ພຣະນິມິດ 12:3 - ພຣະຄຳພີລາວສະບັບສະໄໝໃໝ່

³ ຫລັງຈາກ​ນັ້ນ ກໍ​ມີ​ໝາຍສຳຄັນ​ອີກ​ຢ່າງ​ໜຶ່ງ​ໄດ້​ປາກົດ​ຂຶ້ນ​ໃນ​ສະຫວັນ​ຄື: ພະຍານາກ​ໃຫຍ່​ສີແດງ​ໂຕ​ໜຶ່ງ​ມີ​ເຈັດ​ຫົວ ແລະ ສິບ​ເຂົາ, ທັງ​ເຈັດ​ຫົວ​ສວມ​ມົງກຸດ

ພຣະຄຳພີສັກສິ

³ ມີ​ໝາຍສຳຄັນ​ອີກ​ຢ່າງ​ໜຶ່ງ​ປາກົດ​ໃນ​ສະຫວັນ​ດັ່ງນີ້: ມີ​ພະຍານາກ​ໃຫຍ່​ສີແດງ​ໂຕໜຶ່ງ ມີ​ເຈັດ​ຫົວ ສິບ​ເຂົາ ຢູ່​ເທິງ​ຫົວ​ນັ້ນ​ມີ​ມົງກຸດ​ເຈັດ​ອັນ.

ພຣະນິມິດ 12:3 Jak'a apnaqawi uñst'ayäwi

ພຣະນິມິດ 12:1

ມີ​ໝາຍສຳຄັນ​ອັນ​ຍິ່ງໃຫຍ່​ປາກົດ​ຂຶ້ນ​ໃນ​ສະຫວັນ​ຄື: ຍິງ​ຄົນ​ໜຶ່ງ​ມີ​ດວງອາທິດ​ປົກຄຸມ​ໂຕ​ເໝືອນ​ນຸ່ງ​ເສື້ອຜ້າ, ມີ​ດວງຈັນ​ຢູ່​ໃຕ້​ຕີນ ແລະ ມີ​ດາວ​ສິບສອງ​ດວງ​ເປັນ​ມົງກຸດ​ສວມ​ຢູ່​ເທິງ​ຫົວ​ຂອງ​ນາງ.

ພຣະນິມິດ 12:13

ເມື່ອ​ພະຍານາກ​ເຫັນ​ວ່າ​ຕົນ​ໄດ້​ຖືກ​ໂຍນ​ລົງ​ເທິງ​ແຜ່ນດິນໂລກ​ແລ້ວ, ມັນ​ກໍ​ໄລ່​ຕາມຫາ​ແມ່ຍິງ​ຜູ້​ທີ່​ໄດ້​ເກີດ​ລູກ​ເປັນ​ເດັກນ້ອຍ​ຜູ້ຊາຍ​ນັ້ນ.

ພຣະນິມິດ 12:17

ແລ້ວ​ພະຍານາກ​ກໍ​ຄຽດແຄ້ນ​ຍິງ​ນັ້ນ ແລະ ໄປ​ເຮັດ​ສົງຄາມ​ກັບ​ລູກ​ຫລານ​ຂອງ​ນາງ​ທີ່​ເຫລືອ​ຄື ຄົນ​ເຫລົ່ານັ້ນ​ທີ່​ຖືຮັກສາ​ກົດບັນຍັດ​ຂອງ​ພຣະເຈົ້າ ແລະ ຢຶດຖື​ຄຳພະຍານ​ຂອງ​ພວກເຂົາ​ກ່ຽວກັບ​ພຣະເຢຊູເຈົ້າ.

ພຣະນິມິດ 12:4

ຫາງ​ຂອງ​ພະຍານາກ​ນັ້ນ​ໄດ້​ກວາດ​ໜຶ່ງສ່ວນສາມ​ຂອງ​ດວງດາວ​ໃນ​ທ້ອງຟ້າ ແລະ ແກວ່ງ​ດວງດາວ​ນັ້ນ​ລົງ​ໃສ່​ແຜ່ນດິນໂລກ. ພະຍານາກ​ນັ້ນ​ຢືນ​ຢູ່​ຕໍ່ໜ້າ​ແມ່ຍິງ​ຜູ້​ທີ່​ກຳລັງ​ຈະ​ເກີດ​ລູກ, ເພື່ອ​ວ່າ​ມັນ​ຈະ​ໄດ້​ກິນ​ເດັກນ້ອຍ​ດ້ວຍ​ຄວາມຫິວໂຫຍ​ໃນ​ທັນທີ​ທີ່​ເດັກ​ນັ້ນ​ເກີດ​ມາ.

