ພຣະນິມິດ 20:8 - ພຣະຄຳພີລາວສະບັບສະໄໝໃໝ່

⁸ ແລະ ມັນ​ຈະ​ອອກ​ໄປ​ຫລອກລວງ​ບັນດາ​ປະຊາຊາດ​ທັງຫລາຍ​ທົ່ວ​ສີ່​ມຸມ​ຂອງ​ໂລກ​ທີ່​ເອີ້ນ​ວ່າ​ໂກກ ແລະ ມາໂກກ. ເພື່ອ​ຮວບຮວມ​ພວກເຂົາ​ມາ​ເຮັດ​ການສູ້ຮົບ. ພວກເຂົາ​ມີ​ຈຳນວນ​ຫລວງຫລາຍ​ເໝືອນດັ່ງ​ເມັດຊາຍ​ຢູ່​ຕາມ​ຝັ່ງທະເລ.

ພຣະຄຳພີສັກສິ

⁸ ມັນ​ຈະ​ອອກ​ໄປ​ຫລອກລວງ​ບັນດາ​ປະຊາຊາດ​ທັງຫລາຍ ທີ່​ກະຈັດ​ກະຈາຍ​ຢູ່​ທົ່ວ​ໂລກ ຄື​ໂກກ​ແລະ​ມາໂກກ ໃຫ້​ມາ​ເຕົ້າໂຮມ​ກັນ​ເພື່ອ​ການ​ເຮັດ​ເສິກ ຈຳນວນ​ຄົນ​ເຫຼົ່ານັ້ນ​ມີ​ຫລວງຫລາຍ ເໝືອນ​ເມັດ​ຊາຍ​ຕາມ​ແຄມ​ຝັ່ງ​ທະເລ.

ພຣະນິມິດ 20:8 Jak'a apnaqawi uñst'ayäwi

ເຮັບເຣີ 11:12

ແລະ ດັ່ງນັ້ນ​ຈາກ​ຊາຍ​ຄົນ​ດຽວ​ນີ້ ເຊິ່ງ​ເປັນ​ເໝືອນ​ຄົນ​ທີ່​ຕາຍ​ແລ້ວ​ກໍ​ເກີດ​ມີ​ລູກ​ຫລານ​ສືບ​ເຊື້ອສາຍ​ຈໍານວນ​ຫລວງຫລາຍ​ເໝືອນດັ່ງ​ດວງດາວ​ໃນ​ທ້ອງຟ້າ ແລະ ເໝືອນດັ່ງ​ເມັດຊາຍ​ຢູ່​ແຄມທະເລ​ທີ່​ນັບ​ບໍ່​ຖ້ວນ.

ພຣະນິມິດ 12:9

ພະຍານາກ​ໃຫຍ່​ທີ່​ຖືກ​ໂຍນ​ລົງ​ມາ​ນັ້ນ​ແມ່ນ​ງູ​ດຶກດຳບັນ​ທີ່​ເອີ້ນ​ວ່າ​ມານຮ້າຍ ຫລື ມານຊາຕານ, ຜູ້​ທີ່​ນຳພາ​ຄົນ​ທັງ​ໂລກ​ໃຫ້​ຫລົງຜິດ. ມັນ​ຖືກ​ໂຍນ​ລົງ​ມາ​ເທິງ​ໂລກ​ພ້ອມ​ກັບ​ບັນດາ​ເທວະດາ​ຂອງ​ມັນ.

ພຣະນິມິດ 16:14

ພວກມັນ​ເປັນ​ວິນຍານ​ຂອງ​ມານຮ້າຍ​ທີ່​ເຮັດ​ໝາຍສຳຄັນ​ຕ່າງໆ, ພວກມັນ​ອອກ​ໄປ​ຫາ​ກະສັດ​ທົ່ວ​ໂລກ​ເພື່ອ​ເຕົ້າໂຮມ​ກະສັດ​ເຫລົ່ານັ້ນ​ມາ​ເຮັດ​ການຕໍ່ສູ້​ໃນ​ວັນ​ອັນ​ຍິ່ງໃຫຍ່​ຂອງ​ພຣະເຈົ້າ​ຜູ້​ລິດອຳນາດຍິ່ງໃຫຍ່.

ພຣະນິມິດ 20:10

ແລະ ມານຮ້າຍ​ທີ່​ຫລອກລວງ​ພວກເຂົາ​ກໍ​ຖືກ​ຖິ້ມລົງ​ໃນ​ບຶງໄຟ​ທີ່​ມີ​ມາດ​ໄໝ້​ຢູ່, ບ່ອນ​ທີ່​ສັດຮ້າຍ ແລະ ຜູ້ທຳນວາຍ​ປອມ​ໄດ້​ຖືກ​ຖິ້ມລົງ​ໄປ​ກ່ອນ​ແລ້ວ. ພວກມັນ​ຈະ​ທົນທຸກທໍລະມານ​ທັງ​ກາງ​ເວັນ ແລະ ກາງຄືນ​ຕະຫລອດໄປ​ເປັນນິດ.

ພຣະນິມິດ 20:3

ເພິ່ນ​ໄດ້​ໂຍນ​ມັນ​ລົງ​ໃນ​ເຫວເລິກ, ໃສ່​ກະແຈ ແລະ ປະທັບຕາ​ໃສ່​ມັນ​ໄວ້ ເພື່ອ​ບໍ່​ໃຫ້​ມັນ​ອອກ​ມາ​ຫລອກລວງ​ບັນດາ​ປະຊາຊາດ​ທັງຫລາຍ​ອີກ​ຈົນ​ກວ່າ​ຈະ​ຄົບ​ໜຶ່ງພັນ​ປີ. ຫລັງຈາກນັ້ນ, ມັນ​ຈະ​ຕ້ອງ​ຖືກ​ປ່ອຍ​ອອກ​ມາ​ຊົ່ວໄລຍະ​ສັ້ນໆ.

ພຣະນິມິດ 7:1

ຫລັງຈາກນັ້ນ ຂ້າພະເຈົ້າ​ໄດ້​ເຫັນ​ເທວະດາ​ສີ່​ຕົນ​ຢືນ​ຢູ່​ທີ່​ສີ່​ມຸມ​ຂອງ​ແຜ່ນດິນໂລກ ດຶງ​ລົມ​ທັງ​ສີ່​ທິດ​ຂອງ​ແຜ່ນດິນໂລກ​ບໍ່​ໃຫ້​ລົມ​ພັດ​ມາ​ເທິງ​ແຜ່ນດິນ ຫລື ພັດ​ເທິງ​ທະເລ ຫລື ພັດ​ເທິງ​ຕົ້ນໄມ້​ໃດໆ.