1 Samuel 3:17 - Holy Bible Nigerian Pidgin English

¹⁷ Eli ask am, “Na wetin God tell yu? Nor hide am from mi, if not God go ponish yu well-well!”

1 Samuel 3:17 Jak'a apnaqawi uñst'ayäwi

2 Samuel 3:35

For morning go rish evening for dat day, di pipol try taya make David for chop sometin, but David don promise sey, “Make God ponish mi, if I chop anytin today!”

Rut 1:17

Where yu for die, I go die for der too and na der dem go beri mi put. Make God ponish mi well-well if I nor do wetin I promise! Na only deat go fit separate mi from yu!”

Matiu 26:63

But Jesus kwayet. Den di High Priest kon tell am, “I take God name kommand yu to tell us if yu bi Christ, wey bi God Pikin.”

Mikah 2:7

Israel pipol suppose tok like dis? God Spirit go get patient with dis kind karata? But if una go gri do wetin dey korrect, my word go konfort una.

Daniel 4:19

Den Daniel (wey en name na Belteshazzar) kon dey worry sotey e nor fit tok anytin. Di king kon tell am, “Belteshazzar, make yu nor let dis dream and en meaning worry yor mind.” Daniel ansa, “My king, e for betta sey dis dream na for yor enemy and wetin e mean, na for di pipol wey dey trobol yu!

Psalms 141:5

Make pipol wey dey fear God beat and korrect mi with love! Make my head nor rijet good oil! True-true, even with all dia wiked plans, my prayers dey make dem fear.

1 Kings 22:16

But King Ahab ansa, “How many times I go tell yu sey, if yu dey tok to mi with God name, make yu dey tell mi di trut?”

2 Samuel 19:13

David still tell dem make dem tell Amasa, “Una bi my own relashon, from today go, I dey put yu for Joab place make yu rule my sojas. Make God ponish mi if I nor do wetin I tok!”

1 Samuel 20:13

But if really sey my papa get mind to kill yu, make God do all dis tin and many more to Jonatan if I nor kon tell yu, so dat yu go run go hide. Make God dey with yu, as E bin dey with my papa.

1 Samuel 3:16

Eli koll Samuel kon sey, “Samuel my pikin!” Samuel ansa, “Si mi here.”

1 Samuel 25:22

Make God ponish mi if by tumoro one of en family still dey alive!”

Jeremaya 38:14

One day, King Zedekaya sey make dem bring mi kom meet am for di third gate wey dem dey pass enter di temple, den e sey, “I won ask yu kweshon and I wont make yu tell mi di whole trut.”

Jeremaya 42:4

So, I ansa, “No wahala! I go pray to di Oga awa God just as una tok, den I go tell una anytin wey E tok! I nor go hide anytin from una!”

Nombas 23:17

Wen Balaam kom back, e si sey Balak still stand near di burnt ofrin, with di prince dem for Moab. So Balak ask, “Na wetin God tok?”

1 Samuel 14:44

Saul kon sey, “Make God ponish mi well-well, if I nor kill Jonatan!”

2 Samuel 3:9

Make God ponish mi Abner, If I nor help David get wetin Oga God don promise am.

2 Samuel 14:18

Di king ansa, “I won ask yu one kweshon and yu must tell mi di whole trut.” Di woman ansa, “My king, make yu ask.”

2 Kings 6:31

Den di king sey, “Make God ponish mi if I nor kut Shafat pikin, Elisha head komot before today go end!”