ໂຣມ 2:25 - ພຣະຄຳພີລາວສະບັບສະໄໝໃໝ່

²⁵ ການ​ຮັບພິທີຕັດ​ນັ້ນ​ກໍ​ມີ​ປະໂຫຍດ​ແທ້​ຖ້າ​ພວກເຈົ້າ​ຮັກສາ​ກົດບັນຍັດ, ແຕ່​ຖ້າ​ພວກເຈົ້າ​ລ່ວງລະເມີດ​ກົດບັນຍັດ ການ​ທີ່​ພວກເຈົ້າ​ຮັບພິທີຕັດ​ນັ້ນ​ກໍ​ເໝືອນ​ບໍ່​ໄດ້​ຮັບ​ເລີຍ.

ພຣະຄຳພີສັກສິ

²⁵ ຖ້າ​ເຈົ້າ​ເຮັດ​ຕາມ​ກົດບັນຍັດ ພິທີຕັດ​ນັ້ນ​ກໍ​ເປັນ​ປະໂຫຍດ​ແທ້, ແຕ່​ຖ້າ​ເຈົ້າ​ລ່ວງ​ລະເມີດ​ກົດບັນຍັດ ການ​ທີ່​ເຈົ້າ​ຮັບ​ພິທີຕັດ​ນັ້ນ​ກໍ​ບໍ່ມີ​ປະໂຫຍດ​ຫຍັງ​ເລີຍ.

ໂຣມ 2:25 Jak'a apnaqawi uñst'ayäwi

ກິດຈະການ 7:51

“ພວກເຈົ້າ​ເປັນ​ຄົນ​ຫົວ​ແຂງ! ໃຈ ແລະ ຫູ​ຂອງ​ພວກເຈົ້າ​ຍັງ​ບໍ່​ໄດ້​ຮັບພິທີຕັດ. ພວກເຈົ້າ​ກໍ​ເປັນ​ເໝືອນ​ບັນພະບຸລຸດ​ຂອງ​ພວກເຈົ້າ​ຄື: ພວກເຈົ້າ​ທັງຫລາຍ​ຕໍ່ຕ້ານ​ພຣະວິນຍານບໍລິສຸດເຈົ້າ​ຢູ່​ສະເໝີ!

ໂຣມ 2:13

ດ້ວຍວ່າ ຜູ້​ທີ່​ຊອບທຳ​ໃນ​ສາຍຕາ​ພຣະເຈົ້າ​ບໍ່​ແມ່ນ​ຜູ້​ທີ່​ໄດ້​ຍິນ​ໄດ້​ຟັງ​ກົດບັນຍັດ ແຕ່​ແມ່ນ​ຜູ້​ທີ່​ໄດ້​ເຮັດ​ຕາມ​ກົດບັນຍັດ​ເທົ່ານັ້ນ​ທີ່​ພຣະເຈົ້າ​ຈະ​ປະກາດ​ວ່າ​ເປັນ​ຜູ້ຊອບທຳ.

ໂຣມ 2:23

ພວກເຈົ້າ​ຜູ້​ອວດອ້າງ​ໃນ​ກົດບັນຍັດ ແຕ່​ພວກເຈົ້າ​ເອງ​ໝິ່ນປະໝາດ​ພຣະເຈົ້າ​ໂດຍ​ຝ່າຝືນ​ກົດບັນຍັດ​ບໍ?

ໂຣມ 2:26

ດັ່ງນັ້ນ ຖ້າ​ຜູ້​ທີ່​ບໍ່​ໄດ້​ຮັບພິທີຕັດ​ຕາມ​ຂໍ້ກຳນົດ​ຂອງ​ກົດບັນຍັດ ຈະ​ຖື​ວ່າ​ພວກເຂົາ​ໄດ້​ຮັບພິທີຕັດ​ແລ້ວ​ບໍ່​ແມ່ນ​ບໍ?

ໂຣມ 2:27

ຜູ້​ທີ່​ບໍ່​ໄດ້​ຮັບພິທີຕັດ​ທາງ​ກາຍ​ແຕ່​ຍັງ​ເຮັດ​ຕາມ​ກົດບັນຍັດ ຈະ​ລົງໂທດ​ພວກເຈົ້າ​ຜູ້​ລະເມີດ​ກົດບັນຍັດ ເຖິງວ່າ​ພວກເຈົ້າ​ມີ​ກົດບັນຍັດ​ເປັນ​ຕົວອັກສອນ ແລະ ໄດ້​ຮັບ​ພິທີຕັດ​ແລ້ວ.

ໂຣມ 2:28

ຜູ້​ທີ່​ເປັນ​ຄົນ​ຢິວ​ແທ້​ທີ່​ບໍ່​ແມ່ນ​ຄົນ​ຢິວ​ແຕ່​ພຽງ​ພາຍນອກ, ທັງ​ການ​ຮັບພິທີຕັດ​ແທ້​ກໍ​ບໍ່ແມ່ນ​ການ​ຮັບພິທີຕັດ​ແຕ່​ພຽງ​ພາຍນອກ ແລະ ທາງ​ຮ່າງກາຍ​ເທົ່ານັ້ນ.

1 ໂກຣິນໂທ 7:19

ການ​ທີ່​ຮັບ​ພິທີຕັດ ຫລື ບໍ່​ຮັບ​ພິທີຕັດ​ນັ້ນ​ກໍ​ບໍ່​ສຳຄັນ​ຫຍັງ. ແຕ່​ສິ່ງ​ສຳຄັນ​ແມ່ນ​ການປະຕິບັດ​ຕາມ​ພຣະບັນຍັດ​ຂອງ​ພຣະເຈົ້າ.

ຄາລາເຕຍ 6:13

ແມ່ນແຕ່​ຄົນ​ທີ່​ຮັບ​ພິທີຕັດ​ແລ້ວ​ກໍ​ຍັງ​ບໍ່​ເຊື່ອຟັງ​ກົດບັນຍັດ ແຕ່​ພວກເຂົາ​ຕ້ອງການ​ໃຫ້​ພວກເຈົ້າ​ຮັບ​ພິທີຕັດ​ເພື່ອ​ພວກເຂົາ​ຈະ​ໄດ້​ອວດອ້າງ​ກ່ຽວກັບ​ການ​ຮັບ​ພິທີຕັດ​ໃນ​ເນື້ອໜັງ​ຂອງ​ພວກເຈົ້າ.

ຄາລາເຕຍ 6:15

ຮັບ​ພິທີຕັດ ຫລື ບໍ່​ຮັບ​ພິທີຕັດ​ກໍ​ບໍ່​ມີ​ຄວາມໝາຍ​ຫຍັງ; ສິ່ງ​ສຳຄັນ​ແມ່ນ​ການ​ສ້າງຂຶ້ນ​ໃໝ່.