ໂຣມ 1:24 - ພຣະຄຳພີລາວສະບັບສະໄໝໃໝ່

²⁴ ເຫດສະນັ້ນ ພຣະເຈົ້າ​ຈຶ່ງ​ໄດ້​ປ່ອຍ​ພວກເຂົາ​ໃຫ້​ເຮັດ​ບາບ​ທາງເພດ​ຕາມ​ຕັນຫາ​ຊົ່ວ​ໃນ​ໃຈ​ຂອງ​ພວກເຂົາ ເຮັດ​ສິ່ງ​ທີ່​ໜ້າອັບອາຍ​ທາງ​ຮ່າງກາຍ​ຕໍ່​ກັນ.

ພຣະຄຳພີສັກສິ

²⁴ ດ້ວຍເຫດນັ້ນ ພຣະເຈົ້າ​ຈຶ່ງ​ປ່ອຍ​ມະນຸດ​ໃຫ້​ເຮັດ​ການ​ຊົ່ວຊ້າ ຕາມ​ຣາຄະ​ຕັນຫາ​ໃນ​ໃຈ​ຂອງ​ພວກເຂົາ ແລະ​ພວກເຂົາ​ຈຶ່ງ​ເຮັດ​ໃນ​ສິ່ງ​ທີ່​ໜ້າ​ອັບອາຍ​ທາງ​ຮ່າງກາຍ​ຕໍ່​ກັນ.

ໂຣມ 1:24 Jak'a apnaqawi uñst'ayäwi

ມັດທາຍ 15:14

ຢ່າ​ສົນ​ນໍາ​ພວກເຂົາ, ພວກເຂົາ​ເປັນ​ຄົນ​ນຳ​ທາງ​ທີ່​ຕາບອດ. ຖ້າ​ຄົນ​ຕາບອດ​ນຳທາງ​ໃຫ້​ຄົນ​ຕາບອດ ທັງ​ສອງ​ກໍ​ຈະ​ຕົກລົງ​ໃນ​ຂຸມ”.

ກິດຈະການ 14:16

ໃນ​ອະດີດ​ນັ້ນ, ພຣະອົງ​ປ່ອຍ​ໃຫ້​ຊົນຊາດ​ທັງປວງ​ໄປ​ຕາມ​ທາງ​ຂອງ​ພວກເຂົາ​ເອງ.

ກິດຈະການ 7:42

ແຕ່​ພຣະເຈົ້າ​ຫັນ​ຫລັງ​ຈາກ​ພວກເຂົາ ແລະ ປ່ອຍ​ໃຫ້​ພວກເຂົາ​ຂາບໄຫວ້​ດວງຕາເວັນ, ດວງເດືອນ ແລະ ດວງດາວ. ຕາມ​ທີ່​ຂຽນ​ໄວ້​ໃນ​ໜັງສື​ຂອງ​ບັນດາ​ຜູ້ທຳນວາຍ​ວ່າ: “‘ປະຊາຊົນ​ອິດສະຣາເອນ​ເອີຍ, ຕະຫລອດ​ສີ່ສິບ​ປີ​ໃນ​ຖິ່ນແຫ້ງແລ້ງກັນດານ ພວກເຈົ້າ​ໄດ້​ມອບ​ເຄື່ອງບູຊາ ແລະ ເຄື່ອງຖວາຍ​ແກ່​ເຮົາ​ບໍ?

ໂຣມ 6:12

ເຫດສະນັ້ນ, ຢ່າ​ໃຫ້​ຄວາມບາບ​ໄດ້​ຄອບຄອງ​ຮ່າງກາຍ​ທີ່​ຕ້ອງ​ຕາຍ​ຂອງ​ພວກເຈົ້າ ເຊິ່ງ​ເຮັດ​ໃຫ້​ພວກເຈົ້າ​ຕ້ອງ​ຍອມ​ເຮັດຕາມ​ຄວາມປາຖະໜາ​ຊົ່ວ​ຂອງ​ຮ່າງກາຍ​ນັ້ນ.

1 ໂກຣິນໂທ 6:13

ພວກເຈົ້າ​ເວົ້າ​ວ່າ, “ອາຫານ​ມີ​ໄວ້​ສຳລັບ​ທ້ອງ ແລະ ທ້ອງ​ມີ​ໄວ້​ສຳລັບ​ອາຫານ”, ແຕ່​ພຣະເຈົ້າ​ຈະ​ທຳລາຍ​ທັງ​ສອງ​ສິ່ງ​ນີ້. ເຖິງຢ່າງໃດ​ກໍ​ຕາມ, ຮ່າງກາຍ​ບໍ່​ໄດ້​ມີ​ໄວ້​ເພື່ອ​ການ​ຜິດສິນທຳທາງເພດ ແຕ່​ມີ​ໄວ້​ເພື່ອ​ອົງພຣະຜູ້ເປັນເຈົ້າ ແລະ ອົງພຣະຜູ້ເປັນເຈົ້າ​ມີ​ໄວ້​ເພື່ອ​ຮ່າງກາຍ.

1 ໂກຣິນໂທ 6:18

ຈົ່ງ​ຫລີກໜີ​ຈາກ​ການ​ຜິດສິນທຳທາງເພດ. ຄວາມບາບ​ອື່ນໆ​ທັງໝົດ​ທີ່​ມະນຸດ​ເຮັດ​ນັ້ນ​ລ້ວນແຕ່​ເປັນ​ບາບ​ນອກ​ຮ່າງກາຍ, ແຕ່​ຄົນ​ທີ່​ເຮັດ​ຜິດບາບ​ທາງ​ເພດ ກໍ​ເຮັດ​ຜິດບາບ​ຕໍ່​ຮ່າງກາຍ​ຂອງ​ຕົນເອງ.

ເອເຟໂຊ 2:3

ຄັ້ງ​ໜຶ່ງ ພວກເຮົາ​ທຸກ​ຄົນ​ກໍ​ເຄີຍ​ດໍາເນີນຊີວິດ​ຢູ່​ໃນ​ທ່າມກາງ​ຄົນ​ເຫລົ່ານັ້ນ, ເຊິ່ງ​ເປັນ​ການສະໜອງ​ຕັນຫາ​ຂອງ​ເນື້ອໜັງ​ຂອງ​ພວກເຮົາ ແລະ ປະຕິບັດ​ຕາມ​ຄວາມປາຖະໜາ ແລະ ຕາມ​ຄວາມຄິດ​ຂອງ​ເນື້ອໜັງ​ນັ້ນ. ພວກເຮົາ​ຈຶ່ງ​ສົມຄວນ​ໄດ້ຮັບ​ຄວາມໂກດຮ້າຍ​ເໝືອນ​ກັບ​ຄົນ​ອື່ນ.

1 ເທສະໂລນິກ 4:4

ພວກເຈົ້າ​ແຕ່ລະຄົນ​ຈະ​ຕ້ອງ​ຮູ້ຈັກ​ຄວບຄຸມ​ຮ່າງກາຍ​ຂອງ​ຕົນ​ໃນ​ທາງ​ທີ່​ບໍລິສຸດ ແລະ ໜ້າ​ນັບຖື,