ມາຣະໂກ 8:2 - ພຣະຄຳພີລາວສະບັບສະໄໝໃໝ່

² “ເຮົາ​ສົງສານ​ຄົນ​ເຫລົ່ານີ້​ເພາະ​ພວກເຂົາ​ມາ​ຢູ່​ກັບ​ເຮົາ​ໄດ້​ສາມ​ວັນ​ແລ້ວ ແລະ ບໍ່​ມີ​ຫຍັງ​ກິນ.

ພຣະຄຳພີສັກສິ

² “ເຮົາ​ສົງສານ​ຄົນ​ເຫຼົ່ານີ້ ເພາະ​ພວກເຂົາ​ຢູ່​ນຳ​ເຮົາ​ເຖິງ​ສາມ​ວັນ​ແລ້ວ ແລະ​ບໍ່ມີ​ອາຫານ​ກິນ.

ມາຣະໂກ 8:2 Jak'a apnaqawi uñst'ayäwi

ມັດທາຍ 14:14

ເມື່ອ​ພຣະເຢຊູເຈົ້າ​ອອກ​ຈາກ​ເຮືອ​ມາ​ກໍ​ເຫັນ​ປະຊາຊົນ​ຈໍານວນ​ຫລວງຫລາຍ, ພຣະອົງ​ກໍ​ມີ​ໃຈ​ສົງສານ​ພວກເຂົາ ແລະ ຮັກສາ​ພະຍາດ​ຂອງ​ພວກເຂົາ​ໃຫ້​ຫາຍດີ.

ມັດທາຍ 20:34

ພຣະເຢຊູເຈົ້າ​ສົງສານ​ພວກເຂົາ ຈຶ່ງ​ບາຍ​ຕາ​ຂອງ​ພວກເຂົາ. ໃນ​ທັນໃດ​ນັ້ນ ພວກເຂົາ​ກໍ​ເຫັນຮຸ່ງ ແລະ ຕິດຕາມ​ພຣະອົງ​ໄປ.

ມັດທາຍ 9:36

ເມື່ອ​ພຣະອົງ​ແນມ​ເຫັນ​ປະຊາຊົນ​ຈໍານວນ​ຫລວງຫລາຍ ພຣະອົງ​ກໍ​ມີ​ໃຈ​ສົງສານ​ພວກເຂົາ ເພາະ​ພວກເຂົາ​ຖືກ​ລົບກວນ ແລະ ຂາດ​ທີ່​ເພິ່ງພາ​ເໝືອນ​ແກະ​ທີ່​ບໍ່​ມີ​ຜູ້ລ້ຽງ.

ມາຣະໂກ 1:41

ພຣະເຢຊູເຈົ້າ​ໃຈຮ້າຍ. ພຣະອົງ​ເດ່​ມື​ອອກ​ໄປ​ແຕະຕ້ອງ​ລາວ ແລະ ກ່າວ​ວ່າ, “ເຮົາ​ພໍໃຈ​ຈະ​ຮັກສາ ຈົ່ງ​ດີ​ສະອາດ​ສາ!”

ມາຣະໂກ 5:19

ພຣະເຢຊູເຈົ້າ​ບໍ່​ອະນຸຍາດ​ໃຫ້​ລາວ​ໄປ​ນຳ ແຕ່​ໄດ້​ກ່າວ​ວ່າ, “ຈົ່ງ​ກັບ​ເມືອ​ບ້ານ​ໄປ​ຫາ​ຍາດພີ່ນ້ອງ​ຂອງ​ເຈົ້າ ແລະ ບອກ​ພວກເຂົາ​ເຖິງ​ເຫດການ​ທີ່​ອົງພຣະຜູ້ເປັນເຈົ້າ​ໄດ້​ກະທຳ​ສຳລັບ​ເຈົ້າ ແລະ ພຣະອົງ​ເມດຕາ​ຕໍ່​ເຈົ້າ​ຢ່າງໃດ”.

ມາຣະໂກ 6:32

ດັ່ງນັ້ນ, ພຣະອົງ​ກັບ​ພວກສາວົກ​ຈຶ່ງ​ລົງ​ເຮືອ​ໄປ​ຍັງ​ບ່ອນ​ທີ່​ມິດງຽບ.

ມາຣະໂກ 6:34

ເມື່ອ​ພຣະເຢຊູເຈົ້າ​ອອກ​ຈາກ​ເຮືອ​ມາ​ກໍ​ເຫັນ​ປະຊາຊົນ​ຈໍານວນ​ຫລວງຫລາຍ ພຣະອົງ​ກໍ​ມີ​ໃຈ​ສົງສານ​ພວກເຂົາ, ເພາະ​ພວກເຂົາ​ເປັນ​ເໝືອນ​ແກະ​ທີ່​ບໍ່​ມີ​ຜູ້ລ້ຽງ. ດັ່ງນັ້ນ ພຣະອົງ​ຈຶ່ງ​ເລີ່ມຕົ້ນ​ສັ່ງສອນ​ພວກເຂົາ​ຫລາຍ​ເລື່ອງ.

