ໂຣມ 4:14 - ພຣະຄຳພີລາວສະບັບສະໄໝໃໝ່

¹⁴ ເພາະ​ຖ້າ​ບັນດາ​ຜູ້​ທີ່​ຢຶດຖື​ກົດບັນຍັດ​ໄດ້​ເປັນ​ຜູ້​ຮັບ​ມໍລະດົກ ຄວາມເຊື່ອ​ກໍ​ເສຍປະໂຫຍດ ແລະ ຄຳ​ສັນຍາ​ຂອງ​ພຣະເຈົ້າ​ກໍ​ບໍ່​ມີ​ຄຸນຄ່າ​ເລີຍ,

ພຣະຄຳພີສັກສິ

¹⁴ ຖ້າ​ວ່າ​ຄົນ​ທີ່​ຖື​ຕາມ​ກົດບັນຍັດ​ນັ້ນ ຈະ​ເປັນ​ເຈົ້າ​ຂອງ​ມໍຣະດົກ ແລ້ວ​ຄວາມເຊື່ອ​ກໍ​ບໍ່ມີ​ປະໂຫຍດ​ຫຍັງ​ໝົດ ແລະ​ພຣະສັນຍາ​ກໍ​ບໍ່ມີ​ຄຸນຄ່າ​ເລີຍ.

ໂຣມ 4:14 Jak'a apnaqawi uñst'ayäwi

ໂຣມ 3:31

ຖ້າ​ຢ່າງ​ນັ້ນ ພວກເຮົາ​ລຶບລ້າງ​ກົດບັນຍັດ​ດ້ວຍ​ຄວາມເຊື່ອ​ບໍ? ບໍ່​ແມ່ນ​ຢ່າງນັ້ນ​ດອກ! ພວກເຮົາ​ເປັນ​ຜູ້​ສະໜັບສະໜູນ​ກົດບັນຍັດ.

ໂຣມ 4:16

ເຫດສະນັ້ນ ຄຳ​ສັນຍາ​ຈຶ່ງ​ມາ​ທາງ​ຄວາມເຊື່ອ, ເພື່ອ​ວ່າ​ສິ່ງ​ທີ່​ສັນຍາ​ຈະ​ໄດ້​ເປັນ​ໂດຍ​ພຣະຄຸນ ແລະ ເປັນ​ທີ່​ວາງໃຈ​ແກ່​ເຊື້ອສາຍ​ຂອງ​ອັບຣາຮາມ​ທຸກຄົນ, ບໍ່​ແມ່ນ​ແຕ່​ຜູ້​ທີ່​ຖື​ກົດບັນຍັດ​ເທົ່ານັ້ນ ແຕ່​ແມ່ນ​ຜູ້​ທີ່​ມີ​ຄວາມເຊື່ອ​ຢ່າງດຽວ​ກັນ​ກັບ​ອັບຣາຮາມ​ດ້ວຍ. ເພິ່ນ​ເປັນ​ບິດາ​ຂອງ​ພວກເຮົາ​ທັງໝົດ.

1 ໂກຣິນໂທ 1:13

ພຣະຄຣິດເຈົ້າ​ຖືກ​ແບ່ງ​ແຍກ​ແລ້ວ​ບໍ? ໂປໂລ​ຖືກ​ຄຶງ​ເທິງ​ໄມ້ກາງແຂນ​ເພື່ອ​ພວກເຈົ້າ​ບໍ? ພວກເຈົ້າ​ໄດ້ຮັບ​ບັບຕິສະມາ​ເຂົ້າ​ໃນ​ນາມ​ຂອງ ໂປໂລ ຊັ້ນ​ບໍ?

ຄາລາເຕຍ 2:21

ເຮົາ​ບໍ່​ໄດ້​ປະຖິ້ມ​ພຣະຄຸນ​ຂອງ​ພຣະເຈົ້າ ເພາະ​ຖ້າ​ຄວາມຊອບທຳ​ສາມາດ​ໄດ້​ມາ​ໂດຍ​ທາງ​ກົດບັນຍັດ ພຣະຄຣິດເຈົ້າ​ກໍ​ຕາຍ​ໂດຍ​ບໍ່​ມີ​ປະໂຫຍດ!”

ຄາລາເຕຍ 5:4

ພວກເຈົ້າ​ຜູ້​ທີ່​ພະຍາຍາມ​ເປັນ​ຜູ້ຊອບທຳ​ໂດຍ​ກົດບັນຍັດ ຜູ້​ນັ້ນ​ກໍ​ໄດ້​ຕັດຂາດ​ຈາກ​ພຣະຄຣິດເຈົ້າ; ພວກເຈົ້າ​ໄດ້​ຕົກ​ຈາກ​ພຣະຄຸນ​ເສຍ​ແລ້ວ.

ຟີລິບປອຍ 3:9

ແລະ ໄດ້​ຢູ່​ໃນ​ພຣະອົງ, ໂຕ​ເຮົາ​ເອງ​ບໍ່​ມີ​ຄວາມຊອບທຳ​ທີ່​ໄດ້​ມາ​ໂດຍ​ກົດບັນຍັດ, ແຕ່​ຄວາມຊອບທຳ​ທີ່​ໄດ້​ມາ​ໂດຍ​ຄວາມເຊື່ອ​ໃນ​ພຣະຄຣິດເຈົ້າ ເປັນ​ຄວາມຊອບທຳ​ທີ່​ມາ​ຈາກ​ພຣະເຈົ້າ​ເທິງ​ພື້ນຖານ​ຂອງ​ຄວາມເຊື່ອ.

ເຮັບເຣີ 7:19

(ເພາະ​ກົດບັນຍັດ​ບໍ່​ໄດ້​ເຮັດ​ໃຫ້​ສິ່ງໃດ​ຄົບຖ້ວນ​ສົມບູນ​ໄດ້​ເລີຍ), ແລະ ມີ​ຄວາມຫວັງ​ອັນ​ດີ​ກວ່າ​ກໍ​ເຂົ້າ​ມາ, ໂດຍ​ຄວາມຫວັງ​ນັ້ນ​ພວກເຮົາ​ຈຶ່ງ​ເຂົ້າ​ໃກ້​ພຣະເຈົ້າ​ໄດ້.

ເຮັບເຣີ 7:28

ເພາະ​ກົດບັນຍັດ​ນັ້ນ​ໄດ້​ແຕ່ງຕັ້ງ​ມະນຸດ​ຜູ້​ອ່ອນແອ​ໃຫ້​ເປັນ​ມະຫາ​ປະໂລຫິດ ແຕ່​ຄຳສາບານ​ຂອງ​ພຣະເຈົ້າ​ທີ່​ມາ​ພາຍຫລັງ​ກົດບັນຍັດ​ໄດ້​ແຕ່ງຕັ້ງ​ພຣະບຸດ ຜູ້​ທີ່​ຖືກ​ເຮັດ​ໃຫ້​ສົມບູນ​ແລ້ວ​ຕະຫລອດໄປ.