:1

Na who wise and get sense? Na Who know di ansa to dis problem? Wisdom dey make pesin smile and remove vexnashon from en face.

Jeremaya 33:3

“Koll mi wen yu dey pray and I go ansa yu; I go tell yu great and wonderful tins wey yu nor know about.