Acts 1:8 - Holy Bible Nigerian Pidgin English

⁸ but una go get pawa wen di Holy Spirit don enter una life and una go tell pipol about mi for Jerusalem, for evriwhere for Judea and Samaria go rish all di far place wey dey dis world.”

Acts 1:8 Jak'a apnaqawi uñst'ayäwi

Matiu 28:19

So make una go make pipol my disciples for di whole world, dey baptize dem with di Papa, di Pikin and di Holy Spirit name,

Mark 16:15

Jesus kommand dem sey, “Make una enter evriwhere for di world go prish di gospel give evribody.

Romans 15:19

Yes! I go tok how Christ take do many mirakles and wonders thru di Holy Spirit pawa. I don prish di Good News from Jerusalem go rish Illyricum.

Acts 5:32

All of us know sey dis tin na true and di Holy Spirit wey God don give to pipol wey dey obey am, dey still bear witness sey, dis tin na true.”

Acts 4:33

With God pawa, di apostles kon dey bear witness sey Jesus Christ wake-up from deat and God favor kon dey show for dia life well-well.

Acts 6:8

God bless Stefen well-well kon gi-am pawa to take do many wonders and mirakles among di pipol.

Romans 10:18

But make I ask, dem neva hear di message before? Yes! Dem don hear am, bikos God word sey, “Dem prish di message and dia vois rish evriwhere for di world.”

John 15:27

And unasef go tok about mi, bikos una dey with mi from di biginnin.”

Luke 10:19

Make una listin, I don give una pawa to waka on-top snake and skorpion and to ovakom all di enemy pawa, so nor-tin go fit wound una.

Acts 1:5

John dey baptize with wota, but e nor go tey wen God go baptize una with en Holy Spirit (wey go kontrol una life forever).”

Matiu 24:14

Before di world go end, my pipol go prish about God Kingdom go rish evriwhere.”

Acts 2:32

God don raiz dis Jesus Christ up and evribody si am.

Zekaraya 4:6

Den e tell mi, “Dis na wetin Oga God dey tell Zerubabel: ‘Nor bi with force or human being bin pawa, but na with my Spirit.’

Acts 22:15

bikos yu go bi witness to all di pipol, about wetin yu don si and hear.

Mikah 3:8

But na God pawa and spirit dey my body. E give mi sense to judge well with strent to take tell Israel pipol about dia sin.

Psalms 22:27

Di whole eart go know God kon run go meet am. Evribody for di world go bow woship am.

Acts 13:31

and for many days, e appear to di pipol wey dey follow am from Galilee go rish Jerusalem. Na dis pipol kon dey bear witness sey, dis tins na true.

Luke 1:35

Di angel ansa am, “Di Holy Spirit pawa go kover yu. So di pikin wey yu go born, go dey holy and dem go koll am God Pikin.

Acts 3:15

Una kill di pesin wey dey give pipol life, but God raiz am from deat and wi bear witness sey dis na true.

Isaya 52:10

God go use en holy pawa take save en pipol and di whole world go si am.

Kolossians 1:23

If true-true una get faith and una leg strong for groun, den una go get hope kon whole di gospel wey una hear. Dem don prish dis gospel give evribody for di world and mi Paul don bi di gospel savant.

Acts 1:22

from wen dem baptize am, until e go up leave us; make e kon join us tell pipol di trut sey, Jesus Christ don raiz-up from grave.”

Isaya 66:19

and dem go know sey na mi ponish dem. “But I go send some of dem go far nashon wey neva hear how I dey great rish or si di great tins wey I dey do. Na with my pawa, I go take send dem go Spain, Libya and Lydia with dia strong men. I go send dem go Tubal and Greece and na dem go tell doz nashons how I great rish.

Isaya 49:6

God tell mi, “My savant, I get big work for yu; yu nor go only make Israel pipol wey survive, great again, but I go still make yu di lite for di nashons, so dat all di world go dey save.”

Acts 8:1

Saul happy wen dem dey kill Stefen. Na from dat day trobol start for di church wey dey Jerusalem and all di bilivers kon skata go Judea and Samaria, but na only di apostles nor run.

Isaya 42:10

Make una sing new song to God! Make evribody for di world sing praiz God. Una wey dey drive on-top di sea and evry oda tins wey E kreate for inside, make una sing praiz am. All di far land and doz wey dey der, make una praiz am.

Psalms 98:3

E don remember en promise to love and kare for Israel pipol and di whole eart don si God viktory.

Luke 24:29

but dem tell am, “Make yu stay with us, bikos evening don nearly rish and day go soon dark.” So Jesus enter di village kon follow dem stay.

Jeremaya 16:19

Den I sey, “My God! Na Yu dey protet and give mi pawa. Yu dey help mi anytime I dey for trobol. Nashons go kom from evriwhere for di eart kon sey, ‘Di gods wey awa grand-grand papa dem get, na only to lie dem know and dem nor fit save anybody.’