ພຣະນິມິດ 12:7

ຫລັງຈາກນັ້ນ ກໍ​ໄດ້​ເກີດ​ສົງຄາມ​ຂຶ້ນ​ໃນ​ສະຫວັນ. ມີຄາເອນ ແລະ ບັນດາ​ເທວະດາ​ຂອງ​ເພິ່ນ​ກໍ​ພາ​ກັນ​ຕໍ່ສູ້​ກັບ​ພະຍານາກ, ສ່ວນ​ພະຍານາກ ແລະ ບໍລິວານ​ຂອງ​ມັນ​ກໍ​ໄດ້​ຕໍ່ສູ້​ຄືນ.

ພຣະນິມິດ 12:9

ພະຍານາກ​ໃຫຍ່​ທີ່​ຖືກ​ໂຍນ​ລົງ​ມາ​ນັ້ນ​ແມ່ນ​ງູ​ດຶກດຳບັນ​ທີ່​ເອີ້ນ​ວ່າ​ມານຮ້າຍ ຫລື ມານຊາຕານ, ຜູ້​ທີ່​ນຳພາ​ຄົນ​ທັງ​ໂລກ​ໃຫ້​ຫລົງຜິດ. ມັນ​ຖືກ​ໂຍນ​ລົງ​ມາ​ເທິງ​ໂລກ​ພ້ອມ​ກັບ​ບັນດາ​ເທວະດາ​ຂອງ​ມັນ.

ພຣະນິມິດ 13:1

ສ່ວນ​ພະຍານາກ​ຢືນ​ຢູ່​ແຄມ​ທະເລ. ແລະ ຂ້າພະເຈົ້າ​ໄດ້​ເຫັນ​ສັດຮ້າຍ​ໂຕ​ໜຶ່ງ​ຂຶ້ນ​ມາ​ຈາກ​ທະເລ. ມັນ​ມີ​ສິບ​ເຂົາ ແລະ ເຈັດ​ຫົວ, ທັງ​ເຈັດ​ເຂົາ​ສວມ​ມົງກຸດ​ສວມ ແລະ ຢູ່​ເທິງ​ແຕ່​ລະ​ຫົວ​ມີ​ຊື່​ທີ່​ເປັນ​ຄຳ​ໝິ່ນປະໝາດ.

ພຣະນິມິດ 13:2

ສັດຮ້າຍ​ທີ່​ຂ້າພະເຈົ້າ​ໄດ້​ເຫັນ​ນັ້ນ​ຄ້າຍ​ຄື​ກັບ​ເສືອດາວ, ແຕ່​ມີ​ຕີນ​ເໝືອນ​ຕີນ​ໝີ ແລະ ມີ​ປາກ​ເໝືອນ​ປາກ​ສິງ. ພະຍານາກ​ໄດ້​ໃຫ້​ອຳນາດ ແລະ ບັນລັງ​ກັບ​ສິດອຳນາດ​ອັນ​ຍິ່ງໃຫຍ່​ຂອງ​ມັນ​ແກ່​ສັດຮ້າຍ​ນັ້ນ.

ພຣະນິມິດ 13:4

ປະຊາຊົນ​ໄດ້​ຂາບໄຫວ້​ພະຍານາກ​ເພາະ​ມັນ​ໃຫ້​ສິດອຳນາດ​ແກ່​ສັດຮ້າຍ​ນັ້ນ ແລະ ພວກເຂົາ​ໄດ້​ຂາບໄຫວ້​ສັດຮ້າຍ​ເໝືອນກັນ ແລະ ພວກເຂົາ​ຖາມ​ກັນ​ວ່າ, “ຜູ້ໃດ​ຈະ​ເປັນ​ເໝືອນ​ສັດຮ້າຍ​ນີ້? ຜູ້ໃດ​ສາມາດ​ສູ້ຮົບ​ກັບ​ມັນ​ໄດ້?”

ພຣະນິມິດ 15:1

ຂ້າພະເຈົ້າ​ໄດ້​ເຫັນ​ໝາຍສຳຄັນ​ອັນ​ຍິ່ງໃຫຍ່ ແລະ ມະຫັດສະຈັນ​ອື່ນ​ອີກ​ໃນ​ສະຫວັນ​ຄື: ເທວະດາ​ເຈັດ​ຕົນ ແລະ ໄພພິບັດ​ສຸດທ້າຍ​ທັງ​ເຈັດ ເຊິ່ງ​ເປັນ​ໄພພິບັດ​ຄັ້ງ​ສຸດທ້າຍ, ເພາະວ່າ​ຄວາມໂກດຮ້າຍ​ຂອງ​ພຣະເຈົ້າ​ສຳເລັດ​ລົງ​ດ້ວຍ​ໄພພິບັດ​ເຫລົ່ານີ້.

