1 Samuel 8:6 - Holy Bible Nigerian Pidgin English

⁶ But Samuel nor like wetin dem ask for, bikos dem sey, “Give us king wey go lead us.” So Samuel kon pray to God.

1 Samuel 8:6 Jak'a apnaqawi uñst'ayäwi

1 Samuel 15:11

“I dey regret sey I make Saul king, bikos e don turn from mi and e nor do wetin I sey make e do.” Samuel kon vex well-well and e pray to God till day break.

James 1:5

But if anybody nid wisdom, make e ask God wey dey gi-am to evribody. E nor go sey, “No,” but E go give yu.

1 Samuel 12:17

Abi nor bi di time to harvest grain bi dis? I go koll God, so dat E go send betta tonda and rain kom. Make una open una eye kon si how una don sin rish, wen una ask God for king wey go lead una.”

Psalms 109:4

I love dem, but dem dey try to distroy mi. Even doh I dey pray for dem, yet dem still dey lie for my head!

Nombas 16:46

Den Moses tell Aaron, “Make yu take di kontaina with incense kon put fire inside am from di altar. Den kwik go di kommunity side go do sakrifice to make dem holy, bikos God go send one bad diziz kon meet dem, since E dey vex for dem.”

Nombas 16:22

Den dem fall face groun kon sey, “My God, di God of all pipol spirit, Yu go vex for di whole kommunity wen e bi sey na only one pesin sin?”

Nombas 16:15

Moses vex well-well kon tell God, “Make Yu nor asept dia ofrin. I nor tif dia animal or do any bad tin against dem.”

Exodus 32:32

God, make Yu forgive dem, but if Yu nor go forgive dem, den make Yu remove my name from di book wey Yu rite.”

Exodus 32:21

Moses kon tell Aaron, “Wetin dis pipol do yu wey make yu kause dis great sin for dem?”

Filippians 4:6

Make una nor let anytin worry una for mind. Instead, for evry kondishon wey una dey face, make una ask God thru prayer for evritin wey una nid and make una always dey tank am, as una dey pray.

1 Samuel 7:5

Den Samuel sey, “Make una gada evribody for Israel kom Mizpa and I go pray to God for una.”

1 Samuel 10:19

But today, una don rijet di God wey save una from all una trobols and wahala. Una don sey, “No! Choose king wey go rule us.” Naw make una stand for God present akordin to una tribe and family.’ ”

1 Samuel 12:12

“Wen una si sey King Nahash for Ammon dey kom fight una, una sey, ‘No! Wi wont king’, even doh na di Oga una God bi una king!

Hosea 13:10

Una dey ask for king and leaders; how dem won take save una naw?

1 Samuel 12:19

Dem kon tell Samuel, “Make yu help us pray to God, so dat all of us nor go die, bikos wi don add join awa sins, wen wi ask for king.”

1 Samuel 12:23

As for mi, God forbid sey I nor go dey pray for una again, bikos dat na sin. I go tell una di tin wey dey good and wey dey make belle sweet God.