ມາຣະໂກ 8:3

ຖ້າ​ເຮົາ​ໃຫ້​ພວກເຂົາ​ກັບ​ໄປ​ທັງ​ທີ່​ຍັງ​ຫິວ​ຢູ່​ພວກເຂົາ​ອາດ​ຈະ​ໝົດ​ແຮງ​ກາງທາງ​ກໍ​ໄດ້​ເພາະ​ບາງຄົນ​ກໍ​ມາ​ແຕ່​ໄກ”.

ມາຣະໂກ 9:22

ຫລາຍ​ເທື່ອ​ແລ້ວ​ທີ່​ມັນ​ຊຸກ​ລາວ​ໃຫ້​ຕົກນ້ຳ ແລະ ຕົກ​ໃສ່​ໄຟ​ເພື່ອ​ຂ້າ​ລາວ. ແຕ່​ຖ້າ​ທ່ານ​ສາມາດ​ຊ່ວຍ​ໄດ້ ຂໍ​ສົງສານ​ພວກຂ້ານ້ອຍ ແລະ ຊ່ວຍ​ພວກຂ້ານ້ອຍ​ແດ່​ທ້ອນ”.

ລູກາ 15:20

ດັ່ງນັ້ນ ລາວ​ຈຶ່ງ​ລຸກ​ຂຶ້ນ ແລະ ກັບ​ຄືນ​ໄປ​ຫາ​ພໍ່​ຂອງ​ລາວ. “ແຕ່​ໃນ​ຂະນະ​ທີ່​ລາວ​ຍັງ​ຢູ່​ແຕ່​ໄກ, ພໍ່​ຂອງ​ລາວ​ໄດ້​ເຫັນ​ລາວ ແລະ ເຕັມ​ໄປ​ດ້ວຍ​ຄວາມ​ສົງສານ​ລາວ, ພໍ່​ຈຶ່ງ​ແລ່ນ​ອອກ​ໄປ​ຫາ​ລູກຊາຍ ແລ້ວ​ໂອບກອດ ແລະ ຈູບ​ລາວ.

ລູກາ 7:13

ເມື່ອ​ອົງພຣະຜູ້ເປັນເຈົ້າ​ໄດ້​ເຫັນ​ຍິງ​ນັ້ນ, ພຣະອົງ​ກໍ​ສົງສານ​ນາງ​ຫລາຍ ແລະ ກ່າວ​ວ່າ, “ຢ່າ​ຮ້ອງໄຫ້​ເລີຍ”.

ເຮັບເຣີ 2:17

ດ້ວຍ​ເຫດ​ນີ້ ພຣະອົງ​ຈຶ່ງ​ຕ້ອງ​ເປັນ​ເໝືອນ​ກັບ​ພວກເຂົາ, ເປັນ​ມະນຸດ​ໂດຍ​ສົມບູນ​ໃນ​ທຸກ​ດ້ານ ເພື່ອ​ພຣະອົງ​ຈະ​ໄດ້​ກາຍເປັນ​ມະຫາ​ປະໂລຫິດ​ຜູ້​ເຕັມ​ດ້ວຍ​ຄວາມ​ເມດຕາ ແລະ ຄວາມ​ສັດຊື່​ໃນ​ການຮັບໃຊ້​ພຣະເຈົ້າ ແລະ ເພື່ອ​ພຣະອົງ​ຈະ​ໄດ້​ຊົດໃຊ້​ຄວາມບາບ​ຂອງ​ຄົນ​ທັງຫລາຍ.

ເຮັບເຣີ 4:15

ເພາະ​ພວກເຮົາ​ບໍ່​ໄດ້​ມີ​ມະຫາ​ປະໂລຫິດ​ທີ່​ບໍ່​ສາມາດ​ຈະ​ເຫັນອົກເຫັນໃຈ​ໃນ​ຄວາມອ່ອນແອ​ທັງ​ຫລາຍ​ຂອງ​ພວກເຮົາ, ແຕ່​ພວກເຮົາ​ມີ​ພຣະອົງ​ຜູ້​ທີ່​ຖືກ​ທົດລອງ​ໃນ​ທຸກ​ທາງ​ເໝືອນ​ຢ່າງ​ພວກເຮົາ, ເຖິງປານນັ້ນ​ພຣະອົງ​ກໍ​ຍັງ​ບໍ່​ໄດ້​ເຮັດ​ບາບ.

ເຮັບເຣີ 5:2

ເພິ່ນ​ສາມາດ​ປະຕິບັດ​ຢ່າງ​ອ່ອນໂຍນ​ຕໍ່​ຄົນ​ທີ່​ຮູ້​ເທົ່າ​ບໍ່​ເຖິງ​ການ ແລະ ຄົນ​ຫລົງຜິດ​ໄດ້ ເພາະ​ເພິ່ນ​ເອງ​ກໍ​ມີ​ຄວາມອ່ອນແອ​ເໝືອນກັນ.