1 Samuel 6:6 - Holy Bible Nigerian Pidgin English

⁶ Wetin make una dey sturbon like Egypt pipol and dia king? Wen God ponish dem, dem nor sey make Israel pipol dey go?

1 Samuel 6:6 Jak'a apnaqawi uñst'ayäwi

Exodus 14:17

But I go make Egypt sojas heart strong, so dat dem go porshu una and pipol go honor mi, bikos of wetin I go do to Fero, en shariot and doz wey dey ride dem.

Exodus 8:15

But wen Fero si sey di wahala don end, en heart kon strong more and e nor gri listin to dem, just as Oga God tok.

Exodus 7:13

With all dis ones, Fero heart still strong well-well and e nor gri listin to dem, just as God tok.

Exodus 9:34

Wen Fero si sey di rain, ice-blok and di tonda don stop, e kon still sin again: both en and en savants kon get strong heart.

Hibru 3:13

But make una dey enkourage one anoda evriday, so dat non of una go get bad mind, bikos of sin.

Romans 2:5

But una sturbones and strong heart nor let una turn from sin kom meet God, so una dey make una ponishment many more-more, for di Day wen God go judge di world, bikos en na judge wey nor dey support bad tins.

Psalms 95:8

God sey, “Make una nor sturbon as Israel pipol do wen dem dey Meribah and Massah wey dey di wildaness.

Job 9:4

God too get sense and en pawa dey mighty; nobody fit stand against am.

Exodus 14:23

All Fero shariot and doz wey dey ride dem kon porshu Israel pipol enter di Red Sea for dry land.

Exodus 10:3

So Moses and Aaron go meet Fero kon tell am, “God wey bi Hibru pipol God sey: ‘Na how long e go take yu before yu go honbol yorsef for where I dey? Make yu let my pipol go woship mi!

Exodus 9:16

Dis na di rizin why I neva kill yu. I just won show yu my pawa, so dat pipol go praiz my name for evriwhere for di eart.

Exodus 8:32

But Fero heart still dey strong and sturbon as before and e nor gri free di pipol.

Exodus 4:21

God tell Moses, “Wen yu go back to Egypt, yu must do all dis mirakle and sign for Fero front, bikos I don put pawa for yor hand. But I go make Fero heart strong well-well and e nor go gri free my pipol.

Exodus 7:14

God tell Moses, “Fero heart dey strong and sturbon and e nor go gri allow di pipol go.