ໂຣມ 11:11 - ພຣະຄຳພີລາວສະບັບສະໄໝໃໝ່

¹¹ ເຮົາ​ຈຶ່ງ​ຖາມ​ອີກ​ວ່າ: ພວກເຂົາ​ສະດຸດ​ລົ້ມ​ຈົນ​ລຸກ​ບໍ່​ຂຶ້ນ​ບໍ? ບໍ່​ເປັນ​ຢ່າງນັ້ນ​ດອກ! ແຕ່​ຍ້ອນ​ການລ່ວງລະເມີດ​ຂອງ​ພວກເຂົາ, ຄວາມພົ້ນ​ຈຶ່ງ​ມາ​ເຖິງ​ຄົນຕ່າງຊາດ​ເພື່ອ​ເຮັດ​ໃຫ້​ຄົນອິດສະຣາເອນ​ມີ​ໃຈ​ອິດສາ.

ພຣະຄຳພີສັກສິ

¹¹ ດັ່ງນັ້ນ ເຮົາ​ຈຶ່ງ​ຖາມ​ວ່າ, ເມື່ອ​ພວກ​ອິດສະຣາເອນ​ຕຳ​ສະດຸດ​ນັ້ນ ພວກເຂົາ​ໄດ້​ລົ້ມ​ລົງ​ສູນເສຍ​ໄປ​ຊັ້ນບໍ? ບໍ່​ເປັນ​ຢ່າງ​ນັ້ນ​ດອກ ແຕ່​ຍ້ອນ​ພວກເຂົາ​ໄດ້​ສະດຸດ​ລົ້ມ​ລົງ​ແລ້ວ ຄວາມ​ພົ້ນ​ຈຶ່ງ​ມາ​ເຖິງ​ຄົນຕ່າງຊາດ, ເພື່ອ​ຈະ​ເຮັດ​ໃຫ້​ພວກເຂົາ​ເກີດ​ມີ​ໃຈ​ຫຶງຫວງ​ຂຶ້ນ.

ໂຣມ 11:11 Jak'a apnaqawi uñst'ayäwi

ລູກາ 20:16

ເພິ່ນ​ຈະ​ມາ ແລະ ຂ້າ​ພວກ​ຄົນເຊົ່າສວນ ແລະ ເອົາ​ສວນອະງຸ່ນ​ນັ້ນ​ໃຫ້​ຄົນອື່ນ​ເຊົ່າ”. ເມື່ອ​ປະຊາຊົນ​ໄດ້​ຍິນ​ດັ່ງນີ້ ພວກເຂົາ​ກໍ​ເວົ້າ​ວ່າ, “ຂໍ​ຢ່າ​ໃຫ້​ເປັນ​ຢ່າງ​ນັ້ນ​ເລີຍ!”

ກິດຈະການ 13:42

ຂະນະ​ທີ່​ໂປໂລ ແລະ ບາຣະນາບາ​ກຳລັງ​ອອກ​ຈາກ​ທຳມະສາລາ, ປະຊາຊົນ​ກໍ​ໄດ້​ເຊີນ​ພວກເພິ່ນ​ໃຫ້​ກ່າວ​ຂໍ້ຄວາມ​ເຫລົ່ານີ້​ອີກ​ໃນ​ວັນຊະບາໂຕ​ຖັດ​ໄປ.

ກິດຈະການ 18:6

ແຕ່​ເມື່ອ​ພວກ​ຢິວ​ຕໍ່ຕ້ານ ແລະ ໃສ່​ຮ້າຍ​ໂປໂລ, ເພິ່ນ​ຈຶ່ງ​ສັ່ນ​ເຄື່ອງນຸ່ງ​ຂອງ​ເພິ່ນ​ປະທ້ວງ ແລະ ເວົ້າ​ກັບ​ພວກເຂົາ​ວ່າ, “ໃຫ້​ເລືອດ​ຂອງ​ພວກເຈົ້າ​ຕົກ​ໃສ່​ຫົວ​ຂອງ​ພວກເຈົ້າ​ເອງ! ຂ້າພະເຈົ້າ​ບໍ່​ມີ​ສ່ວນ​ຫຍັງ​ນຳ. ຕັ້ງແຕ່​ນີ້​ຕໍ່ໄປ ຂ້າພະເຈົ້າ​ຈະ​ໄປ​ຫາ​ຄົນຕ່າງຊາດ”.

