1 Samuel 1:10 - Holy Bible Nigerian Pidgin English

¹⁰ Hannah nor dey happy as e dey pray give God, so e kon dey kry.

1 Samuel 1:10 Jak'a apnaqawi uñst'ayäwi

Job 7:11

“No! I nor go fit klose my mout; I dey vex for my spirit, so I must tok. I must tok as e dey pain mi for my mind.

Luke 22:44

Bikos Jesus dey struggol well-well for mind, e pray sotey en sweat kon bi like blood.

Job 10:1

“Life don taya mi; so make Yu hear as I dey tok how my heart betta rish.

Psalms 91:15

Wen dem koll mi, I go ansa dem; I go dey with dem wen dem dey trobol. I go save and make pipol honor dem.

Hibru 5:7

Wen Jesus still dey dis eart, e pray and kry to God wey go save am from deat. God hear en prayers, bikos e obey God for evritin.

Isaya 54:6

Israel pipol, una bi like yong wife wey sorrow full en heart, bikos en husband leave am.” But God dey koll una kom meet am sey,

Judges 21:2

So dem go Bethel, sidan for God present till evening kon dey kry well-well.

Lamentashons 3:15

Na bitterness and sofa bi di food and drink wey God dey give mi.

Jeremaya 22:10

“Judah pipol, make una nor kry and mourn for di king wey dem kill. But make una kry well-well for di one wey dem go karry go Babilon, bikos e nor go kom back to di land where dem for born am again.”

Isaya 38:15

But wetin I go tok? God don do as E kommand. All my life, I go dey waka small-small bikos fear dey katch mi.

Psalms 50:15

Afta, make una koll mi wen una dey trobol and I go kom save una, den una go give mi all di glory.”

Job 9:18

E nor let mi breath well; E don kover my life with bitterness.

2 Kings 20:3

“My Oga God, make Yu remember sey I don serve Yu with all my mind and I dey always try to do evritin wey Yu wont make I do.” Den e start to kry well-well.

Rut 1:20

Naomi ansa, “Make una nor koll mi, ‘Naomi’, but make una koll mi ‘Mara’, bikos God wey get pawa don ponish mi well-well.

Jeremaya 13:17

But as una nor gri listin, I dey kry for sekret, bikos of una pride; I go kry well-well till I nor fit kry again, bikos dem don karry God pipol go as slave.”

2 Samuel 13:36

As e just tok finish, David shidren kon enter inside. Dem bigin kry and David with all en ofisas kry well-well too.

Jenesis 50:10

Wen dem rish Atad aria for di oda side for Jordan River, dem mourn and kry for der well-well. Na for der Josef for mourn seven days for en papa.

2 Samuel 17:8

Yu know sey, David yor papa and en men strong well-well for fight, like bear for bush wey dey find en pikin. Yor papa na soja wey get sense and e nor dey stay with en men for nite.

1 Samuel 1:9

So one day wen dem go Shiloh, afta dem don chop and drink finish, Hannah stand up kon go pray. (Dat time Eli wey bi priest sidan for en chair wey dey God Temple door-mot.)

1 Samuel 1:11

So e kon promise God sey, “My papa, if Yu go sorry and remember mi, yor savant, den give mi one boy pikin, I go dedikate am give Yu as long as e dey for dis life and dem nor go ever kut en hair.”

Proverbs 14:10

As yu dey happy wen good tin happen to yu, na so too e go bi wen pain kom. Nobody go fit share dem with yu.

Jenesis 30:1

Wen Rashel si sey e nor fit born shidren for en husband, e kon dey jealous Leah, en sista. Den e tell Jakob, “Make yu give mi shidren or I go die!”