2 Samuel 6:5 - Holy Bible Nigerian Pidgin English

⁵ David and Israel pipol sing and dance well-well to take honor God. Dem dey play harp, jita, drums, sheke-sheke and cymbals.

2 Samuel 6:5 Jak'a apnaqawi uñst'ayäwi

1 Kronikles 13:8

David with all di pipol kon dey dance with dia heart to honor God. Dem sing dey play instrument, harp, drums, cymbals and trumpets.

Amos 5:23

Make una stop to make nois sey una dey sing; I nor won listin to una harp wey una dey play.

Amos 6:5

Una dey sing difren songs and dey play harp, just as David bin dey do.

Daniel 3:15

So naw, if una don ready, wons una hear di trumpet, di horn, lyre, jita, harp and all di oda instrument sound, make una bow woship di image. If una nor gri, na wons I go trow una enter di fire. Abi una tink sey any god dey wey go save una?”

Daniel 3:10

Yu orda sey, wons wi hear di music dey play, evribody must bow kon woship di gold image

Daniel 3:7

So, as dem hear music and all di oda instrument sound, di pipol kon bow woship di gold image wey Nebukadnezzar make.

Daniel 3:5

Wen una hear trumpet sound wen dem dey play di horn, lyre, jita, zita, harp with di oda instrument and di song, evribody must bow kon woship di image wey di king use gold make.

Psalms 47:5

God dey waka go en throne and pipol dey shaut and blow trumpet as E dey go.

2 Kings 3:15

But naw, make una bring one pesin wey sabi sing kom.” Wen di pesin dey sing, God spirit kon enter Elisha

1 Samuel 16:16

Make awa oga tell wi yor savant make wi look for anybody wey sabi play jita. Den wen ever di wiked spirit kom from God kon enter yu, e go play di jita and yu go kon dey okay.”

1 Samuel 10:5

“Den yu go-go God hill for Gibeah where Filistia pipol ofisas dey. Wen yu enter di town, yu go meet some profets wey dey kom down from di altar for di hill. Dem go karry harps, sheke-sheke, wiso and lyres and dem go dey tok about wetin go happen.

1 Kronikles 15:28

So evribody for Israel follow di Kovenant Box go rish Jerusalem dey happy, dey play trumpets, horns and cymbals kon dey sing and dance.

2 Kronikles 20:28

Dem enter Jerusalem with trumpet and oda tins wey dem take dey sing kon dey happy and dance go God Temple.