1 Samuel 11:11 - Holy Bible Nigerian Pidgin English

¹¹ Di next day, Saul kon divide di pipol into three group. Dem go Ammon pipol kamp for morning kon kill all of dem until aftanoon. And di pipol wey remain, run skata go difren place.

1 Samuel 11:11 Jak'a apnaqawi uñst'ayäwi

Judges 7:16

E divide en three hundred men into three groups kon give each pesin trumpet and cup wey tosh dey inside.

James 2:13

Judgement nor get mesi for anybody wey nor dey mesi for odas, bikos mesi betta pass judgement.

Matiu 7:2

Bikos as una dey judge, na so God go take judge una. And as una dey do to oda pipol, na so dem go do una too.

Psalms 46:1

Na God bi di strong place wey wi dey hide put and na-im dey help us wen wi dey trobol.

1 Samuel 11:2

But Nahash pipol wey bi Ammon pipol kon ansa, “Di only way wey wi fit make peace with una, na if una agri make wi blind evribody rite eye and dis go bi disgrace for Israel pipol!”

Judges 9:43

e take en men, divide dem into three group kon hide for di bush around di field. Wen e si di pipol dey kom out from di town, en and en men kom out kon attack dem.

Judges 4:16

But Barak porshu di war horse and Sisera men go Haroshet-Haggoyim kon kill all of dem for der.

Judges 1:7

So Adoni-Bezek sey, “I don kut seventy kings hand and leg komot wons and I make dem chop food from under my tabol. But naw, God don pay mi back for wetin I do to dem.” So, dem karry am go Jerusalem and e die for der.

Exodus 14:24

As day won break, God look Egypt sojas thru di fire and di kloud kon make dem konfuse.

Jenesis 22:14

So Abraham koll di place, “Jehovah-Jireh, wey mean (God dey provide).” And till today dem dey sey, “For God mountin, E go provide evritin.”

Judges 7:20

den di oda group, do di same tin too. All of dem hold dia tosh for dia left hand, while di trumpet dey dia rite hand and dem kon shaut, “One swod for God and for Gideon!”

2 Samuel 18:2

E divide dem into three groups kon send dem out. Na Joab, Abishai wey bi Joab broda and Ittai wey kom from Gat, dey kommand each group. Di king tell en men, “I go follow una go.”

1 Samuel 14:47

Afta Saul don bikom Israel king, e fight all dia enemies wey dey round dem wey bi: Moab, Ammon and Edom pipol, Zobah king and Filistia pipol. Anywhere e for go fight, God dey make am win.