ພຣະນິມິດ 12:2 - ພຣະຄຳພີລາວສະບັບສະໄໝໃໝ່

² ຍິງ​ນັ້ນ​ຖືພາ ແລະ ຮ້ອງ​ດ້ວຍ​ຄວາມເຈັບປວດ​ເພາະ​ນາງ​ໃກ້​ຈະ​ເກີດລູກ​ແລ້ວ.

ພຣະຄຳພີສັກສິ

² ຍິງ​ນັ້ນ​ມີ​ທ້ອງ​ແລະ​ຮ້ອງ​ຄາງ​ເຈັບປວດ​ຢູ່ ກຳລັງ​ຈະ​ເກີດ​ລູກ.

ພຣະນິມິດ 12:2 Jak'a apnaqawi uñst'ayäwi

ມັດທາຍ 24:8

ເຫດການ​ທັງໝົດ​ເຫລົ່ານີ້​ແມ່ນ​ຂັ້ນ​ເລີ່ມຕົ້ນ​ຂອງ​ຄວາມເຈັບປວດ​ໃນ​ການເກີດລູກ.

ໂຢຮັນ 16:21

ຍິງ​ທີ່​ຈະ​ເກີດລູກ​ກໍ​ຍ່ອມ​ເຈັບປວດ​ເພາະ​ເຖິງ​ກຳນົດ​ແລ້ວ, ແຕ່​ເມື່ອ​ລູກ​ເກີດ​ອອກ​ມາ​ແລ້ວ​ນາງ​ກໍ​ລືມ​ຄວາມເຈັບປວດ​ທໍລະມານ​ເພາະ​ນາງ​ຊື່ນຊົມຍິນດີ​ທີ່​ເດັກນ້ອຍ​ຄົນ​ໜຶ່ງ​ໄດ້​ເກີດ​ມາ​ໃນ​ໂລກ.

ຄາລາເຕຍ 4:19

ລູກ​ທີ່​ຮັກ​ຂອງ​ເຮົາ​ເອີຍ, ເຮົາ​ຍັງ​ຕ້ອງ​ເຈັບປວດ​ເໝືອນ​ກັບ​ແມ່​ທີ່​ເຈັບທ້ອງ​ເກີດລູກ​ເພື່ອ​ພວກເຈົ້າ​ອີກ ຈົນ​ກວ່າ​ພຣະຄຣິດເຈົ້າ​ຈະ​ກໍ່​ຮ່າງ​ຂຶ້ນ​ໃນ​ພວກເຈົ້າ,

ຄາລາເຕຍ 4:27

ຕາມ​ທີ່​ມີ​ຂຽນ​ໄວ້​ວ່າ: “ຈົ່ງ​ຍິນດີ, ແມ່ຍິງ​ທີ່​ເປັນໝັນ, ເຈົ້າ​ຜູ້​ບໍ່​ເຄີຍ​ເກີດ​ລູກ; ຈົ່ງ​ໂຮ່ຮ້ອງ​ດ້ວຍ​ຄວາມຍິນດີ ແລະ ຮ້ອງ​ດັງໆ, ເຈົ້າ​ຜູ້​ບໍ່​ເຄີຍ​ເຈັບ​ທ້ອງ​ເກີດ​ລູກ; ເພາະວ່າ​ລູກ​ຂອງ​ຍິງ​ທີ່​ໂດດດ່ຽວ ກໍ​ຍັງ​ມີ​ຫລາຍ​ກວ່າ​ລູກ​ຂອງ​ຍິງ​ຜູ້​ທີ່​ມີ​ຜົວ”.

ພຣະນິມິດ 12:4

ຫາງ​ຂອງ​ພະຍານາກ​ນັ້ນ​ໄດ້​ກວາດ​ໜຶ່ງສ່ວນສາມ​ຂອງ​ດວງດາວ​ໃນ​ທ້ອງຟ້າ ແລະ ແກວ່ງ​ດວງດາວ​ນັ້ນ​ລົງ​ໃສ່​ແຜ່ນດິນໂລກ. ພະຍານາກ​ນັ້ນ​ຢືນ​ຢູ່​ຕໍ່ໜ້າ​ແມ່ຍິງ​ຜູ້​ທີ່​ກຳລັງ​ຈະ​ເກີດ​ລູກ, ເພື່ອ​ວ່າ​ມັນ​ຈະ​ໄດ້​ກິນ​ເດັກນ້ອຍ​ດ້ວຍ​ຄວາມຫິວໂຫຍ​ໃນ​ທັນທີ​ທີ່​ເດັກ​ນັ້ນ​ເກີດ​ມາ.