ພຣະນິມິດ 16:13

ແລ້ວ​ຂ້າພະເຈົ້າ​ກໍ​ໄດ້​ເຫັນ​ວິນຍານສົກກະປົກ​ສາມ​ໂຕ​ມີ​ຮູບຮ່າງ​ຄ້າຍ​ຄື​ກົບ, ພວກມັນ​ອອກ​ມາ​ຈາກ​ປາກ​ຂອງ​ພະຍານາກ, ຈາກ​ປາກ​ຂອງ​ສັດຮ້າຍ ແລະ ຈາກ​ປາກ​ຂອງ​ຜູ້ທຳນວາຍ​ປອມ.

ພຣະນິມິດ 17:12

“ສ່ວນ​ເຂົາ​ທັງ​ສິບ​ທີ່​ທ່ານ​ໄດ້​ເຫັນ​ນັ້ນ​ຄື​ກະສັດ​ສິບ​ອົງ​ທີ່​ຍັງ​ບໍ່​ໄດ້​ຮັບ​ອານາຈັກ​ເທື່ອ, ແຕ່​ຈະ​ໄດ້​ຮັບ​ສິດອຳນາດ​ໃນ​ຖານະ​ກະສັດ​ຮ່ວມ​ກັບ​ສັດຮ້າຍ​ນັ້ນ​ເປັນ​ໄລຍະ​ເວລາ​ໜຶ່ງ​ຊົ່ວໂມງ.

ພຣະນິມິດ 17:16

ສັດຮ້າຍ ແລະ ເຂົາ​ສິບ​ອັນ​ທີ່​ທ່ານ​ໄດ້​ເຫັນ​ນັ້ນ​ຈະ​ກຽດຊັງ​ຍິງໂສເພນີ. ພວກເຂົາ​ຈະ​ນຳ​ນາງ​ໄປ​ສູ່​ຄວາມຈິບຫາຍ ແລະ ປ່ອຍ​ໃຫ້​ນາງ​ເປືອຍ​ກາຍ, ພວກເຂົາ​ຈະ​ກິນ​ຊີ້ນ​ຂອງ​ນາງ ແລະ ເຜົາ​ນາງ​ດ້ວຍ​ໄຟ.

ພຣະນິມິດ 17:7

ແລ້ວ​ເທວະດາ​ຕົນ​ນັ້ນ​ໄດ້​ກ່າວ​ກັບ​ຂ້າພະເຈົ້າ​ວ່າ, “ດ້ວຍເຫດໃດ​ທ່ານ​ຈຶ່ງ​ປະຫລາດໃຈ? ເຮົາ​ຈະ​ອະທິບາຍ​ຄວາມເລິກລັບ​ຂອງ​ແມ່ຍິງ​ຄົນ​ນັ້ນ​ກັບ​ສັດຮ້າຍ​ທີ່​ມີ​ເຈັດ​ຫົວ ແລະ ສິບ​ເຂົາ​ທີ່​ນາງ​ຂີ່​ໃຫ້​ທ່ານ​ຟັງ.

ພຣະນິມິດ 19:12

ດວງຕາ​ຂອງ​ພຣະອົງ​ເໝືອນ​ແປວໄຟ ແລະ ເທິງ​ຫົວ​ພຣະອົງ​ມີ​ມົງກຸດ​ຫລາຍ​ອັນ. ມີ​ຊື່​ຈາລຶກ​ໄວ້​ເທິງ​ພຣະອົງ​ທີ່​ບໍ່​ມີ​ຜູ້ໃດ​ຮູ້​ຈັກ​ຊື່​ນັ້ນ​ເລີຍ​ນອກ​ຈາກ​ພຣະອົງ​ເອງ.

ພຣະນິມິດ 20:2

ເທວະດາ​ນັ້ນ​ໄດ້​ຈັບ​ພະຍານາກ​ທີ່​ເປັນ​ງູ​ດຶກດຳບັນ, ຜູ້​ທີ່​ເປັນ​ມານຮ້າຍ ຫລື ມານຊາຕານ ແລະ ຜູກມັດ​ມັນ​ໄວ້​ໜຶ່ງພັນ​ປີ.