ໂຣມ 10:19

ເຮົາ​ຂໍ​ຖາມ​ອີກ​ວ່າ ຊົນຊາດ​ອິດສະຣາເອນ​ບໍ່​ເຂົ້າໃຈ​ບໍ? ຕອນທຳອິດ​ໂມເຊ​ກ່າວ​ວ່າ, “ເຮົາ​ຈະ​ເຮັດໃຫ້​ເຈົ້າ​ອິດສາ​ບັນດາ​ຜູ້​ທີ່​ບໍ່​ແມ່ນ​ຊົນຊາດ; ເຮົາ​ຈະ​ຍົວະ​ໃຫ້​ເຈົ້າ​ໃຈຮ້າຍ​ດ້ວຍ​ຊົນຊາດ​ທີ່​ບໍ່​ມີ​ຄວາມເຂົ້າໃຈ”.

ໂຣມ 11:1

ຖ້າ​ຢ່າງ​ນັ້ນ ເຮົາ​ຂໍ​ຖາມ​ວ່າ, ພຣະເຈົ້າ​ໄດ້​ປະຖິ້ມ​ຄົນ​ຂອງ​ພຣະອົງ​ແລ້ວ​ບໍ? ບໍ່ແມ່ນ​ຢ່າງນັ້ນ​ດອກ! ເຮົາ​ເອງ​ກໍ​ເປັນ​ຊາວ​ອິດສະຣາເອນ​ຄົນ​ໜຶ່ງ, ເປັນ​ເຊື້ອສາຍ​ຂອງ​ອັບຣາຮາມ ມາ​ຈາກ​ເຜົ່າ​ເບັນຢາມິນ.

ໂຣມ 11:12

ແຕ່​ຖ້າ​ການລ່ວງລະເມີດ​ຂອງ​ພວກເຂົາ​ໝາຍ​ເຖິງ​ຄວາມຮັ່ງມີ​ສຳລັບ​ໂລກ, ແລະ ການສູນເສຍ​ຂອງ​ພວກເຂົາ​ໝາຍ​ເຖິງ​ຄວາມຮັ່ງມີ​ສຳລັບ​ຄົນຕ່າງຊາດ​ແລ້ວ, ຄວາມສົມບູນ​ຂອງ​ພວກເຂົາ​ຍິ່ງ​ຈະ​ນຳ​ຄວາມຮັ່ງມີ​ມາ​ໃຫ້​ຫລາຍ​ເທົ່າໃດ​ນໍ!

ໂຣມ 11:14

ໂດຍ​ມີ​ຄວາມຫວັງ​ວ່າ​ເຮົາ​ຈະ​ຊັກຊວນ​ພີ່ນ້ອງ​ຮ່ວມ​ຊາດ​ຂອງ​ເຮົາ​ໃຫ້​ເກີດ​ຄວາມອິດສາ ແລະ ເພື່ອ​ຊ່ວຍ​ພວກເຂົາ​ບາງຄົນ​ໃຫ້​ພົ້ນ​ໄດ້.

ໂຣມ 11:31

ດັ່ງນັ້ນ ໃນ​ເວລາ​ນີ້​ພວກເຂົາ​ກໍ​ບໍ່​ເຊື່ອ​ຟັງ​ເໝືອນກັນ ເພື່ອວ່າ​ບັດນີ້ ພວກເຂົາ​ກໍ​ຈະ​ໄດ້​ຮັບ​ຄວາມ​ເມດຕາ​ອັນ​ເປັນ​ຜົນ​ມາ​ຈາກ​ຄວາມ​ເມດຕາ​ຂອງ​ພຣະເຈົ້າ​ທີ່​ມີ​ຕໍ່​ພວກເຈົ້າ.