2 Samuel 7:12 - Holy Bible Nigerian Pidgin English

¹² Wen yu die and yu don go join yor grand-grand papa, I go make one among yor shidren king and I go make en kingdom strong.

2 Samuel 7:12 Jak'a apnaqawi uñst'ayäwi

Acts 2:30

Wi know sey en na profet, bikos God don promise am sey, naim pikin dem go always bi king for Israel.

1 Kings 8:20

And naw, God don keep en promise. I don bi king for Israel afta my papa and I don build di temple where dem go for dey woship di Oga wey bi Israel pipol God.

1 Kings 2:1

Wen David won die, e koll en pikin Solomon kon advise am sey:

Acts 13:36

Bikos David, afta e don do wetin God send am kon do among en pipol, e kon die and dem beri am with en grand-grand papa dem and e rotin,

1 Kronikles 17:11

Wen time don rish for yu to die, I go make one among yor pikin, king kon make en kingdom strong.

Deutronomi 31:16

Den God tell Moses, “Yu go soon die, den di pipol go kon dey sin with strenj gods for di land where dem dey go. Dem go rijet mi kon break my kovenant wey I make with dem.

1 Tesalonians 4:14

Since wi bilive sey Jesus die and e wake-up; na so too wi bilive sey, doz wey bi Christian before dem die, God go raiz dem up.

1 Korintians 15:51

I won tell una one big sekret: Nor bi all of us go die, but all of us go shange.

Isaya 11:10

Di day dey kom wen di new king from David family go bi sign to all di nashons. Pipol go gada for en royal town; gi-am respet kon ask make e guide dem.

Isaya 9:7

En royal pawa go kontinue to grow. En kingdom go get peace forever. E go rule well like King David kon do betta tins with en pawa; e nor go opress pipol and E go rule from naw go rish wen di world go end. God Almighty go do all dis tins.

1 Kings 1:21

If yu nor tok, as yu just die, dem go trit mi and my pikin Solomon, like bad pipol.”

Daniel 12:2

Many pipol wey don die go raiz; doz wey dey holy go get life wey nor dey end, while odas go sofa forever.

Psalms 89:29

I go gi-am one son wey go take-ova from am and just as di days for heaven nor dey end, na so too en kingdom nor go ever end.

Jenesis 15:4

But God sey: “Yor savant nor go inherit yor propaty, but na yor own pikin wey go kom from yor blood.”

Matiu 1:1

Jesus Christ wey dem born for David and Abraham family, naim story bi dis.

Luke 1:32

E go big well-well and dem go koll am God wey dey for heaven pikin and God go gi-am en papa David throne.

Luke 24:27

Den e kon use wetin Moses and all di profets rite take tell dem wetin God tok about am for en word.

1 Kings 1:48

kon pray sey, ‘Make wi praiz di Oga wey bi Israel pipol God, wey don make one of my pikin take my place as king and E make mi dey alive to si am!’ ”

1 Kings 2:4

If yu obey dem, God go keep en promise wey E make wen E tell mi sey, ‘My shidren-shidren go rule Israel as long as dem dey obey my kommand with all dia heart and soul.’

1 Kings 5:5

God promise David my papa, ‘Yor pikin wey I go make king afta yu, go build temple for mi.’ And I don choose to build di temple where dem go for woship di Oga wey bi my God.

1 Kings 8:15

E sey, “Di Oga wey bi Israel pipol God, make all di praiz bi en own! E don do wetin E promise David my papa, wen E tell am sey,

1 Kings 8:19

but yu nor go ever build am. Na yor own pikin go build my temple.’

1 Kings 9:5

I go do wetin I promise David yor papa, sey na en shidren-shidren go rule Israel forever.

2 Kings 8:19

but God nor won distroy Judah. E keep Judah, bikos of di promise wey E don make with David en savant.

2 Kronikles 1:9

Naw, my Oga God, make yor promise wey Yu make with my papa David, happen, bikos Yu don make mi king ova dis great nashon wey plenty like san-san.

2 Kronikles 13:5

Una nor know sey di oga wey bi Israel God get agriment with David family sey, dem go rule Israel forever?

2 Kronikles 21:7

But God nor won distroy David kingdom, bikos E promise am sey en kingdom go dey forever.

2 Kronikles 23:3

All di pipol wey gada, kon make kovenant with di king for God Temple. Priest Jehoiada tell dem, “Di king pikin go rule as God promise dia family.

2 Samuel 22:51

God dey give en king great viktory. E dey always show love to di pesin wey E choose and na mi, David with my shidren-shidren go rule forever.”

1 Kings 2:10

David die and dem beri am for David Town.

2 Kronikles 6:9

But, yu nor go build am; instead na yor own pikin go build temple take honor mi.’

2 Kronikles 6:15

Yu don do wetin Yu tell yor savant, my papa David sey Yu go do; today-today Yu don do as Yu promise.

Jeremaya 33:17

Mi wey bi God, promise sey na only David shidren-shidren go always bi king for Israel